Pengöi Iesu Me Itre Thiina i Nyidrë

Ame la easa e la hnei Iesu hna qaja me kuca e celë fen, celë hi la ka easenyi së koi nyidrë me Iehova. Nemene la itre thiina cili? Nge tro sa nyitipu Iesu tune kaa?

1. Pine nemene matre ame Iesu ke, hnaiji Keme i nyidrë?

Itre macatre ne ce mele Iesu memine la Keme i nyidrë e koho hnengödrai, matre nyimutre la itre ini hnei nyidrë hna kapa qaathene la Keme i nyidrë. Celë hi matre nyidrëti a nyitipune la aqane mekun, me aqane ujë ne la Keme i nyidrë. (E jë la Ioane 5:19.) Matre, tha sesëkötre kö së la nyidrëti a qaja ka hape: “Ame la atre öhnyi ni, ketre öhne fe hë angeic la Kem.” (Ioane 14:9) Maine tro epuni a inine hnyawane la pengöi Iesu, tro fe hë epuni a atre Iehova hnyawa. Kola ketri Iesu la nyidrëti a goeëne la itre atr e akötr, tui Iehova fe.

2. Tune kaa la aqane amamane Iesu ka hape, nyidrëti a hnimi Iehova?

Öni Iesu: “Ngo matre tro la fen a atre laka, ka hnimi Kakati ni, eni hë a kuca la hnei Kakati hna amekötine koi ni.” (Ioane 14:31) Ame lo Iesu e celë fen, hnei nyidrëti hna idrengethenge, ngacama tha ka hmaloi kö pine la ihnimi nyidrë koi Iehova. Tru la madrine i Iesu troa qeje Keme i nyidrë kowe la itre xan, me xatua angatr troa tro koi Nyidrë.—Ioane 14:23.

3. Tune kaa la aqane amamane Iesu ka hape, ka hnim nyidrë la itre atr?

Öni Tusi Hmitrötr ka hape, ame Iesu, ‘ka easenyi catre nyidrë kowe la itre atr.’ (Ite Edomë 8:31) Hetre aja i nyidrë troa ithuecatre kowe la itre atr, me xatua angatr. Celë hi kepin matre nyidrëti a kuca la itre iamamanyikeu, ke, akötre koi nyidrë troa goeëne la itre atr e hleuhleu. (Mareko 1:40-42) Ka lolo thiina nyidrë, nge tha ka ië hna hnimi kö. Nyidrëti a akeukawane la hni ne la itre atr ka drei nyidrë, me hamë mejiune koi angatr. Pine laka, tru la ihnimi nyidrë kowe la nöjei atr, matre hnei nyidrëti hna kapa troa akötr me mec. Nge the qaja palaha la itre atr ka drengethenge la itre ini nyidrë.—E jë la Ioane 15:13, 14.

TROA CE ITHANATAN

4. Ihnimi Iesu kowe la Keme i nyidrë

Hnei Iesu hna amamane koi së la tulu göi troa hnimi Akötresie. E jë la Luka 6:12 me Ioane 15:10; 17:26. Nge thupene la hna e la itre xötr, ce ithanatane jë cahu hnying:

• Nemene la itre aqane tro sa amamane ka hape, easa hnimi Iehova?

6. Ka hame lae Iesu

Tha tru fe kö hnei ewekë i Iesu, ngo ka hame catre nyidrë, nge nyidrëti a ajan tro sa nyitipu nyidrë. E jë la Itre Huliwa 20:35, nge ce ithanatane jë cahu hnying:

• Ame koi Iesu, ke, nemene la ka hamë madrine koi së?

Goeëne jë la VIDEO, nge ce ithanatane jë cahu hnying:

VIDEO: “Sisitria Kö La Madrin Ne La Atre Ham”—Extrait (4:00)

• Ngacama tha tru kö la hne së hna hetreny, tune kaa la aqane tro sa ham?

Atre fe hi epun?

Öni Tusi Hmitrötr, troa thithi koi Iehova jëne Iesu. (E jë la Ioane 16:23, 24.) Ame la easa thithi tune lai, ke, easë hi lai a amamane ka hape, ame la ka aijijë easë troa nyisinee i Iehova ke, Iesu.

HANE HI LA HNE SË HNA CE WANG

Ceitune hi la aqane hnimi Iehova memine la itre atr hnei Iesu. Maine tro sa atre Iesu hnyawa, tro fe hë së a atre Iehova.

Nyine Amekunën

• Tro sa amamane tune kaa la ihnimi së koi Iehova, tui Iesu?

• Tro sa amamane tune kaa la ihnimi së kowe la itre atr, tui Iesu?

• Nemene la thiina i Iesu ka ketri epuni catr?

ITRE XAA NYINE WANG

Itre thiina i Iesu nyine tro sa nyitipun.

“Nyitipu Iesu Jë Troa . . .” (Iesu La Gojeny, Me Nyipici, Me Mel, götrane 317)

Pine nemene matre nyipiewekë troa thith jëne Iesu?

“Pourquoi prier au nom de Jésus ?” (Ita Ne Thup 1 Febuare 2008)

Ame koi Tusi Hmitrötr, ka tune kaa lae Iesu?

“À quoi ressemblait Jésus ?” (Itus jw.org)

Nemene la aqane ujë i Iesu kowe la itre föe?

“Respect et dignité—deux exigences de Dieu” (Ita Ne Thup 1 Semitrepa 2012)