ITRE TRENGAMO QA HNINE LA TUSI HMITRÖTR

Eu La Tro Sa Mejiun Koi Iehova?

Hnei Asa hna mejiune koi Iehova matre ngaane la ketre trongene isi ka tru (2Aq 14:9-12; w21.03 5 par. 12)

Ngo e thupen, hnei Asa hna mejiun kowe la angetre Asuria matre ngaane la ketre trongene isi ka co (2Aq 16:1-3; w21.03 5 par. 13)

Tha madrine kö Iehova koi Asa, ke tha hnei angeice kö hna catre mejiun koi Nyidrë (2Aq 16:7-9)

Iatr: 1. Kola bapataison la nekötrahmany. 2. Casi palahi lo nekötrahmany e kula, angeic a iëne la emisio nyine tro angeic a goeën.

Canga tro hi sa mejiun koi Iehova la easa axeciën la itre mekun ka tru, ngo tune kaa pë hë la itre mekun ka co? Nyipiewekë tro palahi sa mejiune koi Iehova ngöne la nöjei huliwa së.—Ed 3:5, 6; w21.03 6 par. 14.