Ithuemacany

a Kola qaja ngöne la itre Evangelia me ngöne la itre xaa tusi ne la Tusi Hmitrötr ka hape, ame lo kola amele Iesu hmaca, hnei nyidrëti hna mama koi itre xan, tui Maria Magadalena (Ioa. 20:11-18); me kowe la itre xaa föe (Mat. 28:8-10; Luka 24:8-11); kowe la lue atre dreng (Luka 24:13-15); koi Peteru (Luka 24:34); kowe lo itre aposetolo, lo patre kö Toma (Ioa. 20:19-24); kowe lo itre aposetolo me Toma (Ioa. 20:26); kowe la 7 lao atre dreng (Ioa. 21:1, 2); kowe la 500 lao atre dreng (Mat. 28:16; 1 Kor. 15:6); koi Iakobo trejin me nyidrë (1 Kor. 15:7); kowe la itre aposetolo (It. Hu. 1:4); me kowe lo itre aposetolo lo angatr a easenyi Bethania. (Luka 24:50-52) Maine jë, hnei Iesu hna mama kowe la itretre dreng ngöne la itre xaa ijin, ngo tha hna qaja kö hnei Tusi Hmitrötr.​—Ioa. 21:25.