INI 6

Troa Xomi Ini Qa Hnine La Xötr

Ioane 10:33-36

MEKUN KA TRU: Tha tro kö a e hmekuje hi la ketre xötr, me tro kowe la ketre ini. Loi e troa mama kowe la itre atr la mekun ne la xötr, memine la ini hna troa ithanatan.

AQANE TROA KUCA:

Xome jë la itre hnaewekë ka tru. Thupene la kola ase e la xötr, pane amexeje jë la itre hnaewekë ka ce tro memine la ini. Loi e troa anyimua qaja la itre hnaewekë cili, me hnying matre xatuane la itre atr troa öhne la mekune ka tru.

Ka loi troa qaja la itre xaa hnaewekë matre troa amamane hnyawa la ini e hnine la xötr. Ngo loi e tro la itre atr a trotrohnine laka, ka ce tro palahi la itre hnaewekë cili memine la hna ce ithanatan.
Amexeje jë la ini ka tru. Maine hetre nyipi kepine matre kola troa e la ketre xötr, xome jë la itre hnaewekë ka troa qejepengöne la kepine cili.

Ame la kola ce ithanatane la xötr, loi e tro palahi a fe Tusi Hmitrötr. Tro ha mama, laka, caasi hi la itre hnei epuni hna qaja memine la xötr ne la Tusi Hmitrötr.
Loi e troa canga mama la ini. Tha tro kö a qaja la itre ithuemacanyi ka tha nyipiewekë kö. Thele jë la aqane troa huliwane la itre hna atre hë hnene la itre atr, matre troa canga mama la ini.