INI 10

Troa Saze Aqane Ithanata

Ite Edomë 8:4, 7

MEKUN KA TRU: Ijije hi troa amamane la itre ini ka tru, ngöne la kola saze aqane ithanata. Troa saze la ecatren maine edraiën maine pena enyimenyimen.

AQANE TROA KUCA:

Troa saze la ecatrene la aqane ithanata. Ijije hi troa ithanata catr, matre troa amamane hnyawa la itre mekune ka tru, me thue aja kowe la itre atr troa ithanata. Nyipiewekë fe troa ithanata catr ngöne la kola ihaji maine iameköti e hnine la Tusi Hmitrötr. Maine kola hnehengazo la atr maine xou pena, loi e troa ithanata hmidra.

Tha tro kö a ithanata catr, wanga hape jë, kola wesitrë angatr. Tha tro kö a pi mama ngöne la aqane ithanata.
Troa saze la nine ithanata. Troa ithanata catr maine kola qaja la etrune la madrin, me eqeane me enanyine la ketre ewekë. Tha tro kö a catr ngöne la kola qeje akötr maine hna hnehengazon pena.
Troa saze la enyimenyimen. Qaja nyimenyimëne jë la kola elitrauje la madrin. The ithanata nyimenyime kö ngöne la kola hamë ini ka tru.

The a ca tro saze kö la enyimenyimen, wanga iasesëkötrë jë. The ithanata nyimenyime kö, wanga qaja triane jë la hnaewekë.