MELE NE KERESIANO
“Loi e Tro Sa Isa Ami Mani Acony”
Tha tro kö sa kuië mani menu la easa kuië mani koi Iehova. Ngo Paulo aposetolo pe a upi së troa “isa ami mani acony” ngöne la easa kuië ahnahna. (1Ko 16:2) Ame la easa drengethenge la eamo cili, ke easë hi lai xatuane la nyipi hmi me madrin. Ngacama ame koi së, tha ka tru kö la hne së hna hamën, ngo Iehova a wangatrune la aja së troa atrunyi Nyidrë memine la hne së hna hetreny.—Ed 3:9.
GOEËNE JË LA VIDEO HNA HAPE OLETI LA HNEI EPUN HNA ISA AMI MANI ACONY, NGE SA JË CAHU ITRE HNYING:
Nemene la itre eloine e tro sa hnëkëne la itre ahnahna nyine kuiën?
Tune kaa la aqane “isa ami mani acony” hnei itre xan?