Meken 86

Pengöne La Neköne Ka Mejengön

IESU a ase sa kowe la itre Faresaio jëne la lue ceitun, ene la ceitune ne la mamoe, memine la mani ka paatre nge hna öhne hmaca. Nyidrëti enehila a sisedrëne jëne la ketre ceitun. Eje a amamane la aqane ujëne la ketre keme ka tru ihnimine kowe la lue nekö i nyidrë trahmany, ka kuca asë hi nyidroti la itre ngazo ka tru.

Ame la ka co, ke, mele i angeice hi la hna qeje pengöne atrune ngöne la ceitun. Ame ngöne la ketre drai, ke, angeice a hnyingëne la edrö i angeice koi keme i angeic, nge nyidrëti a hamën, nge thaa hnei nyidrëti kö hna cipan, ngo hna hamëne cememine la hni ka menyik. Thupene lai, angeice a tro trije la hnalapa i keme i angeic, me kuca la itre ewekë ka sis. Ngo, loi e tro së a nue Iesu troa edromëne la ewekë celë, nge tro së a tupathe troa thele la hatrene la itre atr ne la ceitun.

Öni Iesu ka hape: “Dei lai ate tene lue kuku trahmany; nge önine la cipa koi keme i nyën, ka hape, Kakati fe! hamë ni pi la edöng. Ame hnei angeice [keme] hna thawa koi nyido la nöjei ewekë i angeic.” Nemene la aqane huliwane hnene la cipa, la itre ewekë hnei angeice hna kapa?

“Nge tha nyimu drai pete kö thupene lai, ame hnei cipa hna icasinekeune la nöjei ewekë i nyën’ asë, me tro kowe la kete nöje ga nany, me titije la tenge nyi nyëne, a kola mejengön.” Angeice a aluuzine la manie i angeice memine la itre föe ne gojeny. Ame hë la pun thupen, tune la aqane amamane Iesu, kola traqa la itre jol.

“Nge asesë hë mejengöne la ite ewekë i nyën, ame hna traqapi la jiine atraqate kowe la nöje cili, ame hna nyi qane troa pë ewekë i nyën. Ame hnei nyëne hna tro me lapa thene la kete ate ne la nöje cili; nge angeic’ a upi nyëne kowe la zi angeice troa thu a i puaka. Nge cia la aja i nyëne troa xeni la ite nune a i puaka; ke pëkö ate thu a i nyën.”

Nyine hmahmane laka, pëkö xaa huliwa ka ijij ngo kolo pë hë a troa thupëne la itre puaka! Ketre, thenge la trenge wathebo i angetre Iudra, itre öni lai ka sis. Ngo ame la ka akötrëne catrëne la nekö trahmany, ke, ene laka, mecijine catre hë angeic, ene pe kola ajane troa xeni la itre nune a i puaka. Ngöne la akötre cili, Iesu a qaja ka hape “ame hna ujëjë la hni nyën.”

Iesu a sisedrëne ka hape: “Öni nyën, ka hape, Ala nyimu la ite hlue i kaka, nge munë pe kö la xeni thei angat, ngo ini ha la troa meci hnei mecijin! Tro ni a cile me tro koi kaka, me qaja koi nyidëti, ka hape, Kakati fe, ase hë ni menu kowe la hnengödrai, me qëmeke i nyipë; nge tha ijije hmaca kö troa hë ni nekö i nyipë; longë nieti jë troa tune la kete hlue i nyipë. Ame hnei nyëne hna cile me tro kowe la keme i nyën.”

Drei la ketre ewekë nyine mekune hnyawa: Ngöne la angeice a tro qa ngöne la hnalapa, maine wesitre ju la kem, me ithahnata akökötreny, eje hi laka, thaa tro kö a xecie e kuhu hni angeice troa bëeke hmaca. Maine jë tro angeice a mekune troa bëeke kowe la nöj, me thele huliwa thene la itre xaa maseta matre thaa tro kö a iöhnyi me keme i angeic. Ngo, thaa traqa pi kö la mekune cili thei angeic: ame la aja i angeic, ke, ene la troa bëeke kowe la hnalapa i angeic.

Kola mama laka, ngöne la ceitune celë, hna nyihatrene la keme hnene la Tretretro së e koho hnengödrai, Iehova Akötresie, ka tru ihnimin. Maine jë hnei epuni hna hane wangatrehmekune ngöne la neköne ka paatr, hna hëne fe ka hape, neköne ka mejengön, la itre atr ka hlemu pine la itre ngazo hnei angatre hna kuca. Iesu la a ithahnata kowe la itre Faresaio, nge angatre hi lo itre ka qaja angazo nyidrë pine ce xeni memine la itre atr celë. Ngo, hapeue la neköne haetra, drei la hna nyihatrene hnei nyën?

Ngöne La Kola Öhne Hmaca La Neköne Ka Paatr

Ngöne la ceitune i Iesu, nemene la aqane kapa la neköne ka paatr, maine pena la neköne ka mejengön, ngöne la angeice a bëeke koi keme i angeic? Hanawange la aqane qeje pengöne Iesu:

“Nge öhnyi nyënë hë hnei keme i nyën, nge nanyi pete kö, ame hnei angeice hna utipi nyën, me nyenyap, me kei hune la nyinawa i nyën, me idemi me nyën.” Kola nyihatrene hnyawa la Tretretro së e hnengödrai, ene Iehova, hnene la aqane ihnimi me keukawahnine la aqane ujë ne la kem.

Ma hna drenge jë hë qaathei itre xan hnene la kem, la aqane mejengöne la kuku. Ngo thaa hnei nyidrëti kö hna thele iwesitrë, ngo kolo pe a kepe nyëne hnyawa. Caasi hi la aqane ujë i Iesu me nyidrë, ngöne laka, hnei Iesu hna tro kowe la itre ka ngazo, me itre telona, hna nyihatren hnene la neköne ka mejengöne ngöne la ceitun.

Eje hi laka, kolo hi a goeëne hnene la keme la qëmeke ne la nekön, laka ka pë madrin me latresi, haawe thaa luelue kö nyidrë laka nyëne a ietra. Ngo hnene la aqane utipine me canga nyenyape nyidrë kowe la nekö i nyidrë, matre thaa jole kö koi nyëne troa qeje menu pine la itre ngazo hna kuca. Iesu a sisedrëne ka hape: “Ame hnei kuku hna qaja koi angeic, ka hape, Kakati fe, ase hë ni menu kowe la hnengödrai, me qëmeke i nyipë, nge tha ijije hmaca kö troa hë ni nekö i nyipë. Longë nieti jë troa tune la kete hlue i nyipë.”

Thaa fenesi pala kö la neköne ithahnata, nge keme fe hë a upe la itre hlue i nyidrë ka hape: “Canga awepi la nyipi ixet, nge xetë nyëne ju; nge linejë la otene wanakoime koi nyën, nge sileju la lue tenge ne hnatrapaca koi nyën; nge awepi la nekö i kau ka pipixenyë, nge shaneju; nge tro sha öni, me madin; qa ngöne la dei la nekönge qa hna mec, nge mele hmaca ha; nge hna pat, nge dei hmaca ha la.” Nge ame hnei angatre hna nyiqaane ce “madin.”

Nge ngöne la ijine cili, ke, “eje ngöne la hlapa, la nekö i angeice haetra.” Loi e tro së a drenge la pune la ceitun, me tupathe troa trotrohnine la hna nyihatrene hnene la neköne haetra. Iesu a qeje nyën ka hape: “Nge nyën’a traqa me eashenyi kowe la uma, ame hna denge la nyima me fia. Nge nyën’a hëne la kete hlu, me hnyingën, ka hape, Nemene ewekë caha? Nge nyën’a sa koi angeic, ka hape, Traqa ha lo jini nyipë; nge ase hë lepe lo nekö i kau ka pipixenyë hnei keme i nyipë, qa ngöne la hna kepe angeice nge mele kö. Ame hnei angeice hna elëhni, me xele fe ma lö; ame hna löpi la keme i nyën, me iele nyën. Nge nyën’a qaja kowe la keme i nyën, ka hape, Hana wang, kösaue la ite macate hnenge hna nyi hlue i nyipë, nge pëkö wathebo i nyipë ka casi hnenge hna shashaith, ngo pë palua nekö i gote hnei nyipëti hna hamë ni, mate tro ni a ce madine me ite sineng; nge kolo pete hi a traqa la nekö i nyipëti celë, lo ate apatene la ite ewekë i nyipë kowe la ite föe ne gojeny, nge ase hë nyipëti humuthe thatraqai nyëne la nekö i kau ka pipixenyë.”

Tune la neköne haetra, drei la itre atr ka icilekeu, ngo kolo pe a hnime me utipine la itre atr ka ngazo? Hapeu, thaa itretre cinyihane kö me itre Faresaio? Ame laka sa jë Iesu jëne la ceitune celë, ke, hnene laka, angatre a wesitre pine Iesu ce xeni me ithahnata lapaa kowe la itre ka ngazo; haawe, kola mama laka, angatre hi la ka nyihatrene la neköne haetra.

Iesu a umuthe la ceitune i nyidrë hnene la itre trenge ewekë ne la keme kola hape: “Nekönge fe, eö pala hi la theng, nge ite ewekë i ’ö la nöjei ewekëng’ asë. Ijiji shë troa madine me aciacin; ke dei la jini ’ö qa hna mec, nge mele hmaca ha; nge hna pat, nge dei hmaca ha la.”

Thaa Iesu kö a fe amamane la hna troa kuca hnene la neköne haetra. Atre hi së laka, thupene la meci Keriso memine la melehmaca i nyidrë, ke, “kösaue la nöjei ate huj’ a hane kapa la lapaun;” maine jë troa hetrenyi fe thei angatr, la itre xaa ka drei nyidrë enehila, ka hane sine la elapane la “neköne haetra.”

Ngo hapeue la hneijine së, drei la hna nyihatrene hnene la lue nekön? Kola qaja la itre atr ka atrepengöne la itre aja i Akötresie, ene pe aijijë angatre jë troa alolone la aqane imelekeu i angatre me Nyidrë. Kola nyihatrene hnene la neköne haetra la itre xaa atrene la “hnënge mamoe ka xalaithe,” qa ngöne la “ekalesia ite haetra, lo hna cinyihan’ e hnengödrai.” Hnene la itre keresiano cili hna ujë tune la neköne haetra. Thaa madrine kö angatre kowe la ketre caa lapa i itre ka troa mele e celë fen, ene lo hna hëne ka hape “ite xa mamoe,” ke, angatre a mekune laka kola xome la göhnë i angatr.

Nge ame la neköne ka mejengön, ke, nyëne a nyi hatrene la itre xaa atr ka tro trije la nöje i Akötresie me thele la itre madrine ne fen. Ngo thupene lai, angatre a ietra, me bëeke hmaca koi Akötresie, me caasi hmaca memine la itre hlue i Nyidrë ka catre huliwa. Eje hi laka, Tretretroti a amamane la ihnimi Nyidrë kowe la itre atr ka wangatrehmekune laka, nyipi ewekë tro Akötresieti a senge la itre ngazo i angatr, nge kolo fe a canga bëeke koi Nyidrë. Luka 15:11-32; Levitiko 11:7, 8; Ite Huliwa 6:7; Luka 12:32; Heberu 12:23; Ioane 10:16.

▪ Iesu a qaja koi drei la ceitune celë, nge pine nemen?

▪ Drei la atr hna qeje pengöne atrune ngöne la ceitun, nge nemene la ewekë ka traqa koi nyën?

▪ Drei la hna nyihatrene hnene la kem, me neköne ka co ngöne la hneijine i Iesu?

▪ Tune kaa la aqane nyitipune hnei Iesu la keme ka utipine ngöne la ceitun?

▪ Tune kaa la aqane ujë ne la neköne haetra ngöne la kola kapa la trejine me angeic, nge pine nemene matre ijije tro së a qaja ka hape angetre Faresaio a ujë tui nyën?

▪ Nemene la aliene la ceitune i Iesu kowe la hneijine së?