Ithuemacany

c Kola mekun hnene la itre ka qejepengöne la Tusi Hmitrötr ka hape, ame lo lai 4 lao trahmany, ke hnei angatr hna sisiny troa Nazeri. (Num. 6:1-21) Nyipici laka, ngacama ame la itre hna sisinyi cili, ke hna kuca fen lo Trenge Wathebo i Mose, ngo maine jë ame koi Paulo, pëkö engazon e tro la itre trahmanyi a sisinyi tun koi Iehova. Celë hi matre pëkö engazon fe koi angeic troa nyithupen la ka nyipiewekë koi angatr, me ce tro me angatr. Ngacama thatre kö së la pengöne la hna sisinyi cili, ngo ame la ka xecie koi së, ke tha tro kö Paulo lai a nyithupen la ketre öni nyine huujën, matre köletrije la itre ngazo, (tune lo hna kuca hnene la itre Nazeri). Hnene la huuj ka pexeje i Keriso hna apëne la itre huuj cili. Nge ka xecie fe koi së laka, ame la nöjei hna kuca hnei Paulo, ke tha ka icilekeu kö memine la mekuthetheu i angeic.