Tro Sa Hmek, e Tro Sa SineThel La Tusi Hmitrötr

E jë la Daniela 9:1-19 matre trotrohnine la enyipiewekën troa sinethel la kola ini Tusi Hmitrötr.

Wange ju la itre xötr ka tro pa me ka tro pi. Nemene la itre ewekë ka traqa qëmeken, nge tune kaa la aqane saze la mele i Daniela? (Dan. 5:29–6:5) Maine eö ju lae Daniela, nemene la hnei eö hna troa kuca?

Sinethele jë. Nemene “tusi” hnei Daniela hna goeën? (Dan. 9:2, ; w11-F 1/1 22 par. 2) Pine nemene matre hnei Daniela hna qaja amamane la itre ngazo i angeic, me ngazo ne la nöje Isaraela fe? (Lev. 26:39-42; 1 It. Jo. 8:46-50; dp-F 182-184) Nemene la ka amamane ngöne la thithi angeic laka, ka ini Tusi catr Daniela?—Dan. 9:11-13.

Thele jë la itre ini. Isa hnyinge jë ka hape:

• ‘Nemene la nyine tro ni a kuca matre tha tro kö a axouenyi ni hnene la itre ewekë ka traqa ngöne la fen?’ (Mika 7:7)

• ‘Nemene la eloin e tro ni a ini Tusi Hmitrötr tui Daniela?’ (w04-F 1/8 12 par. 17)

• ‘Maine eni a ajan troa “hmek,” nemene la itre ini nyine tro ni a sinethel?’ (Mat. 24:42, 44; w12-F 15/8 5 par. 7-8)