Itre Ini Hna Xome Qaathei Samuela

Hnei Samuela hna mele nyipici koi Iehova ngöne la mele i nyidrë. Ame lo nyidrëti a co, tha hnei nyidrëti kö hna nyitipune la thiina ka ngazo ne la lue neköi Eli, Hofeni me Fineasa. (1Sa 2:22-26) Ame la nyidrëti a tru, hnei Iehova palahi hna ce me nyidrë. (1Sa 3:19) Ame la nyidrëti a qatr, hnei nyidrëti palahi hna catre nyihlue i Iehova, ngacama tha ase kö la lue neköi nyidrë xötrethenge la tulu i nyidrë.—1Sa 8:1-5.

Nemene la itre ini nyine tro sa xome qaathei Samuela? Maine eö la ketre nekötrahmany maine jajiny, trotrohnine hi Iehova la itre jol hnei eö hna melën memine la itre aliene hni eö. Tro Nyidrëti a xatua eö troa catr. (Isa 41:10, 13) Maine epun la ketre keme maine thin, nge hnene la nekö i epun hna trotriji Iehova, ke nyitipu Samuela jë. Thatreine kö Samuela troa musinëne la itre nekö i nyidrë troa mele nyipici koi Iehova. Hnei Samuela pe hna nue Iehova troa nyinyine la jole celë me catre mele nyipici koi Nyidrë. Matre hna hnimi Samuela hnei Iehova. Tro la tulu i epun a xatuane la nekö i epun troa bëeke koi Iehova.

GOEËNE JË LA VIDEO ITRE INI QAATHEI—SAMUELA, NGE SA JË CAHU ITRE HNYING:

• 

  Tune kaa la aqane catre Samuela lo nyidrëti a co?

• 

  Tune kaa fe la aqane catre Danny?

• 

  Nemene la tulu hnei Samuela hna amamane lo nyidrëti a qatr?

• 

  Nemene la tulu hna amamane hnene la keme me thine i Danny?