IXATUA KOWE LA KA HNEHENGAZO
Epuni Kö a Hnehengazo?
“Nyipici laka, ka hnehengazo asë hi la itre atr, ngo ame ni, ke, ka jole pala ha. Tha hnene kö la ketre jol ka tru, ngo hnene laka, nyimu macatre ne xomihnine ni la meci ne la föi eni. Sine wezipo nyidrë, nge ka kucakuca catr.”—Jill.a
“Hna nuetriji ni hnene la föeng, nge eni pë hë la ka hiane casine la lue nekö i nyio. Tha ka hmaloi kö. Ketre, pëhë huliwang, nge thatreine hë ni troa nyihnyawane la lotong. Thatre kö ni la nyine troa kuca. Eni a hnehengazo. Atre hi ni laka, ka ngazo la troa hnöjua. Ame hnenge hna sipo Akötresie troa xome la meleng.”—Barry.
Hapeu, hna traqa fe koi epun la hnehengazo tui Jill me Barry? Maine eje hi, tro la itre tane mekun ka troa xulu a akeukawane la hni epun, me hamë ixatua. Tro sa ce wang la itre kepin matre easa hnehengazo, me aqane mama the së la hnehengazo, memine la itre xaa nyine tro sa kuca ngöne la kola traqa koi së la hnehengazo.
a Hna saze la itre ej.