Ijije Hi Tro Epuni a Nyisinee i Iehova

Ame la aja i Iehova, ke tro epuni a atre Nyidrë. Pine nemen? Pine laka, e tro epuni a thel troa atre hnyawa la pengöi Nyidrë, aqane ujë i Nyidrë, me aja i Nyidrë, tro hë epuni a hetre aja troa nyisinee i Nyidrë. Ngo hapeu, ijije kö tro sa hane nyisinee i Akötresie? (E jë la Salamo 25:14.) Tune kaa la aqane tro epuni a nyisinee i Iehova? Tusi Hmitrötr a sa la itre hnyinge cili, nge ej a qejepengöne la kepin matre ame la easë a nyisinee Iehova, ke ketre imelekeu ka ketrepengön.

1. Nemene la hnei Iehova hna ajane tro epuni a kuca?

“Easenyi Akötresieti jë, nge tro nyidrëti a easenyi koi nyipunie.” (Iakobo 4:8) Kola hapeu lai xötre cili? Iehova a ajane catrëne tro epuni a nyisinee i Nyidrë. Nyimutre la itre atre ka mekune ka hape, tha ijiji angatre fe kö troa hane nyisinee i Akötresie, ke tha öhnyi Nyidrëti kö hnei angatr. Ngo ame pe, e hnine la Tusi Hmitrötr, Iehova a amamane la pengöi Nyidrë ka aijijë së troa easenyi koi Nyidrë. Ame la easa e lapane la tusi Iehova koi së, ene la Tusi Hmitrötr, tro ha catrecatre la imelekeu së me Nyidrë, ngacama tha öhnyi Nyidrëti kö hne së.

2. Pine nemen matre pëkö ketre sinee ka ceitu me Iehova?

Pëkö ketre atr ka troa hnimi epun tui Iehova. Aja i Nyidrë tro epuni a madrin, nge tro epuni a sipo ixatua thei Nyidrë, ngöne la nöjei ijin epuni a aja ixatua. Ijije hi tro epuni a “nu asë [ . . . ] koi nyidrë la itre hnei nyipunieti hna hnehengazon, ke nyidrëti a meku nyipunie.” (1 Peteru 5:7) Aja i Iehova pala hi troa xatuan, me akeukawan, me drenge la itre sinee i Nyidrë.—E jë la Salamo 94:18, 19.

3. Nemene la itre nyine tro sa kuca matre tro sa nyisinee i Iehova?

Hnim asë hi Iehova la nöjei atr, “ngo hnim catrëne kö nyidrë la itre atr ka meköt.” (Ite Edomë 3:32, MN) Ame la troa nyisinee i Akötresie, loi e troa catre kuca la itre ewekë ka loi, me nuetrije la itre ewekë ka ngazo. Nyimutre la itre ka mekune ka hape, thatreine kö angatre trongëne la itre trepene meköti Iehova. Ame Iehova ka ihnim. Haawe, tru la aja i Nyidrë troa nyisineene la itre ka hnimi Nyidrë me amadrinë Nyidrë.—Salamo 147:11; Itre Huliwa 10:34, 35.

TROA CE ITHANATAN

4. Aberahama la ketre sinee i Iehova

Tro sa atre la kola hape, troa nyisinee i Akötresie jëne la hna melën hnei Aberahama (hna hëne fe ka hape, Aberama). E jë la Genese 12:1-4. Nge ce ithanatane jë cahu itre hnying:

• Nemene la hnei Iehova hna upi Aberahama troa kuca?

• Nemene la hnei Iehova hna thingehnaeane koi angeic?

• Nemene la aqane ujë i Aberahama kowe la itre hnei Iehova hna qaja koi angeic?

5. Hetre hnei Iehova hna ajan troa kuca hnene la itre sinee i Nyidrë

Ketre ewekë hne së hna ajan troa kuca hnene la itre sinee së.

• Nemene fe la hnei epuni hna ajan troa kuca koi epun hnene la itre sinee i epun?

E jë la 1 Ioane 5:3, nge ce ithanatane jë cahu hnying:

• Nemene la hnei Iehova hna ajane thene la itre sinee Nyidrë?

Ame la troa drengethenge Iehova, kolo lai a hape, troa saze la itre aqane ujë së me itre thiina së ka ngazo. E jë la Isaia 48:17, 18, nge ce ithanatane jë cahu hnying:

• Pine nemene matre Iehova a sipone kowe la itre sinee i Nyidrë troa saze la itre aqane ujë ka ngazo?

6. Itre hnei Iehova hna kuca kowe la itre sinee i Nyidrë

VIDEO: Atraqatre La Ixatua i Iehova Koi Ni (3:20)

• Tune kaa la aqane xatuane Iehova la föe celë ngöne la video göne la troa lepetrij la itre mekun ka ngazo?

E jë la Isaia 41:10, 13, nge ce ithanatane jë cahu itre hnying:

• Nemene la hnei Iehova hna mekun troa kuca kowe la itre sinee i Nyidrë?

• Epuni kö a mekun ka hape, Iehova hi la ketre sinee ka lolo koi epun? Pine nemen?

7. Loi e troa ithanata me Iehova, matre nyisinee i Nyidrë

E tro la lue treme sineen a lapa ithanata, tro ha catr la imelekeu i nyidro. E jë la Salamo 86:6, 11, nge ce ithanatane jë cahu itre hnying:

• Tro sa ithanata tune kaa koi Iehova?

• Iehova a ithanata tune kaa koi së?

HANE HI LA HNE SË HNA CE WANG

Iehova a ajan tro epuni a itre sinee i Nyidrë, nge tro kö Nyidrëti a xatua epun.

Nyine Amekunën

• Tune kaa la aqane xatuane Iehova la itre sinee i Nyidrë?

• Pine nemene matre aja i Iehova tro la itre sinee i Nyidrë a saze la itre aqane ujë i angatr?

• Ame koi epun, ka jole kö la hnei Iehova hna ajane kowe la itre sinee i Nyidrë? Pine nemen?

ITRE XAA NYINE WANG

Nemene la eloine la tro epun a nyisinee i Iehova?

“Jéhovah : un Dieu qui mérite d’être connu” (Ita Ne Thup 15 Febuare 2003)

Wange ju la aqane troa imelekeu me Akötresie.

“Comment devenir l’ami de Dieu ?” (Les jeunes s’interrogent. Réponses pratiques [volume 2], mekene 35)

Hnene la ketre föe hna acatrene la aqane imelekeu i eahlo me Akötresie matre mele ju kö eahlo.

“Xele Ni Ma Mec!” (Ita Ne Thup Na. 1 2017)

Hanekötrahmanyi me haneköjajiny a qaja la imelekeu i angatr me Iehova.

Nemene La Eloin e Tro Sa Nyisinee i Akötresie? (1:46)