Nemene La Hnehengazo?

Kola mama ngöne la ngönetrei së la easa hnehengazone la ketre ewekë. Atuat a upe la itre hormones kowe la itre igötranene la ngönetrei. Kola mano catre la wenethëhmi, me elë maine uti la tasio, me hmanono, nge kösë kola catre la itre xaa hnepe igötranene la ngönetrei. Qëmekene tro sa trotrohnine la ewekë ka traqa, canga drenge hë ngönetrei. Ame e thupen, kolo hmaca ha lolo trootro la ngönetrei së.

HNEHENGAZO—THANGANE ME ETHAN

Hetre thangane la troa hnehengazo, ke, kola hnëkë së troa qëmeke kowe la ketre jol. Kola nyiqaane ngöne la atuat. Nge, kola xatua së troa canga axecië mekun. Ame la easa hnehengazo catr, tre, kolo fe a xatua së troa eatrëne la itre aja së, maine hun ngöne la itupath ngöne hna ini, maine ithanata göi troa huliwa, maine ngöne la easa kuci spor.

Ngo, e traqa qea la ijine hnehengazo, me catr, tro lai a hetre ethan kowe la mele së. Maine ka hlë hmek palahi la ngönetrei, tro ha kucakuca la ngönetrei, me hni, me mekun. Tro la aqane ujë së a saze, memine la aqane goeëne së la itre xan. Maine qea la ijine hnehengazo la atr, tro hë angeic a thele kahaitr, me xomi dorog, me iji drösinöe menu, me xeni atrun, me ufi sixa maine itre xaa hna majemine ka ngazo. Tro lai a tro xomi angeic kowe la itre xaa sine mec, tune la meci fë mekun (dépression), maine burn-out (kucakuca la mekun), maine hnöjua.

Eje hi laka, tha ceitune kö la aqane hnehengazo la itre atr. Ngo, jëne lai, kola fetra la itre xaa sine mec. Nge, kola ketr la nöjei götrane la ngönetrei së.