ITRE TRENGAMO QA HNINE LA TUSI HMITRÖTR

Iëne Inamacanëne Jë La Föi Epun

Tha hnei Solomona kö hna iëne inamacanëne la itre föi nyidrë, ke hnei nyidrë hna faipoipo memine la itre föe ka tha nyihlue i Iehova kö (1Jo 11:1, 2; w18.07 16 par. 7)

Hnene la itre föe cili hna ananyi Solomona qaathei Iehova (1Jo 11:3-6; w19.01 15 par. 6)

Tru catre la elëhni Iehova koi Solomona (1Jo 11:9, 10; w18.07 17 par. 9)

Iatr: Ketre trejin föe ka pë föen a ini Tusi Cas me mekun la ketre trejin trahmany ka pë föen. 1. Kola hamë mekun hnene la trejin trahmany ngöne la icasikeu. 2. Angeic a cainöj ngöne la gaa tru atr. 3. Angeic a ixatua göi troa nyidrawan la Uma Ne Baselaia.

Tusi Hmitrötr a qaja kowe la itre keresiano troa faipoipo “thei Joxu hmekuje hi.” (1Ko 7:39) Tha kolo kö lai a hape, ka bapataiso hë ke tro epuni a faipoipo memin. Hapeu, tro kö la trejin cili a xatua epuni troa nyihlue i Iehova? Angeic kö a amaman ngöne la itre drai laka, angeic a hnimi Iehova? Xomi ijine jë troa atre hnyawa la pengöne la trejin hnei epun hna mekune troa faipoipo memin. E cili, tro hë epuni a atreine axecië mekune e thupen.