INI 2

Aqane Troa Ithanata

2 Korinito 2:17

MEKUN KA TRU: Loi e troa lualai me keukawa hnine la aqane ithanata. Tro ha canga mama la aja së troa ithanata kowe la itre atr.

Troa hnëkë hnyawa me thith. Sipo ixatua jë koi Iehova troa lapa mekune la maca. Loi e troa canga mama la itre mekun hna troa ithanatan. Loi e tro fe a qaja la itre mekun, ngo tha tro kö a e la ipepa.

Maine kola troa e la ketre xötr maine ketre mekun qa hnine la ketre itus, canga hnëkë jë. Loi e troa e hnyawa la itre hna qaja hnei itre xan. Tha tro kö a sasaithi tulu palaha la aqane e.
Troa keukawa hnine la itre trengewekë. Tha tro kö a thëthëhmine la eloine la maca kowe la itre atr. Loi e troa meku angatr. Ketre, loi e troa mama ngöne la aqane ujë me iqëmeke së laka, easa pi xatua angatr.

Tha ceitu kö la troa cainöj memine la troa porotrik. Loi e tro palahi a metrötrëne me wangatrune la maca. Ketre, maine easa ajane troa trotrohni së, loi e troa ithanata hnyawa.
Troa goeëne la itre atr. Troa goeëne la atr cememine la metrötr. Ame la kola cile fë cainöj, loi e troa goeëne la ketre matre ketre.