Akötresieti Kö a Dreng La Itre Thithi Së?
Ame la epuni a thith, Akötresieti kö a drenge la itre thithi epun?
KOLA SA HNEI TUSI HMITRÖTR
Akötresie a dreng la itre thithi së. Öni Tusi Hmitrötr, “Eashenyi Iehova koi angat’ asë angete hë nyidë, angete hë nyidë ngöne la nyipici. . . . Tro nyidëti a [dreng] la hnei angate hna teij.”—Salamo 145:18, 19.
Aja i Akötresie tro sa thith. Öni Tusi Hmitrötr, “Ngöne la nöjei ewekë asë, jëne la itre thith, me xëwe, me thithi ne ole, qaja jë la itre sipo i nyipunie koi Akötresie.”—Filipi 4:6.
Ka tru epuni koi Akötresie. Tha sihngödri kö koi Akötresie la itre akötre së, aja i Nyidrë troa xatua së. Öni Tusi Hmitrötr, “Nu asë pi koi nyidrë la itre hnei nyipunieti hna hnehengazon, ke nyidrëti a meku nyipunie.”—1 Peteru 5:7.