Faifi La Nyine Tro Sa Kuca Matre Öhne La Itre Ka Aja Ini Tus
1. Maine jole koi nyipunie troa öhne la ketre atr ka ajane troa ini Tusi Hmitrötr ngöne la götrane hnei nyipunieti hna cainöje ngön, nemene la nyine tro nyipunieti a kuca, nge pine nemen?
1 Hapeu, ka jole kö koi nyipunieti troa öhne la atr ka ajane troa hane ini Tusi Hmitrötr? Catre jë, ke Iehova a amanathithine la atr ka catre kuca la aja i Nyidrë. (Gal. 6:9) Hanawange cahu faifi lao mekune nyine xatua nyipunie.
2. Nemene la ketre aqane tro sa kuca matre tro sa nyiqaane ini Tusi Hmitrötre memine la itre atr?
2 Qaja Mekötine Pi: Nyimutre la itre atr ka atre ka hape easa tro fë La Tour de Garde trootro me Réveillez-vous !, ngo ma thatre pë hë itre xan, ka hape, easë mina fe a ikönë troa hane ini Tusi Hmitrötr. Ame la easa xötrei iöhnyi memine la ketre atr ngöne la easa cainöje ngöne itre hnalapa trootro, canga hnyingëne ju kow ka hape, aja i angeice fe kö troa hane ini Tus? Maine hetre itre atr ka ajane troa porotrike me easë, nge easa tro troa wai angatre hmaca, hnyingë angatre ju fe, ka hape, pi tro fe kö angatr a hane ini Tus? Maine xele pë hë angatr, catre jë pe tro fë koi angatre la itre zonale nge porotrike jë kö me angatr. Hnene la ketre trejine hna pune majemine troa tro fë zonale kowe la lue trefën, a traqa koi itre macatre. Ame ju hi ngöne la ketre ijine angeic a ase hamëne koi nyidro lo itre zonale hnei angeice hna hnyipi kapa, angeic a cile hmaca ju me hnyinge koi nyidroti ka hape: “Pi tro fe kö epon a hane ini Tusi Hmitrötr?” Sesëkötre ju hi angeice la nyidroti a nangë angeic. Ame enehila, tre lue ka bapataiso fe hë nyidro.
3. Qaja jë la kepine matre tha tro kö sa canga mekune ka hape, ame la itre ka sine lapane la itre icasikeu, tre itre ka ini Tusi Hmitrötre hë angatr.
3 Itre Ka Sine Lapane La Itre Icasikeu: Ame la easa öhne la itre ka sine lapane la itre icasikeu ne la ekalesia, the tro kö sa canga mekune ka hape, itre ka ini Tusi hë angatr. Hanawange la hna qaja hnene la ketre trejine trahmany: “Ame la ini Tusi Hmitrötre jë ni memine la itre xan, tre hnene laka hnenge hi hna nyiqaane porotrike me angatr e koilo ngöne la hna icasikeu.” Ame pena la ketre trejine föe, tre hnei angeice hna tro kowe la ketre föe ka nango lapa pe hi ngöne la hna icasikeu, thinene la lue xa trejine föe ka sine la ekalesia i angeic. Traqa ha koi 15 lao macatre ne eahlo a sine la itre icasikeu. Hnei eahlo pala hi hna pune majemine troa traqa ijije la kola nyiqaane la icasikeu; nge ame ju hi la kola nyipun, tre eahlo fe hi a canga tro. Hnene la föe cili hna kapa troa hane ini Tusi Hmitrötr, nge e thupen, eahlo a hane lö kowe la nyipici. Önine lo lai trejine föe ka hape: “Maine canga hane ju ni hnyingë eahlo ka hape, pi tro kö eahlo a hane inine la Tusi Hmitrötr, tre tha tro ju kö a 15 lao macatre ne tro eahlo a itreqe menu!”
4. Nemene la ketre aqane kuca matre tro sa öhnyi itre ka ajane troa hane ini Tusi Hmitrötr?
4 Mekune Ju La Itre Itre Sinee Ne La Itre Hnainin: Ame ju hi ngöne la ketre ijin, hnene la ketre trejine föe hna sipone kowe la itre xa trejine troa hane ce sine me angatr la ini tusi ne la itre hnei angatr hna inin. Ame hë la kola nyipune la ini tus, angeic a sipone ju kowe la sine tronge i angeice troa hnyingëne lai hna inin, ka hape, hetre itre atr jë kö hnei angeice hna atre ka pi hane inine la Tusi Hmitrötr? Haawe, ame fe la easa bëeke kowe la ketre atr göi troa hamëne la itus, Ini Tusi Hmitrötr, hnyingë angeice jë ka hape: “Hetre itre xa atr kö hnei eö hna atre ka pi hane hetreny la itusi celë?” Ame ngöne la itre xa ijin, tre tha ijiji itre pionie ju kö me itre xa ka cainöje hi troa hnyingëne la itre atrene la itre hnalapa ka hape, ‘Pi tro fe kö angatr a hane ini Tus?’, ke patre kö angatr. Qa ngöne lai, maine nyipunieti fe a hane pi hetre hnei nyipunieti hna troa ini Tusi memin, tre hane ju qaja kowe la itre trejine me nyipunie.
5. Pine nemene matre loi e tro fe sa hnyingëne kowe la itre föene la itre trejine me easë, maine pi tro fe hi angatr a hane inine la Tusi Hmitrötr?
5 Mekune Ju Fe La Itre Ka Tha Ce Hmi Kö Me Easë: Hetre itre trejine kö me itre ka cainöje ngöne la ekalesia i nyipunie, ka faipoipo hë me itre ka tha ce hmi kö me easë? Ame la itre xa ka tha ce hmi kö me easë, tre tha pi tro kö angatr a porotrikë Tusi Hmitrötr memine la fö i angatre Keresiano, ngo e tro pena ketre a porotrikë Tusi Hmitrötr memin, tre canga kapa hi angatr. Ngo qëmekene troa pane tro kowe lai ka tha ce hmi kö me easë, ame itre xa ijin, tre ma loi e troa pane nango ce ithanatane memine lai atrekë föen.
6. Nemene la enyipiewekëne la troa thithi ngöne la easa ajane troa hetre hne së hna troa ini Tusi kow?
6 Thithi Jë: The tro pi kö sa wange acone la emene ne la thith. (Iako. 5:16) Ase hë Iehova ahnithe ka hape, maine tro sa sipo ketre ewekë thenge la aja i Nyidrë, tro Nyidrëti a drenge la thith i së. (1 Ioane 5:14) Ame la ketre trejine trahmany, tre ngacama tru la jole i angeic, ngo hnei angeice hna sipone ngöne la thith troa hetre hnei angeice hna ini Tusi kow. Hna pane cile hnene la föe i angeic, me hnyinge ka hape, e traqa ju elany la nöjei pengöne jol kowe lai hnei angeice hna ini Tusi memin, tre hapeu, hetre ijine i angeice jë kö troa pane xatuane lai hna ini Tusi kow? Celë hi itre ewekë lai hnene la föe ne lai trejine trahmany hna thithi fë koi Iehova, ngöne la angeic a sipone koi Nyidrë troa kapa la aja ne lai trejin. Thupene la lue wiik, kolo ha kapa la sipo i nyidro. Hnene la ketre pionie ngöne la ekalesia hna sipone kowe lai trejine trahmany troa ini tus memine la ketre atr hnei angeice hna ithanata memin ngöne la hna cainöj, nge ka ajane troa hane inine la Tusi Hmitrötr. Hnene la föe ne lai trejin hna cinyany me hape: “Maine öni nyipunieti ka hape, hetre itre ewekë ka sewe nyipunieti troa hane xomiujine la ini Tusi ne la ketre atr, eni a ithuecatre koi nyipunie ka hape, thithi fë jë lai jole koi Iehova, nge the mano kö thith. Meku nyiho ju hi, tha hnepe manathithi ka co kö la hnei nyiho hna kapa.” Maine tro fe nyipunieti a catr, tro nyipunieti a hane öhne la ketre atr hnei nyipunieti hna troa ini Tusi kow, me öhnyi madrine ne la troa xatua angeice troa xome “la gojenyi ne tro kowe la mel.”—Mat. 7:13, 14.