Hetre Thupene Ka Loi La Hna Xomihni Ahoeany

¹ “Tro nyipunie a hete mele e xomi hnine hnei nyipunie.” (Luka 21⁠:19) Ame la xötrehnëewekë celë hna xome qa ngöne la itre hna perofetan hnei Iesu göne la “puatine la [“hneijine,” MN],” tre kola amamane hnyawa ka hape maine aja së troa mele nyipici koi Akötresie, tro hë së a hnëkë troa cile kowe la itre itupath ka nyimutre. Nge jëne la trenge catr qaathei Iehova, ijije hi tro së isa ala caas a ‘cile huti uti hë la pune’ me “mel.”​—Mat. 24:​3, 13; Fil. 4:​13.

² Nyimutre la itre itupath ngöne la nöjei drai, maine hnene laka kola icilekeu me easë, maine kola wezipo, maine hetre itre jole göi mani, maine itre ka hace hni pena. Ngo thaa tro pi kö sa thëthëhmine laka, Satana a thele troa angazon la aqane mele nyipici së koi Iehova. Ame ngöne la nöjei drai ne easë a mele nyipici kowe la Tretretro së, itre drai ne easë hi lai a sa kowe la Atre tupathe la aqane mele nyipici së koi Akötresie. Drei la madrine së ngöne la easë a atre laka, thaa hna thëthëhmine kö hnei Akötresie la itre “tenge timida” së ngöne la easë a cile kowe la itre itupathi ka tru! Ka sisitria la itre trenge timidra cili koi Iehova, nge kola madrin la hni Nyidrë ngöne la easë a mele nyipici koi Nyidrë!​—Sal. 56⁠:8; Ite edomë 27⁠:⁠11.

³ Kola Acatren La Lapaune Së Hnene La Itre Itupath: Kola mama ngöne la itre akötr maine ka nanazij la lapaune së, maine hetre hnepe ethan la thiina së, tune laka ka pi draië maine ka thatreine xomihniahoeany. Thaa loi kö troa sa thele troa neën maine thele nyin la itre itupath e trön la Tusi Hmitrötr, ohea, nyipi ewekë tro pe së a thele la itre eamo qa hnine la Wesi Ula i Akötresie matre troa “hulliwa apexejene la xomi hni.” Pine nemen? Pine laka easë a catre xomihnine la itre itupathi ka tru, haawe kolo hi lai a xatua së troa “pexeje me meköt.” (Iako. 1:​2-4) Kola xatua së fe hnene la xomihniahoeany troa eën la itre thiina ka lolo, tune la troa atreine waiewekë, me atreine itrotrohni, me ihnimi ipitö i Akötresie.​—Rom. 12⁠:⁠15.

⁴ Troa Tupath La Lapaune Së: Ame ngöne la easë a xomihnine la itre akötre ka tru ka traqa koi së, easë fe a akökötren e kuhu hni së la lapaune së, ketre thiina ka sisitria catr xajawa i Akötresie. (1 Pet. 1:​6, 7) Ketre lapaune lai ka troa xatua së troa cile catre ngöne la itre itupathi ka tru elany. Ketre, drenge hi së laka Akötresieti a kepe së, nge ewekë lai ka acatren la mejiune së, nge kola mama hnyawa koi së jëne lai laka troa eatre lai hna mejiun.​—Rom. 5:​3-5.

⁵ Eje hi lai laka ame la thupene ka tru hne së hna kapa qa ngöne la hna xomihniahoeany, tre hna amamane hnyawa eje ngöne la itusi Iakobo 1:​12, kola hape: “Manathithi la ate xomi hnine la itupath, ke a ase hë tupath, tro angeic’ a hetenyi la korona ne mel.” Qa ngöne lai, catre pi së troa cile catr me qale catre koi Iehova, me mejiune laka tro Nyidrëti a nyithupene hnyawa koi së “angete hni nyidë.”

Paatr 2: Aqane Troa Eatrongëne La Itre Etid Ka Kökötr

Troa Hnëkën Troa Xomiujin La Etid

¹ Ame la troa inine hnyawa la itre atr, tre thaa ene hmekuje kö la troa ithanatane itre mekun hnine la itus me goeën la itre xötr hna hamën. Nyipi ewekë catr tro sa thele troa eë hnyawa la ithuemacany matre troa ketr la hni ne la hnainin. Celë hi matre loi e tro sa mekune la hnainin ngöne la easë a hnëkë hnyawa qëmekene troa etid.​—Ite edomë 15⁠:⁠28.

² Tune Kaa La Aqane Tro Sa Hnëkë: Nyiqaane jë troa thithi fë koi Iehova la hnainin memine la itre hnei angeic hna ajan. Sipo Iehova jë troa xatua së troa ketr la hni ne la hnainin. (Kol. 1:​9, 10) Maine easë a ajan troa trotrohnine hnyawa la taan, xome jë la ketre traeme ne troa wang la taan la meken maine ini, memine la itre taan mekun hna cinyihane acon, memine la itre xaa ixatua ju kö. Isa thele ju ka hape, ‘Nemene la sipu aliene la topike celë?’ Tro ha xatua së troa wangatrune hnyawa la itre mekune ka tru ngöne la easë a xomiujine la ini.

³ Wange hnyawa hmaca ju la itre mekune ngöne ketre paragarafe matre ketre paragarafe pena. Wangatrehmekune hnyawa ju la itre mekune ka sa la itre hnying hna fejane hë, me sija la itre hnëewekë ka tru me itre xötrehnëewekë. Thele jë la kepin matre kola hamën la itre xötre ne la Tusi Hmitrötr hmekune la itre mekune ka tru ngöne la ketre paragaraf, nge loi e troa xome amë la itre xötr nyine troa e ngöne la ijine etid. Ka lolo catre mina fe troa cinyihan ngöne la itus la itre hnepe mekun ezine lai itre xötr. Loi e troa trotrohnine hnyawa hnene la hnainin laka, ame la hnei angeic hna inin tre qa hnine la Wesi Ula i Akötresie.​—1 Thes. 2:​13.

⁴ Loi e Troa Hamëne La Ini Hmekune La Itre Nyine Troa Kuca Hnene La Hnainin: Ame la nyine troa kuca thupen, tre, ene la troa wange hnyawa la ini matre troa kuca hmekune la aja ne la hnainin. Thele jë troa canga nyiqaane hnëkëne la aqane troa sa la itre hnyinge i angeic me itre mekune ka nango jole koi angeic troa trotrohnine maine troa kapa. Isa thele jë ka hape: ‘Nemene la hnei angeic hna ajan troa trotrohnin maine troa saze matre troa kökötre hnei angeic ngöne la götrane la ua? Tune kaa la aqane tro ni a ketr la hni angeic?’ Thupene lai, thele jë troa hamëne la ini hmekune lai itre hnyinge cili. Ame ngöne la itre xaa ijin, maine jë tro sa öhne la eloine la troa hnëkëne la ketre ceitun, maine troa qejepengöne la ketre mekun, maine troa xome la itre hnyinge matre troa xatuane la hnainin troa trotrohnine hnyawa la aliene la ketre mekun maine ketre xötr. (Neh. 8⁠:⁠8) Ngo thaa tro pi kö a xome la itre xaa ithuemacany ka thaa ihmeku kö memine la taan la ini. Troa xatua angeic troa mekune hmaca la itre mekune ka tru, jëne la revizio hna troa ce ithanatane ngöne la pune la ini.

⁵ Drei la madrine ka tru ngöne la kola tiqa la ketre atr ka etid la itre wene la thiina ka meköt nyine atrunyi Iehova! (Fil. 1:​11) Maine easë a thel troa xatua angatr troa eatrën lai aja cili, nyipi ewekë tro sa hnëkë hnyawa ngöne la nöjei ijine easë a troa inine la Tusi Hmitrötr kowe la itre atr.