Maine aja i epun troa atre hnyawa la itre ini celë

Troa Imprimer

Ce wange ju memine la ketre Temoë Iehova: Sipone jë kowe lai atr ka hamë epun lai boroshür troa ce ithanatan me epun la itre ini qa hnine la Tusi Hmitrötr, maine pena nyialiene jë la pepa ne sipo ngöne la site, jw.org.

PANE GÖTRAN

E jë la paragaraf, itre hnying hna nyihan (A) me itre xötr (B) ka acatrene la itre mekun ka tru. Ame la itre xaa xötr, ke, nyine troa e.

HNAALUENE GÖTRAN

Ame ngöne la itre nyine Troa Ce Ithanatan (C), kola qaja la itre mekun hna troa ce wang, nge ame la itre neköi tane ka co (D) ej a amamane la itre mekun ka tru. E jë la itre xötr, sa jë la itre hnying, nge goeëne jë la itre video (E).

Wange ju fe la itre iatr, me itre mekun ka qejepengön (F), nge thele jë troa sa la itre hnying ngöne lo götran hna hape, Hne Së Hna Majemine Dreng (G).

Kola mama la F me G ngöne la hnaaluene götran.

HNAAKÖNINE GÖTRAN

Ame lo götran hna hape, Hane Hi La Hne Së Hna Ce Wang me Nyine Amekunën (H) ke, ej a amekunëne hmaca la itre ini. Makëne ju la drai ne afenesine epun la meken. Ame ngöne lo götrane hna hape, Nyine Tro Ni a Eatrën (I) kola upi epun kowe la itre ewekë nyine tro epun a thel troa hane traqa kow. Ame lo götran Itre Xaa Nyine Wang (J) kola upi epun troa e maine goeën la itre xaa ithuemacany.

Kola mama la A, B, me C ngöne la Tusi Hmitrötr.

Aqane troa thele la ketre xötr qa hnine la Tusi Hmitrötr

Ame ngöne la Tusi Hmitrötr, hetre ëjene la tus (A), me mekene tus (B), me xötr maine itre xötr (C). Ka tune la Ioane 17:3, ej a qaja la tusi Ioane, mekene 17, xötre 3.