Ka Mele Nyipici Iobu Ngöne La Itupath

Ka mele Iobu e Uza ngöne lo ijine kola thahluë angetre Isaraela e Aigupito. Ngacama tha atre Isaraela kö Iobu, ngo ame pe, ka catre mele nyipici angeic koi Iehova. Lapa ka tru la lapa i angeic, trenamo angeic, nge ketre atr ka tru angeic ngöne la nöje i angeic. Hna hai angeic, ke, ka atreine eamo nge tha ka ië hnahnime kö ngöne la kola iameköti. Ka mekune angeic la itre ka puafala memine lo itre ka aja ixatua. Iobu la ketre atr ka mele nyipici.

Hnei Iobu hna amamane ngöne la mele i angeic laka, ka tru Iehova koi angeic

1:8-11, 22; 2:2-5

• Öhne hnyawa hi Satana la aqane mele nyipici hnei Iobu. Xele catre Satana tro Iobu a drengethenge Iehova; ngo angeice pe jelengazone la itre aja ka eje thei Iobu

• Satana a silitrengathoi Iobu, ka hape, angeic a nyihlue i Iehova göi thupen

• Hnei Iehova hna nue Satana troa tupathi Iobu, matre troa hetre nyine sa koi Satana. Celë hi matre, kola traqa tretr la itre hulö ngöne la nöjei götrane ne la mele i Iobu

• Ame hi lai Satana a tupathe la aqane mele nyipici Iobu, ke, kolo fe hi lai a tupathe la aqane mele nyipici ne la nöjei atr asë

• Tha hnei Iobu kö hna kuca la ngazo, maine upezö Akötresieti pena la nöjei hulö ka traqa koi angeic