• Nemene La Eloine Koi Epun Troa Hane Sine La Itre Icasikeu Ne La Itre Temoë Iehova?
    Gojenyi Kowe La Nyipi Mel!—Troa Ce Ithanatane La Tusi Hmitrötr
    • Mekene 10. Ketre trejin trahmany a amamai xötr kowe la ketre trahmany ka sine la icasikeu ne la itre Temoë Iehova.

      MEKENE 10

      Nemene La Eloine Koi Epun Troa Hane Sine La Itre Icasikeu Ne La Itre Temoë Iehova?

      Hapeu, hnei epuni hë hna hane sine la itre icasikeu ne la itre Temoë Iehova? Maine tha ase kö, ma tro jë epuni a nango xou la xötrei. Tro jë epuni a isa hnyingëne ka hape: ‘Ka tune kaa la itre icasikeu? Pine nemene matre ka nyipiewekë itre ej? Nge, pine nemene matre, loi e tro fe ni a hane sin?’ Ame ngöne la mekene celë, tro epuni a öhne laka, ame la troa ce icasikeu me itre xaa atr, ke tro ha acatrene la imelekeu i epun me Akötresie. Nge troa xatua epun ngöne la mele i epun.

      1. Pine nemene matre kola icasikeu la itre Temoë Iehova?

      Kola qaja la kepin hnene la ketre atre cinyanyine la Tusi Hmitrötr ka hape: “Tro ni a atrunyi Iehova ngöne la ite icasikeu.” (Salamo 26:12) Ame enehila fe, hna majemine hnene la itre Temoë Iehova troa icasikeu, nge madrine catre angatr. Ame ngöne la fen hnengödrai, angatr a ce icasikeu e nöjei wiik matre atrunyi Akötresie, jëne la itre nyima, me thith. Nge ame ngöne la macatre, hetrenyi la luetre maine könitre la icasikeu katru.

      2. Nemene la itre hnei epun hna troa inine ngöne la itre icasikeu?

      Ame la itre Temoë Iehova a icasikeu, angatre a inine la Tusi Hmitrötr, me ‘e me qejepengön.’ (E jë la Nehemia 8:8.) E tro epuni a hane sine, tro hë epuni a atre Iehova hnyawa, memine la itre thiina i Nyidrë ka lolo. Ame la epuni a öhne la ihnimi Nyidrëti koi epun, tro hë epuni lai a easenyi koi Nyidrë. Tro fe epuni a öhne ka hape, atreine hi Nyidrëti xatua epun troa mele madrin.—Isaia 48:17, 18.

      3. Nemene la eloine la tro epuni a hane sine la itre icasikeu?

      Iehova a sipone koi së troa “imekunekeun, matre aciane la ihnim me itre huliwa ka loi, nge the tro kö a trije la itre icasikeu së.” (Heberu 10:24, 25) Ame ngöne la itre icasikeu, tro epuni a öhne la itre atr ka ajane troa atre Akötresie tui epun. Tro epuni a drenge la angatre a qaja la itre mekun ka ithuecatre qa hnine la Tusi Hmitrötr. (E jë la Roma 1:11, 12.) Tro fe epuni a öhne la itre atr ka ixelë me itre jol, ngo ka madrine palahi. Celë hi kepine matre aja i Iehova, tro sa sine lapane la itre icasikeu!

      TROA CE ITHANATAN

      Tro sa ce wange la itre hna kuca ngöne la itre icasikeu ne la itre Temoë Iehova, memine la enyipiewekën troa hane sin.

      4. Icasikeu ne la itre Temoë Iehova

      Ame la itre pane Keresiano ekö, hnei angatre hna lapa ce icasikeu matre atrunyi Iehova. (Roma 16:3-5) E jë la Kolose 3:16, nge ce ithanatane jë cahu hnying:

      • Tune kaa la aqane atrunyi Iehova hnene la itre pane Keresiano?

      Ame enehila, itre Temoë Iehova fe a icasikeu lapa ngöne la itre uma hnë hmi. Maine epuni a pi atre ka hape, ka tune kaa la itre icasikeu i angatr, goeëne jë la VIDEO. E thupen, goeëne ju la iatr ka amamane la ketre icasikeu, nge ce ithanatane jë cahu itre hnying

      VIDEO: Ka Tune Kaa La Itre Icasikeu Hun? (2:12)

      • Nemene la ka ceitu hnei epun hna öhn, ngöne la ketre Uma Ne Baselaia, memine la hnei epuni hna e ngöne Kolose 3:16?

      • Ame ngöne lai video maine ngöne lai iatr, hetre ketre ewekë kö ka hamë aja koi epun troa sine la itre icasikeu?

      E jë la 2 Korinito 9:7, nge ce ithanatane jë cahu hnying:

      • Pine nemene matre tha kolo kö a tro fë itrapetr ngöne la itre icasikeu ne la itre Temoë Iehova?

      Tro sa ce wange la hna troa kuca ngöne la ketre icasikeu thupen.

      • Nemene la icasikeu ka loi koi epun?

      Atre fe hi epun?

      Ame ngöne jw.org, tro epuni a öhne la itre hnë hmi me itre hawa ne la itre icasikeu ne la itre Temoë Iehova ngöne la fen.

      Iatr: Kola amamane la ka traqa ngöne la Uma Ne Baselaia, qëmeken, ngöne la ijine icasikeu me e thupen. Kola amamane hmaca la itre iatr A koi D. A. Ketre trejin trahmany a cile fë cainöj ngöne la ijine icasikeu. B. Ketre trejin föe a hamë mekun ngöne la ijine kola isa hamë mekun. C. Thupene la icasikeu ketre trejin trahmany a porotrik me ketre fami. D. Ketre trejin trahmany a fe la qëhnelö kowe la ketre qatr ka troa sine la icasikeu.

      1. Ame ngöne la itre hnë icasikeu, hetreny la itre cainöj, iamacany me itre video. Kola nyiqane me fenes la itre icasikeu jëne la ketre nyima me thith

      2. Ame ngöne la itre xaa igötranene la icasikeu, ijiji hi tro la itre atren a hamë mekun

      3. Hna fe koi nöjei atr ka ajan—itre fami, itre ka lapa cas, itre qatr me itre nekö trahmany me jajiny

      4. Pëkö thupene la itre icasikeu. Nge pëkö tro fë itrapetr

      5. Isine jë troa sine la itre icasikeu

      Ame ngöne la nöjei macatre, hnei angatre hna trongëne la itre hune wetr a tro Ierusalema troa icasikeu. Traqa koi 100 lao kilomètres. E jë la Luka 2:39-42, nge ce ithanatane jë cahu itre hnying:

      • Ame koi epun, ka hmaloi kö troa tro Ierusalema?

      • Ame koi epun, troa isine tune kaa matre troa hane sine la itre icasikeu?

      • Ame koi epuni, ka nyipiewekë kö? Pine nemen?

      Iatr: Iosefa, me Maria, me Iesu me itre jini nyidrë a hnëkë troa tro. 1. Iosefa a atë la itre watreng hune la boliko, nge Maria a hnëkëne la itre xen nyine xom. 2. Ketre imap ka amamane la gojeny troa tro qa Nazareta a tro Ierusalema.

      Öni Tusi Hmitrötr, nyipiewekë catr troa icasikeu matre atrunyi Akötresie. E jë la Heberu 10:24, 25, nge ce ithanatane jë cahu hnying:

      • Pine nemene matre loi e troa sine lapane la itre icasikeu?

      HNE SË HNA MAJEMINE DRENG: “Tha eni kö a tro koi uma hmitrötr, ngo ka e Tusi Hmitrötre ni.”

      • Nemene la xötr qaa hnine la Tusi Hmitrötr maine ceitun tro epuni a amamane ka hape, aja Iehova pe tro sa hane sin?

      HANE HI LA HNE SË HNA CE WANG

      Ame la troa sine la itre icasikeu, ke ka troa aijijë epun troa atre Iehova hnyawa, me acatrene la imelekeu i epun me Nyidrë, nge troa ce atrunyi Nyidrë me itre xaa atr.

      Nyine Amekunën

      • Pine nemene matre aja Iehova tro sa icasikeu?

      • Nemene la itre ini hnei epun hna troa kapa ngöne la itre icasikeu ne la itre Temoë Iehova?

      • Nemene la itre xaa manathith hnei epun hna troa kapa e troa sine la itre icasikeu?

      Nyine Tro Ni a Eatrën

      ITRE XAA NYINE WANG

      Epuni kö a xou troa hane sine la ketre icasikeu? Celë hi la hna melëne hnene la ketre trahmany, ngo e thupen, pi tro hë nyidrëti a sine la itre icasikeu.

      Thatreine Jë Kö Nyio Troa Thëthëhmine La Aqane Kepe Nyio (4:16)

      Aja ne la ketre nekö trahmany troa sine la itre icasikeu, matre hnei angeic hna isine troa sine lapan.

      Pi Tro Hna Sine La Itre Icasikeu! (4:33)

      Nyimutre la itre atr ka qaja la hnei angatre hna mekune göne la itre icasikeu.

      “Pourquoi assister aux réunions tenues à la salle du Royaume ?” (Itus jw.org)

      Hna saze la melen la ketre atr ka atrekënö, thupene la hnei angeic hna sine la ketre icasikeu ne la itre Temoë Iehova.

      “Je ne sortais jamais sans mon arme” (Ita Ne Thup 1 Julai 2014)

  • Cile Hë La Baselaia i Akötresie!
    Gojenyi Kowe La Nyipi Mel!—Troa Ce Ithanatane La Tusi Hmitrötr

    • 5. Saze catre la fen qaane lo 1914

      Goeëne jë la VIDEO.

      VIDEO: Saze Catre La Fen Qane Lo 1914 (1:10)

      Hnei Iesu hna thingehnaeane ka hape, thupene la hna acili nyidrëti troa Joxu, ke tro ha saze la fen. E jë la Luka 21:9-11, nge ce ithanatane jë cahu hnying:

      • Ame la epuni a e la itre hna perofetan ngöne lai xötr, nemene la itre ka eatr?

      Hnei Paulo hna qejepengöne la aqane ujë ne la itre atr ngöne la itre drai ne la pun ne la musi atr. E jë la 2 Timoteo 3:1-5, nge ce ithanatane jë cahu hnying:

      • Nemene la itre aqane ujë hnei epuni hna goeën?

      Iatr: Kola amamane la aqane ujë ne la itre atr ne fen ngöne la itre drai ne la pun. 1. Ketre tane isi a sue me xeji im. 2. Kei hë la itre ibatima thupene la ketre sa. 3. Itre avio ne isi. 4. Itre atr ka ami mask a tro e kuhu trön. 5. Kola mel hnei eë la lue ibatima ka tru e New York thupene la ketre attaque terroriste. 6. Ketre trahmanyi a xomi dorog. 7. Ketre trahmanyi a wesitrën, me pi lep la föi nyidrë. 8. Itre dorog me ka haitr. 9. Lue föe ka heetre hnyawa me thaip a xomi selfie. 10. Ketre dj a ami muzik ngöne la ketre feet. 11. Ketre atr a kuiëne la ketre bob.

      6. Hetre huliwa hna upi së troa kuca hnene la Baselaia i Akötresie

      E jë la Mataio 24:3, 14, nge ce ithanatane jë cahu itre hnying:

      • Nemene la huliwa ka nyipiewekë ka amamane ka hape, cile hë la Baselaia i Akötresie?

      • Tune kaa la aqane tro epuni a nyipiewekëne la huliwa cili?

      Cile hë la Baselaia i Akötresie, nge easenyi hë matre musi jë ej kowe la fen asë. E jë la Heberu 10:24, 25, nge ce ithanatane jë cahu hnying:

      • Nemene la nyine tro së asë a kuca la easë a goeëne ka hape, ‘easenyi catre hë la drai’?

      Iatr: 1. Ketre ka ini Tus a sine la ketre icasikeu ne la Itretre Anyipici Iehova. 2. Angeic a cainöj kowe la ketre sinee i angeic.

      Maine atre i epun la aqane troa xatuane la itre xan matre tro angatr a mel, nemene la nyine tro epuni a kuca?