Öni Epuni Ka Hape, Nyipi Hmi Lai Ka Eje Thei Epun?

Ame la atr ka wange atrune la hmi, tre loi e troa xeci hnyawa koi angeic laka, ka loi xajawa i Akötresieti me Iesu la hmi hnei angeice hna iën. Maine tha eje kö, tre hnauëne pena la tro angeice a lö hnine lai hmi cili? Ame koi Iesu Keriso, tha itre hmi asë kö, maine nöjei gojenyi pena la ka troa amelene la atr. Öni nyidrë: “Ilite la qanahag, me co hi la gojenyi ne tro kowe la mel; nge ala xalaithe hi angete öhne lai.” (Mataio 7:14) Ame koi Itretre Anyipici Iehova, ka xeci hnyawa koi angatre ka hape, öhne hë angatre la gojenyi celë, ke maine ju, tro hmaca kö angatr a thele ketre hmi kö.