Aqane Troa Huliwane La Itre Xötr

Mataio 22:41-45

MEKUN KA TRU: Nyipiewekë troa hnëkëne la atr, qëmekene troa e la xötr.

AQANE TROA KUCA:

• Thele jë la kepin matre kola e la xötr. Maine kola troa e la ketre xötr, loi e tro la itre atr a atre la itre mekune ka tru hna troa ce ithanatan.

• Acatrene jë la mekun hnei Tusi Hmitrötr. Ame la kola ithanata memine la atr ka mejiune koi Akötresie, loi e troa mama laka, Wesi Ula i Akötresieti la Tusi Hmitrötr. Eje hi la ka hamë inamacane koi së.

• Troa thue aja troa e la xötr. Qaja jë la ketre hnying hna troa sa hnei Tusi Hmitrötr. Ithanatane jë la ketre jol, nge amamane jë la aqane tro Tusi Hmitrötr a nyinyine la jol. Xome jë la ketre ceitun qa hnine la Tusi Hmitrötr matre qejepengöne la ketre trepene meköt.