Itus Ka Hekö Thatraqai Së Enehila
Alanyimu la itre atr enehila ka metrötrëne la Tusi Hmitrötr, ke, ketre itus ne hmi. Ngo, tha eje hmekuje kö a amamane la aqane troa hmi koi Akötresie. Eje mina fe a hamëne la itre eamo ka troa xatua së ngöne la nöjei drai.
Hanawange la hna qaja hnene la itre atr ka kepe thangane la hna e Tusi Hmitrötr, me trongëne ngöne la mele i angatr.
“Lolo hë la meleng. Nge, kolo fe a lolo trootro la mekunang me aliene hning. Madrine catre ni.”—Fiona.
“Hnenge hna ini Tusi Hmitrötr, matre hetre aliene hë la meleng.”—Gnitko.
“Saze catre hë la meleng. Ame enehila, co pe hi la itre ijine eni a huliwa, matre hetre ijinenge hë troa ce lapa memine la hnepe lapang.”—Andrew.
Nyimutre catre kö la itre atr ka kepe thangane la hna e Tusi Hmitrötr. Ame e cailo fen, alanyimu la itre ka jelenyipicine laka, Tusi Hmitrötr a xatua së ngöne la nöjei götrane la mele së.
Hanawange la aqane tro la Tusi Hmitrötr a xatua së matre troa lolo la . . .
Ngönetrei së
Mekuna së
Aqane imelekeu së: fami me sinee
Aqane huliwane së la manie
Aqane imelekeu së me Akötresie
Tro la itre tane mekune ka troa xulu a amamane koi së laka, qaathei Akötresie la Tusi Hmitrötr, nge ej a xatua së ngöne la nöjei götrane la mele së.