Itre Hnyinge Ne La Itre Ka e

Nemene la aliene la hna qaja ngöne Heberu 4:12 la kola hape, ka “mele la wesi ula i Akötesie, me men”?

Hnene la itre xötre ka tro pa me ka tro pi hna amamane ka hape, Paulo a ithanatane la aja i Akötresie, ene la maca i Nyidrë ka ej e hnine la Tusi Hmitrötr.

Hne së hna majemine e la Heberu 4:12 e hnine la itre itusi së, matre troa amamane ka hape, hetre menene la Tusi Hmitrötr troa saze la melene la atr, nge nyipici hi lai. Ngo, loi e tro sa atre ka hape, hetre hnei Paulo e celë hna qejepengöne ngöne la angeic a amexeje la itre ithanata ngöne Heberu 4:12. Angeic a xatuane la angetre Heberu troa ce huliwa me Akötresie, matre troa eatre la itre mekuna i Nyidrë. Nyimutre la itre mekuna i Nyidrë ka mama e hnine la Itre Hna Cinyihan. Ame la ketre hna amexeje hnei Paulo tre, ene la aqane trongene la angetre Isaraela ekö lo kola thepe angatre hnei Akötresie qaa Aigupito. Hetrenyi thei angatre la mejiune troa lö kowe la “nöje [hna thingehnaean] ka di hnei zane thi me hani,” nge e cili, tro angatr a öhne la nyipi mano.—Esodo 3:8; Deuteronomi 12:9, 10.

Celë hi lai hna ajane hnei Akötresie. Ngo hnene la angetre Isaraela hna thipetrije la ixatua i Iehova me tha lapaune koi Nyidrë, matre ala nyimu thei angatr, itre ka tha hane kö lö kowe la hna mano cili. (Numera 14:30; Iosua 14:6-10) Hnei Paulo pe hna amexeje hmaca ka hape, hetre ketre “hna thinge hnaeane troa lö kowe la hnamano i [Akötresie].” (Heberu 3:16-19; 4:1) Ame la hna “thingehnaeane” celë, tre celë hi ketre igötranene la aja i Akötresie hnei Nyidrëti hna amaman. Loi e tro sa e la götrane cili tune la itre keresiano ne Heberu ekö, me huliwa thenge la aja i Nyidrë, ene la nyipi mano. Hnei Paulo hna amexeje la itre xa mekune qa hnine la Genese 2:2 me Salamo 95:11, göi troa amamane hnyawa ka hape, hna nyitrepene la hna thingehnaeane celë hnene la Itre Hna Cinyihan.

Kola ketri së laka, “hetenyi hë shë la hna thinge hnaeane troa lö kowe la hnamano i [Akötresie].” Easa mejiune laka, ame la hna amamane hnei Tusi Hmitrötr göi troa lö kowe la hnamano i Akötresie, tre, tha ka jole kö, nge hetrenyi la itre nyine kuca matre troa lö kowe ej. Tha easë kö a thele troa xötrethenge la Wathebo i Mose, maine tro pena a kuca la itre ewekë ka loi göne hi matre troa kepe së hnei Iehova. Atraqatre pe la madrine së troa huliwa pala hi thenge la aja i Akötresie, ke, ka lapaune së koi Nyidrë. Hetrenyi hë e cailo fen la itre thauzane lao atr ka inine la Tusi Hmitrötr, me atrepengöne la aja i Akötresie. Celë hi ka upi angatr troa saze la mele i angatr, me lapaune koi Nyidrë, me xomi bapataiso. Kolo hi a amamane hnyawa ka hape, ka “mele la wesi ula i Akötesie, me men.” Ka hetre menene hë ngöne la mele së la hnei Akötresie hna amamane e hnine la Tusi Hmitrötr, nge eje hi lai laka, tro pala kö ej a hetre menen ngöne la mele së.