Mekene Truelof

Ijije Hi Tro Epuni a Cile Kowe La Itre Jole Ka Angazone La Fami

1.Nemene la itre jole ka sihngödr, thene la itre xaa fami?

HNA waasine me ajijiane la ketre loto ka thaa hnyipixe hmaca kö. Hnene laka, porope catre ej, kola melemel, kösë hmaca lo ka hnyipixe. Ngo ame pe la kola goeëne easenyine la icetröne ej, xoje menu hë. Ceitune hi lai memine la mele ne la itre fami ka nyimutre. Ngacama kola mama ngöne la qëmeke la madrin, ngo ame pe xou me akötre a hna juetrëne hnene lai iqëmeke ka hnyimahnyima. Thaa öhne kö së, ngo e hnine la hnalapa, nyimutre la itre ewekë ka ane la tingetinge ne la fami. Lue ewekë ka angazone la mele ne la fami, ene la iji menu la kahaitr me isi.

ENGAZONE QA NGÖNE LA HNA IJI MENU LA KAHAITR

2. (a) Nemene la mekunene la Tusi Hmitrötr, göi iji kahaitr? (b) Nemene la xöma i kahaitr, ene la troa iji lapaa ej?

² Thaa hna wathebone kö hnei Tusi Hmitrötre troa iji kahaitr, ngo loi e troa iji ngöne la tulu, thaa tro kö a hmo hnene ej. (Ite Edomë 23:20, 21; 1 Korinito 6:9, 10; 1 Timoteo 5:23; Tito 2:2, 3) Nyipici laka ka ngazo la troa hmo hnei kahaitr, ngo ka ngazo catre pala kö la ka iji lapaa; ketre meci lai ka fetra qa ngöne la hna mekune me ajane lapaane la iji kahaitr, me iji menu ej. Thaa itre thupëtresiji hmekuje kö la itre ka wezipo hnei kahaitr. Ma hace fe troa mekun, ngo hetrenyi fe la itre thöth.

3, 4. Qaja amamane jë la itre ethane la iji gorok, thene la föe ne la ka ij, me thene la itre nekönatr.

³ Hna qaja amamane hë ekö hnei Tusi Hmitrötre ka hape, ame la iji menu la kahaitr, ke, celë hi ka axulune la gomegome kowe la fami. (Deuteronomi 21:18-21) Hetre engazone la troa iji lapaa la kahaitr, thene la nöjei atrene la fami. Ma tro la föe a kuca asë la hnei eahlo hna atrein, matre hmaca ju hna iji menu la kahaitr hnene la trahmany, maine tro pena a atreine trotrohnine la ketre aqane ujë ka traqa menu pi hi.a Maine jë eahlo a juetrëne la kahaitr, maine pena trije ej, maine troa juetrë mani, nge eahlo a tupathe troa kuca matre traqa pi koi nyidrë la ihnimi kowe la fami, me kowe la mel, me koi Akötresie​— ngo kolo pala hi a iji menu la kahaitr hnene la fö i nyidro. Ngo pine laka, thaa traqa kö kowe la aja i eahlo, ame hna hace me mekune laka, pëkö hnei eahlo hna atrein. Ene pe traqa ju koi eahlo la itre jole ka isa pengön, ene la troa akötre hnei xou, me wesitr, me ngazo fë la zön, me elëelëhni, me seseu, me pë mejiun, ene la troa mekuhnine la hna atrein.

⁴ Pine laka, hna iji atrunyi la kahaitre hnene la itre keme me thin, haawe, kola hane xeni pune fe hnene la itre nekönatr. Nyimutre thei angatre la itre hna akötrëne ngöne la ngönetrei. Ame itre xan, hna angazo angatre hnei keme maine thin. Angatre fe a hane mekune laka, ma zö i angatre la kola iji menu la kahaitr hnene la keme maine thine i angatr. Ketre, kola angazone la atreine i angatre troa ce mele memine itre xan, hnene la aqane saze mekune me aqane ujëne la ka ij. Pine laka, pëkö trengecatre i angatre troa qaja la pengö i angatre ngöne la hnalapa, haawe, itre nekönatre a thele troa lepe trije la aliene la itre hni angatr, nge e cili kola traqa la itre thangane ka ngazo kowe la ngönetrei. (Ite Edomë 17:22) Ame kowe la itre nekönatre cili, ke angatre a tru fë la itre aliene hni cili, ene la pë mejiune me pë metrötre koi angatre kö.

NEMENE LA NYINE TRO LA FAMI A KUCA?

5. Nemene la aqane troa ujë kowe la ka iji gorok, nge pine nemene matre ewekë ka jole lai?

⁵ Maine nyimutre la itre musi ne fen ka qaja ka hape, thatreine kö troa nyinyine la itre atr hna lapane la ngönetrei hnei kahaitr, ngo alanyimu la itre ka aejëne la mekune laka, ijije hi troa apaatrene la meci cili, jëne la ketre porogarame hna hnëkëne thatraqai angetre ajane troa triji kahaitr. (Wange ju la Mataio 5:29.) Eje hi laka, hmaloi catr e troa upe la ka iji lapaa la kahaitr troa kapa la ixatua, ngo jole catre pi hë e troa trongën, pine laka, angeice pala hi a kelikelëne ka hape, thaa jole kö ka eje thei angeic. Ngo maine troa hetre ethane ka tru la aqane ujë ne la ka iji gorok, kowe la itre atrene la fami, haawe, tro hë angeice a nyiqaane troa atrehmekune laka, hetre jole ka eje thei angeic. Hna qaja hnene la ketre droketre ka majemine xatuane hë la itre ka lapaa iji menu la kahaitr, memine la itre fami i angatr, ka hape: “Eni a mekune laka, ame la ka nyipi ewekë kowe la fami, ke, loi e troa isa kuci jolene ngöne la nöjei drai, me thele loi qa ngön. Tro hë lai ka iji menu la kahaitr a öhne trongëne la eisapengö i angeice memine la sine la fami.”

6. Nemene la qeqene eamo ka sisitria thatraqane la itre fami, gaa hetre ka iji goroke e hnin?

⁶ Maine hetre ka iji menu fe la kahaitr ngöne la fami i epun, atreine hi troa thupëne la mele i epun, hnene la itre eamo qa hnine la Tusi Hmitrötr. (Isaia 48:17; 2 Timoteo 3:16, 17) Tro sa ce wange la itre trepene meköti ka xatuane hë la itre fami troa cile kowe la iji kahaitr menu.

7. Maine ka iji goroke la ketre atrene la fami, drei la atrekë zön?

⁷ The akötrëne menune kö la ifekë ngazon. Tusi Hmitrötre a qaja ka hape: “Ke tro nöjei ate asë a isa thue ehnefen,” nge, “tro asë sha isa qeje thinane koi akötesie.” (Galatia 6:5; Roma 14:12) Ma tro la ka iji goroke a thele troa upe zöne la itre atrene la fami. Ma tro angeice a qaja hape: “Maine tro epuni a loi thiina koi ni, thaa tro hmaca kö ni a iji gorok.” Maine tro la itre xane a nyixöle i nyidrë, kolo hë lai a upi nyidrë troa iji catr. Ngo maine easë a akötre pine la itre ewekë ka ngazo ka traqa maine hnene pena la aqane ujë ne la itre xaa atr, easë asë hi lai​—me itre ka iji kahaitre fe​— easë asë a isa kepe thangane la itre huliwa së kö.​— Wange ju Filipi 2:12.

8. Nemene la itre xaa aqane troa xatuane la ka iji gorok, matre atreine tro angeice a cile kowe la itre ethanyine la jole cili?

⁸ Thaa tro kö epuni a mekune ka hape, qa i epuni pala hi troa thupëne la ka iji gorok, ngöne la angeice a xeni pune la huliwa i angeic. Atreine hi tro la ka iji goroke a hane xötrethenge la ketre edromë ne la Tusi Hmitrötr, thatraqane la atr ka wesitr: “Maine eö a amele nyën, te, tro hmaca kö a kuca.” (Ite Edomë 19:19) Nue pi kö la ka iji goroke tro angeice a ketre xeni pune la itre huliwa i angeic. Nge maine hnei angeice hna iji ngöne la jidri ka pexej, nue angeice pi troa ketre nyihnyawa angeice kö, maine tro pena a telefone e hmakanyi koi maseta.

9, 10. Pine nemene matre, ka loi e tro la itre fami ne la ka iji goroke a kapa la ixatua, nge ixatua i drei la hnei angatre hna troa thel?

⁹ Kapa ju la ixatua qa thei itre xan. Kola qaja hnene la tus i Ite Edomë 17:17 ka hape: “Ate ihnimi la enehmu o ijin’asë, ngo ngöne la aköte jini angeicë hë.” Troa hace la fami i epun, e hetre ka iji goroke e hnin. Epuni a aja ixatua. The luelue kö troa thele ixatua thene la itre ‘[nyipi NW] enehmu.’ (Ite Edomë 18:24) Maine tro epuni a ce ithahnata memine la itre xaa atr ka trotrohnine hnyawa la jole cili, maine ka utretre qa ngöne la mele cili, tro hë angatre lai a hamëne koi epuni la itre ixatua ka loi nyine tro epuni a kuca maine ngöne pena la itre nyine neën. Ngo loi e tro epuni a atreine tulu ewekë. Ithahnata jë fe memine la itre atr hnei epuni hna mejiune kow, ene lo itre ka troa “juetë ithahnata.”​—Ite Edomë 11:13.

¹⁰ Inine jë troa mejiune kowe la itre qatre thupe keresiano. Ketre jëne ixatua ka tru la troa ujë kowe la itre qatre thupe hnine la ekalesia i keresiano. Itre trahmanyi lai ka macaj, nge hna ini angatre hë ngöne la Wesiula i Akötresie, nge hnei angatre fe hë hna hane melëne la itre trepene meköti qa hnine ej. Angatre a amamane laka, ijije hi tro angatre a “tune la nyine zaene la eny, me hnapo ene la wene, tune la ite di ngöne la ga qaqacile, tune la ga xapo ne la giti atraqate ngöne la nöje ka kucakuca.” (Isaia 32: 2) Thaa itre qatre thupe keresiano hmekuje kö a thupëne la ekalesia qa ngöne la itre ethanyine la fene ka iakötrë, ngo angatre fe a hamëne la itre ixatua nyine ithue keukawa, me nyine ithuecatr, nge angatre fe a easenyine la itre trejin, angatre isa ala caas, matre troa xatua angatre ngöne la itre jole hnei angatre hna cile kow. Thele jë troa kepe thangane qa ngöne la ixatua i angatr.

11, 12. Drei la ka hamëne la ixatua ka tru thatraqane la itre fami ne la itre ka iji gorok, nge nemene la aqane troa hamëne la ixatua cili?

¹¹ Ngo ewekë ka sisitria catre la troa sipo ixatua thei Iehova. Tusi Hmitrötre a qaja hnyawa koi së ka hape: “Easenyi Iehova koi angete thë fë hni; nge kola amele ange aköte [mekune NW].” (Salamo 34:18) Maine epuni a thë fë hni, maine hna akötrëne pena la mekune i epun, pine laka, epuni a ce mele memine la ketre atrene la fami ka iji gorok, loi e tro epuni a atre laka, “easenyi hi Iehova.” Trotrohnine hi Nyidrë la jole ka eje hnine la fami i epun.​—1 Peteru 5:6, 7.

¹² Atreine fe troa cile kowe la hnehengazo, e hna catre lapaune kowe la hna qaja hnei Iehova ngöne la Wesiula i Nyidrë. (Salamo 130:3, 4; Mataio 6:25-34; 1 Ioane 3:19, 20) Ame la troa inine la Wesiula i Akötresie me melëne la itre trepene meköti e hnin, ke, jëne tro hi lai a nyi jë i epuni troa kapa la ixatua ne la uati hmitrötre i Akötresie, ke qa thei Nyidrë la “etrune la men, ngo thaa qa the huni kö,” men ka ijije troa qëmeke kowe la ketre drai me ketre drai.​— 2 Korinito 4:7.b

13. Nemene la hnaluene jole ka angazone la itre fami?

¹³ Qa ngöne la hna iji menu la kahaitr, hetre ketre jole ka angazone la fami​— ene laka kola isi ngöne la hnalapa.

ITRE ETHANE LA HNA ISI E HNINE LA HNALAPA

14. Eue la hna nyiqaane la pane isi, hnine la hnalapa, nge nemene la aqane mel ngöne la hnedrai së enehila?

¹⁴ Ame la pane isi ka mama qaane lo kola xupe la atr, ke ene la ihumuthi ne la lue trejin, ene Kaina me Abela. (Genese 4: 8) Qaane ju hi lai, hna akötrëne la atr hnene la nöjei aqane iakötrë ka nyimutre. Nyimutre la itre trahmanyi ka lepe la itre föe i angatr, itre föe a cile kowe la itre trahmany, itre keme me thine a lepe angazone la itre nekö i angatr, nge ngöne la kola tru la itre nekönatr, angatre a qanangazone la itre keme me thine i angatre ka qatre hë.

15. Nemene la aqane ketr la itre atrene la fami, hnene la hna isi hnine la hnalapa?

¹⁵ Thaa itre eatre ne ngönetrei hmekuje kö la thangane ka ngazo qa ngöne la hna isi ngöne la hnalapa. Hna qaja hnene la ketre föe hna lepe ka hape: “Eni a lapa fë hmahma me hacehni pine la itre ewekë ka ngazo ka traqa ngöne la hnalapa. Nyimutre la itre xaa hmakany, easë petre kö hune la ibeetr, nge easë a mejiune laka, pi a ketre pu ne jidri ju hi la itre ewekë ka ngazo ka traqa koi së.” Ame la itre nekönatre ka tru jë hi a öhnyi isi hnine la fami, ke tro fe hë angatre elanyi a hane ilepi me isi ngöne la sipu fami i angatr.

16, 17. Kola hapeu la hna ithahnata hna hape, akötre ngöne la hni, nge tuneka la aqane ketr la itre atrene la fami hnene la ewekë cili?

¹⁶ Ame la isi e hnine la fami, ke, thaa ilepi hmekuje kö hnei jia, ngo kolo fe a hane ilepi hnei trenge ithahnata. Kola qaja ngöne Ite Edomë 12:18 ka hape: “Hetete ewekë kösë hna thine hnei taua.” Celë hi itre “ka ithinyi” lai ka amamane la isi e hnine la hnalapa, ene la iqaqa, me icatrë, nge tune mina fe la iqejegelë, me trenge ithahnata nyine iahmahmanyi me nyine iaxoueny, nge kolo fe a pi isi. Hetrenyi la itre xaa eatre ka thaa mama nge hna thaa atrepengöne hnyawa, ene la itre eatre ne la hni.

¹⁷ Troa angazone fe la itre aliene la hni ne la nekönatr​— maine hna thaipië angeic, maine kola eetre lapa pine la atreine i angeic, me trotrohnine i angeic, maine thaa hane pena nyipi ewekë angeic. Celë hi ketre aqane ithahnata lai ka ngazo, ka troa apaatrene la mejiune ka eje thene la nekönatr. Nyipici laka, nyipi ewekë la ihaji kowe la nöjei nekönatre asë. Ngo kola inine la itre keme hnene la Tusi Hmitrötre ka hape: “The aielëhnine kö la ite nekö i nyipunie, wanga huketö jë angat.”​— Kolose 3:21.

TUNEKA LA AQANE TROA NEËNE LA ISI NGÖNE LA HNALAPA

18. Hna nyiqaane eka la isi hnine la hnalapa, nge nemene la nyin lai, hna hamëne hnei Tusi Hmitrötr?

¹⁸ Hna nyiqaane ngöne la wenethëhmi me ngöne la mekun, la isi hnine la hnalapa; kola mama la mekune së hnene la aqane ujë së. (Iakobo 1:14, 15) Nyipi ewekë tro la ka isi a waipengöne la aqane mekune i angeic, maine angeice a ajane troa hmaca qa ngöne la thiina i angeic. (Roma 12:2) Hapeu, ijije kö troa traqa kow? Eje hi. Hetrenyi thene la Wesiula i Akötresie la mene ka ijije troa saze la itre atr. Atreine hi tro eje a feje më iwane la “ite hunapo ka cat” ene la itre aqane wai ewekë ka ngazo. (2 Korinito 10:4; Heberu 4:12) Atreine hi tro la nyipi atrehmekune qa thei Akötresie a saze hnyawa la mele ne la atr, matre ijije fe troa qaja ka hape, angatre a hane xetrëne la at ka hnyipixe.​— Efeso 4:22-24; Kolose 3:8-10.

19. Nemene la aqane tro la keresiano a wange me ujë kowe la hnei angeice hna faipoipo memin?

¹⁹ Aqane troa wangatrune la trefën. Kola qaja hnene la Wesiula i Akötresie ka hape: “Tune lai qâ ne la nöjei trahmanyi troa hnime la ite fö’i angate tune la ite itei angate kö. Ame la ate hnime la fö’i angeic, te, kola hnimi angeice kö.” (Efeso 5:28) Tusi Hmitrötre fe a hane qeje pengöne la trahmanyi laka, loi e tro angeice a amamane kowe la föe i angeice ka hape, angeice a “atrune la fö, ke nyidoti la inege ka kucakuca.” (1 Peteru 3:7) Hna upe fe la itre föe tro angatre a “isa hnimi föen” me “metrötrëne hnyawa” la itre fö i angatr. (Tito 2:4; Efeso 5:33) Eje hi laka, pëkö trahmanyi ka xoue Iehova a qaja ka hape, angeice a metrötrëne la föe i angeic, ngo kolo pala hi a lepi nyidro me ithahnata akökötrenyi koi nyidro. Nge pëkö föe a troa qaja ka hape, nyidro a hnime me metrötrëne la trahmanyi i nyidro, nge kolo pe a icatrë, me ihnyimasai, maine isi ithahnata lapaa.

20. Qa thei drei la hnëqa hna hamëne kowe la itre keme me thin, troa thupëne la itre nekönatr, nge pine nemene matre loi e tro la itre keme me thine a tuluthe la itre ewekë hnei angatre hna troa thele thene la itre nekö i angatr?

²⁰ Aqane troa waiemekötine la itre nekönatr. Nyipici, qa ne la itre keme me thine troa hamëne la ihnimi kowe la itre nekö i angatr, me thupë nyudrene hnyawa. Wesiula i Akötresieti a hëne la itre nekönatr, kösë “edö qa thei Iehova” nge “june” qa thei Nyidrë. (Salamo 127:3) Hnëqa ne la itre keme me thin, xajawa i Iehova, troa thupëne la edrö cili. Tusi Hmitrötre a qaja la ijine kola thöthi la nekonatre kösë ijine kola “qene nekönatr” nge “qene hmo”. (1 Korinito 13:11; Ite Edomë 22:15) Thaa tro jë kö la itre keme me thine a sesëkötr, maine angatre a öhne laka kola qene hmo la itre nekö i angatr. Thaa itre thupëtresiji kö la itre nekönatr. Thupëne kö itre keme me thin, la troa hnëqëne la itre nekönatr ngo thaa ihmeku petre kö memine la macatre i nyudren, memine la trenge catre i nyudren, memine fe la aqane hetru nyudren.​— Wange ju la Genese 33:​12-14.

21. Nemene la mekune i Akötresie, göne la aqane troa goeëne la itre keme me thine ka qatre hë, memine la aqane troa ujë koi angatr?

²¹ Aqane troa wangatrune la itre keme me thin, e qatre hë. Kola qaja hnei Levitiko 19:32 ka hape: “Tro eö a mejë qëmeke ne la qia he me metötëne la qat.” Hna xatua së hnene la trenge wathebo i Akötresie, troa metrötrëne me wangatrune la itre qatr. Ma troa ketre itupathi ka tru koi së, ngöne laka, kola thele atrune the së hnene la itre keme maine thine së ka qatre hë, maine ka wezipo pena, ketre ma hmitre pena troa enije me mekun. Ngo, kola amekunëne pala hi la itre nekönatre laka, nyipi ewekë tro angatre a “titë kowe la ite keme me thine i angat.” (1 Timoteo 5:4) Kolo lai a hape, tro angatre a wangatrune me metrötrëne la itre keme me thine i angatr, maine hnene la troa xatua angatre göi mani. Ewekë ka sisi la troa qanangazone la itre keme me thine ka qatre hë, pine laka, hna wathebone lai hnei Tusi Hmitrötr.

22. Nemene la thiina ka tru, ka ijije troa cile kowe la isi ngöne la hnalapa, nge tuneka la aqane troa melëne ej?

²² Inine jë troa atreine xomihni. Ite Edomë 29:11 a qaja ka hape: “Tro la hmo a nuan’asë la hni nyën; ngo tro la ate ka inamacan’a xome hnöth’eje utihë e kete ijin.” Nemene la aqane tro epuni a xome hnöthe la mekune i epun? The nue kö la elëhni troa lapane la hni i epun, ngo canga thele jë pe troa nyinyine la itre jole ka fetra. (Efeso 4:​26, 27) Trotrije pi la hna iwesitrë memin, maine epuni a öhne laka, thatreine hë epuni troa xomihni. Sipo Iehova jë la uati hmitrötre i Nyidrë jëne la thith, matre troa xatua epuni troa xomihni. (Galatia 5:​22, 23) Ketre, ka lolo fe troa pane tro me kuca pena la itre xaa huliwa nyine troa enijëne la ngönetrei, celë hi ka troa xatua epuni lai, troa xome hnöthe la itre aliene la hni i epun. (Ite Edomë 17:14, 27) Loi e tro pala hi a catre “hmite troa elëhni.”​— Ite Edomë 14: 29.

TROA ISA LAPA MAINE TROA CE MEL?

23. Nemene la ewekë ka troa traqa kowe la ketre atrene la ekalesia i keresiano, ka iwesitrë lapaa, me isi nge thaa ietra kö?

²³ Tusi Hmitrötre a amë amamane la itre huliwa hna xelene hnei Akötresie, ene, la troa “ithupëjia, me iwatratra, . . . me iwesitë” nge kola amekotine ka hape, ame “angete kuca la ite ewekë ka tune lai, tha tro kö a hetenyi la baselaia i Akötesie.” (Galatia 5:19-21) Qa ngöne lai, ame la atre qeje angeice ka hape, keresiano angeic, ngo wesitre lapaa maine lepe pena la föe hmunë me ha kuku, nge thaa trotrije kö qa ngöne la thiina ngazo cili, haawe atreine hi troa upetriji angeice qa hnine la ekalesia i keresiano. (Wange ju 2 Ioane 9, 10.) Celë hi aqane tro lai a thupëne la ekalesia, qa ngöne la itre atr ka iakötrë.​— 1 Korinito 5:​6, 7; Galatia 5:9.

24. (a) Nemene la nyine troa kuca hnene la itre föe hna akötrën? (b) Nemene la aqane tro la itre enehmu, memine la itre qatre thupe ka hni ka ajan, a xatuane la itre föe hna akötrën, ngo nemene la ewekë nyine tro angatre a neëne catrën, ngöne la angatre a troa hamë ixatua?

²⁴ Nge nemene fe la nyine troa kuca hnene la itre keresiano hna lepe lapaane hnene la fö i angatr, nge kola mama laka, pëkö ajane troa saze la thiina? Nyimu kepine ka upe la itre trefëne troa ce lapa. Ame pena itre xane ke, angatre a mekune troa isa lapa, hnene laka, tru la xou, wanga angazone jë la ngönetrei, me mekun, memine la lapaune i angatr​— ketre tune fe la mele i angatr. Ketre, isa qanyine kö la atr hna akötrëne ngöne la hnalapa, troa iëne la nyine tro angeice a kuca ngöne la götrane cili, angeice hmekuje hi me Iehova. (1 Korinito 7:10, 11) Loi e tro la itre enehmu ka hni ka loi, me itre sinee, maine itre qatre thupe keresiano, a thele troa hamë ixatua me eamo, ngo thaa tro kö angatre a iuku troa xötrëne la ketre gojenyi maine troa xome la ketre aqane ujë. Isa qanyine kö la trahmanyi maine föe, troa mekune la hnei angeice hna troa kuca.​—Roma 14:4; Galatia 6:5.

PUNE LA ITRE JOLE KA TRU

25. Nemene la aja i Iehova kowe la fami?

²⁵ Ame ngöne la Iehova a isilekeu Adamu me Eva hnene la faipoipo, thaa eje kö la mekune i Nyidrë la troa angazone la mele ne la itre fami hnene la itre jole ka tru, tune la iji gorok, maine isi. (Efeso 3:14, 15) Loi e troa ciahlöeë la ihnimi hnine la fami, nge loi e troa lapane eje hnene la tingeting, ketre, nyipi ewekë fe kowe la itre atren tro angatre a öhne laka, ngöne la fami, kola wangatrune la mekun, me aliene la hni, memine la mele i angatre ngöne la ua. Ngo, qa ngöne laka ngazo asë hi së, ketre canga ngazo ju fe hi la mele ne la fami.​— Wange ju la Ate Cainöj 8:9.

26. Nemene la hna treqene elanyi hnene la itre atr, ka mele thenge la itre hna amekötine hnei Iehova?

²⁶ Eloine pe, thaa hnei Iehova kö hna nuetrije la aja i Nyidrë, ene la aqane troa melëne la fami. Nyidrëti a thingehnaeane kowe la itre atr, tro angatre a hane mele hnine la ketre fene ka hnyipixe, nge e cili, “tro angat’a lapa xetietë, nge pëkö ate troa axounyi angatr.” (Ezekiela 34:28) Ngöne la ijine cili, tro ha itre ewekë ne la fene ka paatre hë, la iji gorok, me isi hnine la hnalapa, me itre xaa jole ju kö ka tru, ka athixötrëne la itre fami enehila. Troa hnyimahnyima me lolo la iqëmeke ne la nöjei atr, a thaa kolo kö a juetrëne la xou me akötr, ngo hnene laka, angate a “madine la tingetinge atraqat.”​— Salamo 37:11.

[Ithueamacany]

NEMENE LA AQANE TRO LA ITRE TREPENE MEKÖTI CELË QA HNINE LA TUSI HMITRÖTR A XATUANE . . .LA ITRE FAMI MATRE NEËNE LA ITRE JOLE KA TROA AXULUNE LA ITRE AKÖTRE KA TRU?

Iehova a ahnëjinëne la atr ka iji menu la kahaitr.​— Ite Edomë 23:20, 21.

Easë a troa isa xeni pune la itre huliwa së ka ngazo.​— Roma 14: 12.

Thatreine kö së troa nyihlue i Akötresieti hnyawa, e pëkö xomihni the së.​— Ite Edomë 29:11.

Kola metrötrëne la itre keme me thine i angatre ka qatre hë, hnene la itre keresiano ka hni ka menyik.​— Levitiko 19:32.

[Iatr ne la götran 146]

Ketre hetre ixatua ka tru fe hna troa hamëne hnene la itre qatre thupe keresiano kowe la itre fami, matre atreine angatre troa cile kowe la itre jole ka eje thei angatr

[Iatr ne la götran 151]

Tro la itre trefëne keresiano ka ihnimikeu, me ka imetrötrekeu, a canga thele troa qemeke kowe la itre jol