INI 1

Aqane Troa Nyiqane Ithanata

Itre Huliwa 17:22

MEKUN KA TRU: Troa ahlëne la aja ne la itre atr, me nyiqane ithanata. Tro fe a amamane la kepin matre nyipiewekë tro la itre atr a dreng.

Ahlëne la aja. Troa hnëkëne la ketre hnying, maine ketre ceitun, maine ketre jole hna pi ithanatane hnene la itre atr.

Ame la easa hnëkë, loi e troa canga mekune la itre jole hna pi ithanatane hnene la itre atr. E cili, tro sa eköthe la nyine tro sa qaja.
Nyiqane ithanata. Troa canga mama kowe la itre atr la hna troa ithanatan, memine la kepin matre easa ithanatane la mekune cili.
Amamane la enyipiewekëne la hna ithanatan. Loi e troa ihmeku la mekun memine la aja ne la itre atr. Troa canga mama koi angatre la eloin.

Ame ngöne la kola hnëkë troa cile fë cainöj, isa hnyinge jë ka hape, ‘Nemene la itre jole hna cile kow hnene la itre trejin?’ Thupene lai, hnëkë jë troa sa thenge la aja i angatr.