Xatuane Jë La Itre Ka Ini Tus Troa Nuetrije La Itre Hna Majemine Ka Ngazo

Maine easa ajan troa lolo la aqane imelekeu së me Iehova, nyipiewekë tro sa nuetrij la itre ewekë ka sis. (1Pe 1:14-16) Maine tro la ka ini Tus a nuetrij la itre hna majemine ka ngazo, ke, tro angeic a kepe thangan ngöne la mele i angeic e kuhu hnalapa, ngöne la hna huliwa, ngöne la ngönetrei me mekuna i angeic.

Qejepengöne hnyawane jë koi angeic la itre trepene meköti Iehova, me kepin matre Nyidrëti a acil itre ej, memine la itre thangane e tro sa trongën. Xatuane jë la ka ini Tus troa saze la aqane waiewekë i angeic, nge tro lai a mama ngöne la aqane ujë i angeic. (Ef 4:22-24) Amamane jë koi angeic ka hape, jëne la ixatua i Iehova, ijije hi tro angeic a nuetrij la ketre hna majemine ka ngazo. (Fi 4:13) Ini angeice jë troa canga hë Iehova, e kolo mina traqa la itre mekun ka ngazo. Xatua angeice jë troa wangatrehmekun la itre ijin, me itre götran ka troa akeinyi angeic. Upi angeice jë troa nyihnan la itre hna majemin ka ngazo hnene la itre huliwa ka lolo. Tru la madrine së la Iehova a xatuane la ka ini Tus troa saze.

GOEËNE JË LA VIDEO HNA HAPE, XATUANE JË LA ITRE KA INI TUS TROA NUETRIJE LA ITRE HNA MAJEMINE KA NGAZO, NGE SA JË CAHU ITRE HNYING:

• 

  Nemene la aqane amamane la itre qatre thup me Neeta laka, hetre mejiune i angatr koi Jade?

• 

  Nemene la itre xaa ixatua hnei Neeta hna hamën koi Jade?

• 

  Hnei Jade hna thele ixatua tune kaa thei Iehova?