INI 13

Enyipiewekëne La Ini

Ite Edomë 3:21

MEKUN KA TRU: Amamane jë la enyipiewekëne la ini, kowe la itre atr. Qaja jë la aqane troa kuca.

Troa mekune la itre atr. Mekune jë la kepin, matre nyipiewekë tro la itre atr a kapa la itre ithuemacanyi hna tro fë, memine la eloine koi angatr.
Amamane jë la nyine tro angatr a kuca. Loi e qaja hnene la itre atr, ka hape, ‘Thatraqai ni hnyawa hi la mekune celë.’ Amamane jë la aqane troa melëne la itre mekune ka tru. Loi e troa qaja mekötine la mekun, ngo tha tro kö a cilicilithenge.

Amamane hnyawa jë la aqane troa trongëne la itre trepene meköti ne la Tusi Hmitrötr. The upezö angatre kö. Acatrene jë la ihnimi me lapaune i angatr, matre tro angatr a catre nyihlue i Iehova.