Itre Hnying Thatraqane La Ini Ne La Itus Trenge Edromë Qa Hnin La Tusi Hmitrötr

Edromë 1

Kola Nyiqaane Xup Hnei Akötresie

1. Drei la qaane la nöjei ewekë asë ka loi, nge ijije kö tro nyipunieti a hamëne la ketre ceitun?

2. Nemene la ewekë hna xupe panën hnei Akötresie?

3. Nemen la eketrepengönen la pane angela?

4. Qaja jë la pengön la ihnadro ngöne la qaan. (Wange ju la iatr.)

5. Tune kaa la aqane hnëkëne hnyawa Akötresieti la ihnadro thatraqane la itre öni memine la itre atr?

Itre xaa hnying:

1. E jë la Ieremia 10:12.

   Nemene la itre thiina i Akötresie ka mama jëne la itre hnei Nyidrëti hna xup? (Is. 40:26; Rom. 11:33)

2. E jë la Kolose 1:​15-​17.

   Nemene la aqane nue huliwa koi Iesu hnei Iehova ngöne lo ijine kola xupe la itre ewekë, nge tune kaa la aqane troa ketri së hnene la aqane ce huliwa cili? (Kol. 1:​15-​17)

3. E jë la Genese 1:​1-​10.

   1. Hnei drei matre hetrenyi pi la ihnadro? (Gen. 1:1)

   2. Nemene la ka traqa ngöne la pane drai ne kola xupe la itre ewekë? (Gen. 1:​3-5)

   3. Qaja jë la ewekë ka traqa ngöne la hnaaluene drai ne kola xupe la itre ewekë. (Gen. 1:​7, 8)

Edromë 2

Ketre Hnehlapa Ka Mingöming

1. Tune kaa la aqane hnëkëne Akötresie la ihnadro matre hetre nyine hnë tro sa mel?

2. Ame ngöne lai iatr, tre itre öni lai hnei Akötresie hna xup, itre nemene öni lai nge ijetre lai etrun? (Wange ju la iatr.)

3. Pine nemen matre ka ketre pengöne kö la hnehlapa e Edena?

4. Nemene la aja i Akötresieti kowe la fen asë?

Itre xaa hnying:

1. E jë la Genese 1:​11-​25.

   1. Nemene la hnei Akötresieti hna xup ngöne la hnaakönine drai? (Gen. 1:​12)

   2. Nemene la ewekë ka traqa ngöne la hnaafoane drai ne kola xupe la itre ewekë? (Gen. 1:​16)

   3. Nemene pengöne öni la hnei Akötresieti hna xupe ngöne la hnaafaifine me hnaasikisine drai? (Gen. 1:​20, 21, 25)

2. E jë la Genese 2:​8, 9.

   Nemene la lue sinöe ka ketre pengöne hnei Akötresieti hna traan ngöne la hnehlapa, nge nemene la hna nyi hatren hnene lue ej?

Edromë 3

Pane Atr Trahmanyi Me Föe

1. Nemene la eisapengönene la iatr ngöne la Edromë 3 memine la iatr ne la Edromë 2?

2. Drei la ka xupe lo pane atr, nge drei lo ëje i angeic?

3. Nemene la huliwa hnei Akötresieti hna upi Adamu troa kuca?

4. Nemene kepine la Akötresieti a pane ameköle Adamu?

5. Hapeu hna sa tulune hi la mele i nyidro, nge nemene la huliwa hnei Iehova hna ajan tro nyidroti a kuca?

Itre xaa hnying:

1. E jë la Salamo 83:18.

   Drei la ëje i Akötresie, nge nemene la pengön la etru i Nyidrëti hune la ihnadro? (Iere. 16:21; Dan. 4:​17)

2. E jë la Genese 1:​26-​31.

   1. Nemene hë la pune la xupi ewekë i Akötresie ngöne la hnaasikisi ne drai, nge nemene la eisapengönene lai memine la itre öni? (Gen. 1:​26)

   2. Nemene la hnei Iehova hna hnëkëne thatraqane la itre atr memine la itre öni? (Gen. 1:​30)

3. E jë la Genese 2:​7-​25.

   1. Nemene la pengöne hnëqa hna hamëne koi Adamu, göne la itre öni? (Gen. 2:​19)

   2. Tune kaa la aqane troa xatua së hnene la tusi Genese 2:​24, matre troa trotrohnine la mekune i Iehova göi faipoipo, göi isa lapa, me göi sei hna cil? (Mat. 19:​4-6, 9)

Edromë 4

Kepin Matre Kola Upe Triji Nyidro

1. Ame ngöne la iatr, nemene la ewekë ka traqa koi Adamu me Eva?

2. Pine nemen matre ëji nyidroti pi hnei Iehova?

3. Nemene la hna qaja koi Eva hnene la ketre un?

4. Drei la ka löth la un matre troa ithanata koi Eva?

5. Pine nemen matre hna aluuzine hnei Adamu me Eva la Paradraiso?

Itre xaa hnying:

1. E jë la Genese 2:​16, 17 me 3:​1-​13, 24.

   1. Tune kaa la aqane nyi engazo Iehova hnei Satana ngöne lo angeic a hnying koi Eva? (Gen. 3:​1-5; 1 Ioane 5:3)

   2. Nemene la aqane hmekë së hnene la tulu i Eva? (Fil. 4:8; Iako. 1:​14, 15; 1 Ioane 2:​16)

   3. Tune kaa la aqane iupekeun la zön hnei Adamu me Eva la ngazo i nyidro? (Gen. 3:​12, 13)

   4. Tune kaa la aqane cilë göline hnene la itre kerubi la musi cile i Iehova e kohië ngöne la hlapa e Edena? (Gen. 3:​24)

2. E jë la Hna Amamane 12:9.

   Tune kaa la aqane eatre la mekune i Satana, ene la troa ujëne la itre atr matre tro angatr a icilekeu memine la mus i Akötresie? (1 Ioane 5:​19)

Edromë 5

Traqa Ha La Akötr

1. Nemene hë la pengöne la mele i Adamu me Eva e tröne la hnehlapa e Edena?

2. Nemene hë la itre ewekë ka pane traqa koi Adamu me Eva, nge pine nemen?

3. Pine nemen matre kola troa qatre trootro fe me meci la itre xötre nekö i Adamu me Eva?

4. Maine hnei Adamu ju me Eva hna drengethenge Iehova, tro ha tune kaa la mele i nyidroti me itre nekö i nyidro?

5. Tune kaa la aqane traqa koi Eva la akötr qa ngöne la hnei angeic hna thaa drengethenge?

6. Drei la lue ëjen la lue pane nekö i Adamu me Eva trahmany?

7. Drei cahu itre xaa nekönatr ngöne la iatr?

Itre xaa hnying:

1. E jë la Genese 3:​16-​23 me 4:​1, 2.

   1. Nemene la pune koi Adamu thupene la hna ëjine la dro? (Gen. 3:​17-​19; Rom. 8:​20, 22)

   2. Pine nemene matre ame la ëje i Eva, tre, ka ihmeku hnyawa kö memine la aliene ej lo hna hape “ka mel”? (Gen. 3:​20)

   3. Tune kaa la aqane wanga atrunyi Adamu me Eva hmaca hnei Iehova ngacama hnei nyidroti hna ena la wathebo i Nyidrë? (Gen. 3:​7, 21)

2. E jë la Hna Amaman 21:​3, 4.

   Nemene la “ite ewekë hnapan” hne së hna treqene ka troa paatr elany?

Edromë 6

Lue Trahmany Caa Ka Loi Thiina Nge Caa Ka Ngazo

1. Nemene la itre huliwa hna kuca hnei Kaina me Abela?

2. Nemene la itre ahnahna hna traqa fë koi Iehova hnei Kaina me Abela?

3. Pine nemen matre hna kapa madrin hnei Iehova la huuje i Abela, nge nemene kepin matre thipetrije ju pë hë la huuje i Kaina?

4. Nemene la pengö i Kaina, nge tune kaa la aqane thele Iehova troa haji angeic?

5. Nemene la hnei Kaina hna kuca ngöne lo angeice caasi pe hi memine la jini angeic ngöne la hlapa?

6. Qaja jë la ewekë ka traqa koi Kaina thupene la hnei angeic hna humuthe la trejine me angeic.

Itre xaa hnying:

1. E jë la Genese 4:​2-​26.

   1. Tune kaa la aqane qaja Iehova la mekune ka ngazo ka eje thei Kaina? (Gen. 4:7)

   2. Tune kaa la aqane amamane Kaina la mekune ka eje e kuhu hni angeic? (Gen. 4:9)

   3. Nemene la mekuna i Iehova göne la itre atr ka anenine la madra ne la ketre atr ka pëkö ngazo hna kuca? (Gen. 4:​10; Is. 26:21)

2. E jë la 1 Ioane 3:​11, 12.

   1. Pine nemen matre kola kökötre atraqatre trootro la elëhni i Kaina, nge kolo lai a hmekë së enehila troa u? (Gen. 4:​4, 5; Ite edomë 14:30; 28:22)

   2. Tune kaa la aqane amamane hnei Tusi Hmitrötr laka ngacama kola icilekeu asë la itre atrene la hnepe lapa koi Iehova, ngo atreine hi tro sa cile catr ngöne la lapaun? (Sal. 27:10; Mat. 10:​21, 22)

3. E jë la Ioane 11:25.

   Nemene la ewekë ka xecie hnyawa hnei Iehova hna qaja göne la itre atr asë ka meci pine la thiina ka meköt? (Ioane 5:​24)

Edromë 7

Ketre Atr Ka Catre Kuca La Loi

1. Hnei nemene matre ketrepengöne pi pe hi Enoka?

2. Pine nemen matre kola kuca la itre ewekë ka ngazo hnene la itre atr ngöne la hneijine i Enoka?

3. Nemene la itre ewekë ka ngazo hna kuca hnene la itre atr? (Wange ju la iatr.)

4. Pine nemen matre nyipi ewekë troa catr hnei Enoka?

5. Ka mele aqeany lo itre atr ngöne lo hneijine i Enoka, ngo traqa fe hi Enoka koi ije macatre?

6. Nemene la ka traqa thupene la hna meci hnei Enoka?

Itre xaa hnying:

1. E jë la Genese 5:​21-​24, 27.

   1. Nemene la pengöne aqane imelekeu i Enoka me Iehova? (Gen. 5:​24)

   2. Thenge la hna qaja hnei Tusi Hmitrötr, drei la ëjen la atr ka mele aqeanyi ekö e celë fene hnengödrai, nge ije macatre i nyidrë ngöne lo nyidrëti a mec? (Gen. 5:​27)

2. E jë la Genese 6:5.

   Tune kaa la pengöne la itre ewekë ka traqa e celë fen, thupene lo hna meci hnei Enoka, nge ceitune kö lai memine la hneijine së? (2 Tim. 3:​13)

3. E jë la Heberu 11:5.

   Nemene la thiina i Enoka ka “amadi Akötesie,” nge nemene la thangane lai? (Gen. 5:​22)

4. E jë la Iuda 14, 15.

   Tune kaa la aqane tro la itre Keresiano ngöne la hneijine së enehila a xötrethenge la aqane catre i Enoka, matre hetre trenge catre i angatr troa thuemacan la itre atr, ka hape, hmeke jë, isi Amagedo hë calemi? (2 Tim. 4:2; Heb. 13:6)

Edromë 8

Itre Hmae Ka Hoea e Celë Fen

1. Nemene la ka traqa ngöne la kola drei Satana hnene lo itre xaa angela i Akötresie?

2. Pine nemen matre kola nue trije hnene la itre xaa angela la itre götrane qa i angatr e koho hnengödrai me uti a tro celë fen?

3. Pine nemen matre thaa loi kö kowe la itre angela troa uti fen eë me xomi ngönetrei ne atr pena ha?

4. Ka tune kaa la itre nekön la itre angela?

5. Tune la hne së hna goeëne ngöne la iatr, nemene la hna kuca hnene la itre neköne la itre angela ngöne la angatr a tru nge kola hoea la itre hmae i nyudren?

6. Thupe i Enoka, drei la atr ka loi thiina ka mele ekö e celë fen, nge pine nemen matre kola hnimi angeice hnei Akötresie?

Itre xaa hnying:

1. E jë la Genese 6:​1-8.

   Nemene la hna amamane hnene la tusi Genese 6:6 ngöne la aqane tro la thiina së a akötrëne la hni Iehova? (Sal. 78:​40, 41; Ite edomë 27:11)

2. E jë la Iuda 6.

   Tune kaa la aqane “tha cile huti [la itre angela] ngöne la aqane joxu angat” ngöne lo hneijine i Noa, a nyine troa thuemacanyi së hmaca enehila? (1 Kor. 3:​5-9; 2 Pet. 2:​4, 9, 10)

Edromë 9

Noa a Can La Aka

1. Ala ije la itre atrene la hnepe lapa i Noa, nge drei la itre ëjene la köni nekö i nyidrë trahmany?

2. Nemene la ketre pengöne ewekë hnei Akötresie hna upi Noa troa kuca, nge pine nemen?

3. Tune kaa la aqane ujë ne la itre xaa atr ngöne la Noa a thuemacanyi angatre göne la aka?

4. Nemene la hnei Akötresieti hna upi Noa troa kuca göne la itre öni?

5. Thupene la hnei Akötresieti hna thinge la qëhnelö ne la aka, nemene la hna kuca hnei Noa memine la hnepe lapa i angeic?

Itre xaa hnying:

1. E jë la Genese 6:​9-​22.

   1. Nemene la ka amaman, ka hape, Noa la ketre atr ka catre thili kowe la nyipi Akötresie? (Gen. 6:​9, 22)

   2. Nemene la mekune i Iehova göne la iakötrë, nge tune kaa la aqane troa xatua së hnene la mekune cili ngöne la easë a iëne la itre nyine madrin? (Gen. 6:​11, 12; Sal. 11:5)

   3. Tune kaa la aqane tro sa xötrethengen la tulu i Noa ngöne la easa kapa jëne la organizasio i Iehova, la itre eamo nyine troa tro xome trongëne la mele së? (Gen. 6:​22; 1 Ioane 5:3)

2. E jë la Genese 7:​1-9.

   Nemene la ixatua hne së hna kapa enehila qa ngöne laka ame Noa, tre ketre atr ka ngazo ngo hnei Iehova hna goeë angeice ceitune me ketre atr ka meköt? (Gen. 7:1; Ite edomë 10:16; Is. 26:7)

Edromë 10

Ketre Iwë Atraqatr

1. Ame ngöne la kola nyiqaane trotro la mani, pine nemen matre pë hmaca kö ka atrein troa lö hnine la aka?

2. Ije lai me jidri ne atrotrone Iehova la mani, nge tune kaa la ejuine qa ngöne la hna elë la tim?

3. Nemene la ewekë ka traqa kowe la aka ngöne la kola nyiqaane sasaithe la itre hene wetr hnene la tim?

4. Hapeu, mele ju kö lo itre hmae ka hoea qa ngöne la iwë atraqatr, nge tune kaa pë hë lo itre keme ne lo lai itre hmae ka hoea?

5. Nemene hë la ka traqa kowe la aka thupene la faifi lao treu?

6. Pine nemen matre upe pi Noa la ketre piny qa hnine la aka?

7. Tune kaa la aqane atre Noa laka lapa uti trootro hë la tim?

8. Nemene la hnei Akötresie hna qaja koi Noa thupene la hnei angeic me hnepe lapa i angeic hna lapa hnine la aka, a caa macatre nge sin?

Itre xaa hnying:

1. E jë la Genese 7:​10-​24.

   1. Tune kaa la aqane apaatrene asë la nöjei ka mel e celë fen? (Gen. 7:​23)

   2. Ije drai ne pane kekepe la tim hune la ihnadro qëmekene troa ae trootro? (Gen. 7:​24)

2. E jë la Genese 8:​1-​17.

   Tune kaa la aqane amamane hnene la tusi Genese 8:​17 laka thaa ka saze kö la aja i Iehova kowe la fen? (Gen. 1:​22)

3. E jë la 1 Peteru 3:​19, 20.

   1. Ame ngöne lo kola bëeke hnene la itre angela hnengödrai eë, nemene la aqane xeni pune angatr la hna thaa idrei? (Iuda 6)

   2. Tune kaa la aqane acatren hnene la ewekë ka traqa koi Noa me hnepe lapa i angeic, la mejiune së koi Iehova, ene laka atreine hi Nyidrëti troa amelene la nöje i Nyidrë? (2 Pet. 2:9)

Edromë 11

Pane Lewen

1. Tune la hna amamane ngöne la iatr, nemene la hnei Noa hna pane kuca ngöne la angeic a uti pi qa hnine la aka?

2. Nemene la hnei Akötresieti hna amekötine koi Noa memine la hnepe lapa i angeic thupene lo iwë atraqatr?

3. Nemene la hna thingehnaean hnei Akötresie?

4. Ame ngöne la easë a öhne la ketre lewen, nemene la hna amekunë së hnene ej?

Itre xaa hnying:

1. E jë la Genese 8:​18-​22.

   1. Tune kaa la aqane tro së enehila a hamën koi Iehova la “ka pui loi”? (Gen. 8:​21; Heb. 13:​15, 16)

   2. Nemene la hnei Iehova hna öhn ngöne la hni ne la atr, ngo nemene la ewekë nyine tro sa hmekëne hnyawa? (Gen. 8:​21; Mat. 15:​18, 19)

2. E jë la Genese 9:​9-​17.

   1. Nemene la isisinyikeu i Iehova memine la itre xupuana i Nyidrëti e celë fen? (Gen. 9:​10, 11)

   2. Hapeue lo lai isisinyikeu göi lewen, tro ej a cile hut maine koi itre hnepe ijine hi? (Gen. 9:​16)

Edromë 12

Itre Atr a Xup La Ketre Ita Ka Draië

1. Drei lae Nimeroda, nge nemene la mekuna i Akötresieti göi angeic?

2. Ame ngöne cahu iatr, pine nemen matre xupe jë hnene la itre atr cahu itre sine dro?

3. Pine nemen matre thaa madrine kö Iehova lai xupi uma cili?

4. Hnei Akötresie hna thupatëne tune kaa la xupi ita?

5. Nemene la hna ati ëjen la traon, nge nemene la aliene la ëje cili?

6. Nemene la ewekë ka traqa kowe la itre atr thupene la hnei Akötresieti hna imenumenune la itre qene hlapa i angatr?

Itre xaa hnying:

1. E jë la Genese 10:​1, 8-​10.

   Nemene la itre aqane ujë i Nimeroda, nge kola hmekë së troa ue lai? (Ite edomë 3:​31)

2. E jë la Genese 11:​1-9.

   Nemene la kepin matre acile jë lai ita, nge pine nemen matre thaa eatrëne ju kö angatr la mekune i angatr? (Gen. 11:4; Ite edomë 16:18; Ioane 5:​44)

Edromë 13

Aberahama​—Enehmu i Akötresie

1. Nemene la aqane mele ne la itre atr ngöne la traon e Ure?

2. Drei cahu trahmany ngöne la iatr, nemene macatre la kola hnaho angeic, nge hnei angeice hna mele ekaa?

3. Nemene la hnei Akötresieti hna upi Aberahama troa kuca?

4. Pine nemen matre kola hë Aberahama, ka hape, ketre enehmu i Akötresie?

5. Drei la ka ce tro me Aberahama ngöne lo angeic a tro qaa Ure?

6. Nemene la hnei Akötresie hna ahnithe koi Aberahama ngöne la angeic a tro kowe la nöje Kanana?

7. Nemene la hnei Akötresieti hna thingehnaean koi Aberahama ngöne lo kola 99 lao macatre i angeic?

Itre xaa hnying:

1. E jë la Genese 11:​27-​32.

   1. Drei la itre xötrapane i Aberahama me Lota? (Gen. 11:27)

   2. Ngacama kola qaja, ka hape, qaathei Tera la mekun, ene la kola mejë la hnepe lapa i angeic a tro Kanana, ngo tune kaa la aqane atre së laka Aberahama la qaane la mekune cili, nge pine nemen matre axeciëne jë angeice tune lai? (Gen. 11:31; Ite hu. 7:​2-4)

2. E jë la Genese 12:​1-7.

   Nemene la pengön ka tru ne la isisinyikeu i Akötresie me Aberahama lo angeice hë e Kanana? (Gen. 12:7)

3. E jë la Genese 17:​1-8, 15-​17.

   1. Nemene la aqane saze la ëje i Aberama ngöne la nyidrëti a traqa kowe la 99 lao macatre, nge nemene kepine lai? (Gen. 17:5)

   2. Nemene la itre manathith hnei Iehova hna thingehnaean koi Sara? (Gen. 17:​15, 16)

4. E jë la Genese 18:​9-​19.

   1. Ame ngöne Genese 18:​19, Nemene la itre hnëqa hna athipe kowe la itre kem? (Deu. 6:​6, 7; Efe. 6:4)

   2. Nemene la hna kuca hnei Sara ka amaman, ka hape, thatreine kö tro sa juetrëne la ketre ewekë koi Iehova? (Gen. 18:​12, 15; Sal. 44:21)

Edromë 14

Akötresie a Tupath La Lapaune i Aberahama

1. Nemene la hna thingehnaean hnei Akötresie koi Aberahama, nge tune kaa la aqane eatrëne Akötresie lai?

2. Tune la hna amamane ngöne la iatr, nemene la aqane tupathe Akötresie la lapaune i Aberahama?

3. Nemene la hna kuca hnei Aberahama, ngacama thatre kö angeic la alien la mekune i Akötresie?

4. Nemene la ewekë ka traqa ngöne la Aberahama a xome la hele matre troa humuthe la nekö i nyidrë trahmany?

5. Tune kaa la ecatren la lapaune i Aberahama koi Akötresie?

6. Nemene la hnei Akötresieti hna hamëne nyine troa huujëne hnei Aberahama, nge tune kaa la aqane hamëne Nyidrëti lai?

Itre xaa hnying:

1. E jë la Genese 21:​1-7.

   Pine nemene matre Aberahama a peritomone la nekö i nyidrë ngöne la hna hnaaeitrene drai nyën? (Gen. 17:​10-​12; 21:4)

2. E jë la Genese 22:​1-​18.

   Tune kaa la aqane drengethenge hnei Isaaka la keme i angeic, ene Aberahama, nge nemene la ewekë ka sisitria catr ka troa traqa hna qajaqaja hnene lai? (Gen. 22:​7-9; 1 Kor. 5:7; Fil. 2:​8, 9)

Edromë 15

Föi Lota a Xei Hutrö

1. Pine nemen matre kola isa ije hnei Aberahama me Lota?

2. Pine nemen matre kola iëne hnei Lota troa mele e Sodroma?

3. Tune kaa la aqane mele ne la itre atr ne Sodroma?

4. Nemene la aqane thuemacanyi Lota hnene la lue angela?

5. Pine nemen matre alase ka cile meköti ju pë hë ifënekö i Lota?

6. Nemene la ini nyine tro sa xome qa ngöne la ewekë ka traqa kowe la ifënekö i Lota?

Itre xaa hnying:

1. E jë la Genese 13:​5-​13.

   Maine lue atr a thele nyin la jol ka eje thei nyidro, nemen la ini hne së hna troa xom qa ngöne la hna kuca hnei Aberahama? (Gen. 13:​8, 9; Rom. 12:10; Fil. 2:​3, 4)

2. E jë la Genese 18:​20-​33.

   Tune kaa la aqane troa hamë mejiune koi së hnene la itre aqane ujë i Iehova koi Aberahama, ene laka ka uthautha la aqane troa iameköti hnei Iehova me Iesu? (Gen. 18:​25, 26; Mat. 25:​31-​33)

3. E jë la Genese 19:​1-​29.

   1. Nemene la hna amamane hnene la Tusi Hmitrötr la mekuna i Akötresie ngöne la troa ce meköl hnene la lue trahmany maine lue föe pena? (Gen. 19:​5, 13; Lev. 20:13)

   2. Nemene la eisapengönene la isa aqane kapa hnei Lota me Aberahama la mus i Akötresie, nge nemene la ini hne së hna kapa qa ngöne lai? (Gen. 19:​15, 16, 19, 20; 22:3)

4. E jë la Luka 17:​28-​32.

   Nemene la aqane goeëne ifënekö i Lota la itre ewekë ne ngönetrei, nge tune kaa la aqane hmekë së hnene lai? (Luka 12:15; 17:​31, 32; Mat. 6:​19-​21, 25)

5. E jë la 2 Peteru 2:​6-8.

   Maine tro sa xome la tulu i Lota, nemene la aqane tro sa mele ngöne la fene celë ka nue triji Akötresie? (Ezek. 9:4; 1 Ioane 2:​15-​17)

Edromë 16

Ka Loi Thiina La Föe i Isaaka

1. Drei lai trahmany memine lai föe ngöne la iatr?

2. Nemene la hnei Aberahama hna kuca matre troa thele föe kowe la nekö i nyidrë trahmany, nge pine nemen?

3. Tune kaa la aqane sa hnyawa la thithi ne la hlue i Aberahama?

4. Nemene la hna sa hnei Rebeka ngöne la kola ihujë me nyidroti matre troa nyi föe i Isaaka?

5. Nemene la ka ithuemadrine i Isaaka hmaca?

Itre xaa hnying:

1. E jë la Genese 24:​1-​67.

   1. Nemene la itre thiina i Rebeka ka lolo ka mama ngöne lo angeic a traqa öhne la hlue i Aberahama ngöne la tim? (Gen. 24:​17-​20; Ite edomë 31:​17, 31)

   2. Nemene la ketre tulu ka lolo catre kowe la itre Keresiano enehila, ka mama qa ngöne la aqane thele föe i Isaaka hnei Aberahama? (Gen. 24:​37, 38; 1 Kor. 7:​39; 2 Kor. 6:​14)

   3. Pine nemen matre loi e tro sa ami ijine pala hi troa thele mekun tui Isaaka? (Gen. 24:63; Sal. 77:12; Fil. 4:8)

Edromë 17

Lue Fini Ka Isazikeu Catr

1. Drei lae Esau me Iakobo, nge nemene la eisapengöi nyidro?

2. Ije macatre i Esau me Iakobo ngöne lo kola meci hnene la qaaqa i nyidro ene Aberahama?

3. Nemene la hna kuca hnei Esau ka ahacene la hni ne la thine me keme i angeic?

4. Nemene kepine la kola elëhni atraqatr hnei Esau koi Iakobo trejine me angeic?

5. Nemene la ini hna hamën hnei Isaaka koi Iakobo nekö i nyidrë?

Itre xaa hnying:

1. E jë la Genese 25:​5-​11, 20-​34.

   1. Nemene la hna perofetane hnei Iehova göne la lue nekö i Rebeka trahmany? (Gen. 25:23)

   2. Nemene la eisapengöne la aqane ujë i Iakobo me Esau göne la edrö ne haetra? (Gen. 25:​31-​34)

2. E jë la Genese 26:​34, 35; 27:​1-​46; me 28:​1-5.

   1. Nemene la aqane mama hnyawa laka thaa hna wanga atrune kö hnei Esau la itre ewekë ngöne la götrane la ua? (Gen. 26:​34, 35; 27:46)

   2. Thenge la manathith qaathei Akötresie hna troa kapa hnei Iakobo, nemene la hnei Isaaka hna upi angeic troa kuca? (Gen. 28:​1-4)

3. E jë la Heberu 12:​16, 17.

   Nemene la hna amamane hnene la tulu i Esau göne la pune ka ngazo kowe la itre atr ka methinëne la itre ewekë ka hmitrötr?

Edromë 18

Iakobo a Tro Harana

1. Drei cahu föe hmae ngöne la iatr, nge nemene la hna kuca hnei Iakobo koi nyiidro?

2. Nemene la hna ajan troa kuca hnei Iakobo matre troa xomi Rakela nyine föe i angeic?

3. Nemene la hna kuca hnei Labana ngöne la kola traqa la drai ne faipoipo Rakela me Iakobo?

4. Nemene la mekune hna kapa hnei Iakobo troa kuca matre troa xomi Rakela nyine föe i angeic?

Itre xaa hnying:

1. E jë la Genese 29:​1-​30.

   1. Ngacama hna iaö Iakobo hnei Labana, ngo tune kaa la aqane amamane angeic la metrötre i angeic, nge nemene la aqane tro sa xome la tulu cili? (Gen. 25:27; 29:​26-​28; Mat. 5:​37)

   2. Nemene la ka mama ngöne la tulu i Iakobo laka isapengöne catr la ihnim memine la aja? (Gen. 29:​18, 20, 30; Ny. i. S. 8:6)

   3. Hnauën laka foa lao föe ka hane sine la lapa i Iakobo me hamëne thupene pe la itre nekönatr trahmanyi koi Iakobo? (Gen. 29:​23, 24, 28, 29)

Edromë 19

Hnepe Lapa i Iakobo Ka Ala Nyim

1. Drei la ëjene la itre nekö i Iakobo me Lea pane föe i nyidrë, ene lo ala sikisi lao trahmany?

2. Drei la lue ce nekö i Iakobo trahmany memine la hlue i Lea, ene Zilepa?

3. Drei la lue ce nekö i Iakobo trahmany memine la hlue i Rakela, ene Bila?

4. Drei la lue ce nekö i Rakela me Iakobo trahmany, ngo nemene la ewekë ka traqa ngöne la kola mala la hnaaluene nekönatr trahmany?

5. Hanawange cahu iatr, ije nekö i Iakobo trahmany, nge nemene la ka troa fetra qaathei angatr?

Itre xaa hnying:

1. E jë la Genese 29:​32-​35; 30:​1-​26; me 35:​16-​19.

   Tune la hna amamane hnene la pengöne la itre nekö i Iakobo trahmany ka ala 12, hna majemine ati ëjene tune kaa ekö la itre nekönatr trahmany ne Heberu?

2. E jë la Genese 37:35.

   Ngacama Dina hmekuje hi la hna qaja hnine la Tusi Hmitrötr, nemene la ka aijijë së troa qaja, ka hape, thaa caasi kö lao nekö i Iakobo jajiny? (Gen. 37:​34, 35)

Edromë 20

Kola Traqa La Hulö Koi Dina

1. Pine nemen matre thaa hna thele kö hnei Aberahama me Isaaka troa faipoipone la itre nekö i nyidro memine la itre atr ne Kanana?

2. Hapeu hnei Iakobo kö hna nue tro la itre nekö i nyidrë jajinyi a nyi sineen la itre jajinyi ne Kanana?

3. Drei cahu thupëtresij ka goeëtili Dina ngöne la iatr, nge nemene la ewekë ka ngazo hnei angeice hna kuca?

4. Nemene la hna kuca hnei Simeona me Levi lue xa i Dina ngöne la nyidroti a drenge la ewekë ka traqa kowe la ifaxa i nyidro?

5. Hapeu hna kapa kö hnei Iakobo la hna kuca hnei Simeona me Levi?

6. Nemene la aqane fetra ekö la itre jol e hnine la itre hnepe lapa asë?

Itre xaa hnying:

1. E jë la Genese 34:​1-​31.

   1. Hapeue la ce elo i Dina memine la itre jajinyi ne Kanana, acaa qai angeice hi thei angatr, nge traqa ju hi lo lai ewekë ka ngazo hna kuca koi angeic? Qeje pengöne jë. (Gen. 34:1)

   2. Pine nemen matre ketre zö i Dina kö matre angazone pi la jajinyi angeic? (Gal. 6:7)

   3. Tune kaa la aqane tro la itre thöth ne la hnedrai së a amamane laka angatr a lapa fë hnyawa e kuhu itre hni angatr la aqane hmekë angatr hnene la tulu i Dina? (Ite edomë 13:20; 1 Kor. 15:33; 1 Ioane 5:​19)

Edromë 21

Kola Methinë Iosefa Hnene La Itre Trejin Me Angeic

1. Pine nemene matre kola zalu koi Iosefa hnene la itre trejine me angeic, nge nemene la hnei angatr hna kuca?

2. Nemene la hna ajane troa kuca koi Iosefa hnene la itre trejine me angeic, ngo nemene la hna qaja hnei Reubena?

3. Nemene la ewekë ka traqa ngöne la kola fetra la tronge i itre Isamaela, itre ka salem?

4. Nemene la hna kuca hnene la itre trejine me Iosefa matre troa mekune hnene la keme i angatr, ka hape, meci hë Iosefa?

Itre xaa hnying:

1. E jë la Genese 37:​1-​35.

   1. Tune kaa la aqane troa xötrethenge hnene la itre Keresiano la tulu i Iosefa, ene la troa qajaqaja la itre ewekë ka ngazo hna kuca hnine la ekalesia? (Gen. 37:2; Lev. 5:1; 1 Kor. 1:​11)

   2. Nemene la ka upe la itre trejine me Iosefa troa ce thë la thoi? (Gen. 37:​11, 18; Ite edomë 27:4; Iako. 3:​14-​16)

   3. Nemene la hatrene hleuhleu ka mama thei Iakobo, nge ka eje fe thene la nöjei atr? (Gen. 37:35)

Edromë 22

Hna Akalabusi Iosefa

1. Ije macatre i Iosefa ngöne la kola xomi angeic a tro Aigupito, nge nemene la ewekë ka traqa ngöne la angeic a traqa ngöne la nöj?

2. Hnauëne matre akalabusi Iosefa jë?

3. Nemene la hnëqa hna hamën koi Iosefa e hnine la kalabus?

4. Nemene la ewekë hna kuca hnei Iosefa kowe la atre kepe trepe ime i Farao memine la atre kuci a i nyidrë?

5. Nemene la ewekë ka traqa thupene la hna thapa lo atre kepe trepe ime i Farao qaa kalabus?

Itre xaa hnying:

1. E jë la Genese 39:​1-​23.

   Pine laka pëkö trenge wathebo hna cinyihane qaathei Akötresie ka ahnëjinëne la atre nyixetë ngöne la hneijine i Iosefa, ngo nemene la ka upi angeic troa kötrene la pi nyixetën ne la föe i Potifara? (Gen. 2:​24; 20:3; 39:9)

2. E jë la Genese 40:​1-​23.

   1. Pane qeje pengöne jë la itre xaa hnepe mekun ka qaja lo pune la ka kepe trepe ime i Farao memine fe lo aliene ej hnei Iehova hna hamëne koi Iosefa. (Gen. 40:​9-​13)

   2. Nemene la hna puj hnene la atre kuci xen, nge nemene la aliene ej? (Gen. 40:​16-​19)

   3. Tune kaa la aqane xötrethenge enehila hnene la hlue ka nyipici me ka inamacan, la tulu i Iosefa? (Gen. 40:8; Sal. 36:9; Ioane 17:17; Ite hu. 17:​2, 3)

   4. Tune kaa la aqane ainamacanë së hnene la tusi Genese 40:20 ngöne la aqane tro së itre Keresiano a goeën, ka hape, ijije kö tro sa hane atrun la drai ne amekunën lo kola hnaho së? (Ate Cai. 7:1; Mar. 6:​21-​28)

Edromë 23

Itre Pu i Farao

1. Nemene la ka traqa koi Farao ngöne la ketre jidr?

2. Pine nemen matre kola meku Iosefa hmaca hnene lo ka kepe trepe ime i Farao?

3. Tune la hna amaman ngöne la iatr, nemene la pengöne la lue pu i Farao?

4. Nemene la aqane qeje pengöne Iosefa la aliene la itre pu?

5. Nemene la hna kuca hnei Iosefa matre ië angeice jë troa hnaaluene atr ka sisitria thupe i Farao e Aigupito?

6. Pine nemen matre kola tro Aigupito hnene la itre trejine me Iosefa, nge pine nemen matre thaa wanga atrehmekunyi angeice pi kö hnei angatr?

7. Nemene la pu hna mekune hmaca hnei Iosefa, nge nemene la aqane xatua angeic hnene la pu cili matre troa hetrenyi la trotrohnin?

Itre xaa hnying:

1. E jë la Genese 41:​1-​57.

   1. Tune kaa la aqane atrunyi Iehova hnei Iosefa, nge nemene la aqane tro la itre Keresiano enehila a xome la tulu i angeic? (Gen. 41:​16, 25, 28; Mat. 5:​16; 1 Pet. 2:​12)

   2. Nemene eisapengöne la aqane traqa la itre macatre ne jiin thupene la itre macatre ne mele drai e Aigupito, memine la mele ne la itre hlue i Iehova ngöne la götrane la ua memine lo mele ngöne la ua ne la itre nöje ka selën, ka hape, itre Keresiano fe angatr? (Gen. 41:​29, 30; Amosa 8:​11, 12)

2. E jë la Genese 42:​1-8 me 50:20.

   Maine hna majemine ngöne la nöj troa thili qëmekene la ketre atr matre troa nyipi ewekën me metrötrëne la göhnë hnei angeic hna cilën, tune kaa la itre ka hmi koi Iehova, tro kö angatr a hane kuca tune lai? (Gen. 42:6)

Edromë 24

Iosefa a Tupath La Itre Trejin Me Angeic

1. Pine nemen matre qaja jë Iosefa, ka hape, itretre alamekë nöje la itre trejine me angeic?

2. Pine nemen matre Iakobo a nue Beniamina nekö i nyidrë ka co troa tro Aigupito?

3. Tune kaa la aqane traqane la inege sileva i Iosefa hnine la watrenge i Beniamina?

4. Nemene la hna kuca hnei Iuda matre troa nue Beniamina?

5. Tune kaa la aqane saze la thiina ne la itre trejine me Iosefa?

Itre xaa hnying:

1. E jë la Genese 42:​9-​38.

   Nemene la hna qaja hnei Iosefa ngöne Genese 42:18 nyine amekunëne la itre trene hnëqa hnine la organizasio i Iehova enehila? (Neh. 5:​15; 2 Kor. 7:1, 2)

2. E jë la Genese 43:​1-​34.

   1. Ngacama Reubena la haetra, ngo kola mama tune kaa laka Iuda la ka nyi ukeineqë ne la itre trejine me angeic? (Gen. 43:​3, 8, 9; 44:​14, 18; 1 A. l. ite jo. 5:2)

   2. Tune kaa la aqane tupathe la itre trejine me Iosefa, nge nemene kepine lai? (Gen. 43:​33, 34)

3. E jë la Genese 44:​1-​34.

   1. Nemene la aqane qaja Iosefa la pengö i angeic, matre ketre jëne troa juetrëne la sipu ëje angeic kowe la itre trejine me angeic? (Gen. 44:​5, 15; Lev. 19:26)

   2. Tune kaa la aqane amamane hnene la itre trejine me Iosefa laka paatre hë lo izalukeu thei angatr? (Gen. 44:​13, 33, 34)

Edromë 25

Mejë Hë Iakobo Qatr Aigupito Eë

1. Nemene la ewekë ka traqa ngöne la Iosefa a qaja kowe la itre trejine me angeic la trenge nyipici göi angeic?

2. Nemene la hna qeje pengöne hnei Iosefa cememine la hni ka menyik kowe la itre trejine me angeic?

3. Nemene la hnei Farao hna qaja ngöne la nyidrë a dreng, ka hape, traqa ha la itre trejine me Iosefa?

4. Nemene la etrune la hnepe lapa i Iakobo ngöne la angatr a mejë Aigupito eë?

5. Hna hëne tune kaa pena ha la lapa i Iakobo, nge nemene kepine lai?

Itre xaa hnying:

1. E jë la Genese 45:​1-​28.

   Nemene la hna amamane hnene la itre ewekë ka traqa koi Iosefa hnine la Tusi Hmitrötr, laka ijije hi tro Iehova a ujëne la ketre ewekë ka troa akötrëne la itre hlue i Nyidrë matre tro pena a hetre thangane ka loi koi angatr? (Gen. 45:​5-8; Is. 8:​10; Fil. 1:​12-​14)

2. E jë la Genese 46:​1-​27.

   Nemene la ewekë hnei Iehova hna anyipicine hnyawa koi Iakobo e kuhu gojenyi ne tro Aigupito? (Gen. 46:​1-4, ith. e cahu fen)

Edromë 26

Inyipicikeu i Iobu Me Akötresie

1. Drei lae Iobu?

2. Nemene la hnei Satana hna thele troa kuca, ngo hapeu, hune ju kö angeic?

3. Nemene la hnei Iehova hna nue Satana troa kuca, nge pine nemen?

4. Pine nemen matre kola qaja koi Iobu hnene la föi angeic, ka hape, “jele ngazo Akötesieti jë nge meciju”? (Wange ju la iatr.)

5. Tune la hne së hna goeëne ngöne la hnaaluene iatr, tune kaa la aqane amanathithi Iobu hnei Iehova, nge pine nemen?

6. Maine tro sa tui Iobu, ene la troa mele nyipici koi Iehova, nemene la itre manathith hne së hna troa kapa?

Itre xaa hnying:

1. E jë la Iobu 1:​1-​22.

Tune kaa la aqane tro la itre Keresiano a xötrethengen enehila lo tulu i Iobu? (Iobu 1:1; Fil. 2:​15; 2 Pet. 3:​14)

2. E jë la Iobu 2:​1-​13.

Nemene la eisapengöne la lue aqane cile hnei Iobu memine la föi angeic kowe la icilekeu i Satana? (Iobu 2:​9, 10; Ite edomë 19:3; Mika 7:7; Mal. 3:​14)

3. E jë la Iobu 42:​10-​17.

(a) Nemene la eceitunene la manathith hna kapa hnei Iobu memine lo manathith hna kapa fe hnei Iesu qa ngöne laka hnei nyidroti hna mele nyipici? (Iobu 42:12; Fil. 2:​9-​11)

(b) Tune kaa la aqane ithuecatre koi së hnene la itre manathith hna kapa hnei Iobu qa ngöne la hnei angeic hna catre mele nyipici koi Akötresie? (Iobu 42:​10, 12; Heb. 6:​10; Iako. 1:​2-4, 12; 5:​11)

Edromë 27

Ketre Joxu Ka Ithahluë e Aigupito

1. Ame ngöne cahu iatr, drei la trahmanyi ka hna la none kau, nge drei lai hna lep?

2. Thupene la hna meci hnei Iosefa, nemene pë hë la ewekë ka traqa koi angetre Isaraela?

3. Pine nemen matre kola xoue angetre Isaraela hnei angetre Aigupito?

4. Nemene la hnei Farao hna amekötine kowe la itre föe ka xatuane la itre föe ne Isaraela troa hnaho?

Itre xaa hnying:

1. E jë la Esodo 1:​6-​22.

(a) Tune kaa la aqane nyiqaane Iehova troa eatrëne lo hnei Nyidrëti hna thingehnaeane ekö koi Aberahama? (Eso. 1:7; Gen. 12:2; Ite hu. 7:​17)

(b) Tune kaa la aqane wanga atrun hnene la lue föe ne Heberu ka xomi upune la ehmitrötrene la mel? (Eso. 1:​17; Gen. 9:6)

(c) Tune kaa la aqane amanathithin la lue föe ka xomi upune pine la aqane mele nyipici nyidro koi Iehova? (Eso. 1:​20, 21; Ite edomë 19:17)

(d) Tune kaa la aqane thele Satana troa lepe trij la aja i Iehova göne lo Matra i Aberahama hna thingehnaean? (Eso. 1:​22; Mat. 2:​16)

Edromë 28

Mele Pe Kö La Medreng Ene Mose

1. Drei la medreng ngöne la iatr, nge hene wanakoime i drei la hnei nyën hna xolouth?

2. Nemene la hna kuca hnene la thine i Mose matre thaa tro kö a hane humuthi nyën?

3. Drei la nekönatr jajiny ngöne la iatr, nge nemene la hnei angeic hna kuca?

4. Ame ngöne la kola öhne hnene la nekö i Farao jajiny la medreng, nemene la mekune nyine ixatua hna hamën hnei Miriama?

5. Nemene la hna qaja hnene la joxu föe kowe la thine i Mose?

Ketre hnying:

1. E jë la Esodo 2:​1-​10.

Nemene la eloine la tro la thine i Mose a hiane me ini Mose ngöne la angeic a co, nge nemene la eloine la tulu cili kowe la itre keme me thine enehila? (Eso. 2:​9, 10; Deu. 6:​6-9; Ite edomë 22:6; Efe. 6:4; 2 Tim. 3:​15)

Edromë 29

Alien La Kötre i Mose

1. Ekaa la hnei Mose hna tru ngön, ngo nemene la hnei angeic hna atre göne la itre keme me thine i angeic?

2. Nemene la hnei Mose hna kuca ngöne la angeic a traqa kowe la 40 lao macatre i angeic?

3. Nemene la hnei Mose hna qaja kowe la ketre atre Isaraela trahmany ka lepe la ketre, nge nemene la hna sa hnene lai trahmany?

4. Pine nemen matre kola kötr hnei Mose qaa Aigupito?

5. Ekaa la götran hnei Mose hna kötre kow, nge drei la hnei angeic hna iöhnyi memin?

6. Nemene la hnei Mose hna kuca ngöne la 40 lao macatre thupene la hnei angeic hna kötre qaa Aigupito?

Itre xaa hnying:

1. E jë la Esodo 2:​11-​25.

Ngacama itre macatre ne ini Mose la inamacane i angetre Aigupito, ngo tune kaa la aqane amamane Mose laka, angeic a nyipici koi Iehova memine la nöje i Nyidrë? (Eso. 2:​11, 12; Heb. 11:24)

2. E jë la Ite Huliwa 7:​22-​29.

Nemene la ini hne së hna xom qa ngöne laka kola ketre thele hnei Mose troa thepe angetre Isaraela qa ngöne la ithahluë i angetre Aigupito? (Ite hu. 7:​23-​25; 1 Pet. 5:​6, 10)

Edromë 30

Isinöe Ka Palulu

1. Nemene la ëje ne la wetr ngöne la iatr?

2. Qeje pengöne jë la ketre ewekë ka ketre pengön hna öhne hnei Mose ngöne la angeic a tro kowe la wetr memine la itre mamoe i angeic.

3. Nemene la hna qaja hnene la nine ula ka xulu qa hnine la isinöe ka palulu, nge nine ula i drei lai?

4. Nemene la aqane sa i Mose ngöne la Akötresieti a upi angeic troa elemekene la nöj me thepe angatr qaa Aigupito?

5. Nemene la hnei Akötresieti hna qaja koi Mose e hnyingë angeice jë elanyi hnene la nöj, ka hape, drei la ka upi angeic?

6. Tune kaa la aqane tro Mose a anyipicine laka hnei Akötresie hna upi angeic?

Itre xaa hnying:

1. E jë la Esodo 3:​1-​22.

Nemene la hna amamane hnene la ewekë hna melëne hnei Mose, ka troa xatua së troa lapaune kowe la ixatua Iehova matre ijiji së troa cilëne la ketre hnëqa qaathei Akötresie hne së hna mekun, ka hape, ma thaa ijiji së kö? (Eso. 3:​11, 13; 2 Kor. 3:​5, 6)

2. E jë la Esodo 4:​1-​20.

(a) Nemene la ka saze ngöne la thiina i Mose ngöne lo 40 macatre ne angeic e Midiana, nge nemene la ini hna troa xome hnene la itre ka thele troa hane cilëne la itre hnëqa ka lolo e hnine la ekalesia? (Eso. 2:​11, 12; 4:​10, 13; Mika 6:8; 1 Tim. 3:​1, 6, 10)

(b) Nge maine troa haji së hnei Iehova jëne la organizasio i Nyidrë, nemene la mejiune hna hamëne koi së hnene la tulu hna hamëne hnei Mose? (Eso. 4:​12-​14; Sal. 103:14; Heb. 12:​4-​11)

Edromë 31

Mose Me Arona Thei Farao

1. Nemene la thangane la itre iamamanyikeu hna kuca hnei Mose me Arona thene la itretre Isaraela?

2. Nemene la hnei Mose me Arona hna qaja koi Farao, nge nemene la hna sa hnei Farao?

3. Tune la hna amamane ngöne la iatr, nemene la ewekë ka traqa ngöne la kola kuiëne hnei Arona la sine tö i nyidrë?

4. Tune kaa la aqane hamëne hnei Iehova koi Farao la ketre ini, nge nemene la aqane ujë i Farao?

5. Nemene la ewekë ka traqa thupene la hna treenene mec?

Itre xaa hnying:

1. E jë la Esodo 4:​27-​31 me 5:​1-​23.

Nemene la mekune i Farao ngöne la angeic a qaja ka hape: “Tha ’te Iehova kö ni”? (Eso. 5:2; 1 Sam. 2:​12; Rom. 1:​21)

2. E jë la Esodo 6:​1-​13, 26-​30.

(a) Pine nemen matre thaa hnei Iehova kö ekö hna qaja la atresiwa i Nyidrë koi Aberahama, me Isaaka, me Iakobo? (Eso. 3:​13, 14; 6:3; Gen. 12:8)

(b) Tune kaa la mekuna së ngöne la easë a atre laka, ngacama kola mekune hnei Mose ka hape thatreine kö angeic troa xome la hnëqa i angeic, ngo hnei Iehova kö hna ië angeic kowe la hnëqa cili? (Eso. 6:​12, 30; Luka 21:​13-​15)

3. E jë la Esodo 7:​1-​13.

(a) Nemene la tulu hna amë pe hnei Mose me Arona kowe la itre hlue Akötresie enehila, ngöne lo aqane catre tro fë nyidroti la itre hna amekötin hnei Iehova koi Farao? (Eso. 7:​2, 3, 6; Ite hu. 4:​29-​31)

(b) Nemene la aqane amamane Iehova laka ka draië catre kö Nyidrëti hune la itre haze ne Aigupito? (Eso. 7:​12; 1 A. l. ite jo. 29:12)

Edromë 32

Treen Lao Hulö

1. Xome jë la itre iatr, nge qejepengöne jë la köni pane hulö hnei Iehova hna axulun e Aigupito.

2. Nemene la eisapengönene la köni pane hulö memine lo itre xane ka traqa thupene lai?

3. Nemene la pengöne la hnaafoane hulö, memine la hnaafaifin, me hnaasikisin?

4. Qejepengöne jë la hnaasevenene hulö, me hnaaeitren, me hnaanaenen.

5. Nemene la hnei Iehova hna upi angetre Isaraela troa kuca qëmekene la hnaatrenene hulö?

6. Nemene la hnaatrenene hulö, nge nemene la ewekë ka traqa thupene lai?

Itre xaa hnying:

1. Esodo 7:19–8:​23.

(a) Ngacama hna nyitipune hnene la itre magoi ne Aigupito la lue pane mec hna axulune hnei Iehova, ngo nemene la hnei angatr hna wanga atrehmekun thupene la hnaakönine hulö? (Eso. 8:​18, 19; Mat. 12:​24-​28)

(b) Nemene la aqane amamane hnene la hnaafoane hulö laka atreine hi tro Iehova a thupëne la nöje i Nyidrë, nge tune kaa la aqane tro la mekune cili a xatuane la nöje i Nyidrë troa cile catr qëmekene elanyi lo “akötr atraqatr”? (Eso. 8:​22, 23; Hna ama. 7:​13, 14; 2 A. l. ite jo. 16:9)

2. Esodo 8:​24; 9:​3, 6, 10, 11, 14, 16, 23-​25; me 10:​13-​15, 21-​23.

(a) Drei la lue lapa hna ketr ekö hnene lo Treen Lao Hulö, nge tune kaa fe së ngöne la aqane tro sa goeëne la lue lapa cili ngöne la hnedrai së? (Eso. 8:​10, 18, 19; 9:​14)

(b) Tune kaa la aqane xatua së hnene la tusi Esodo 9:​16 troa trotrohnine la kepin matre Iehova a nue Satana troa mel uti hë enehila? (Rom. 9:​21, 22)

3. E jë la Esodo 12:​21-​32.

Tune kaa la aqane troa hetrenyi la mel hnene la ka ala nyim hnene la Paseka, nge nemene la hna amamane hnene la Paseka? (Eso. 12:​21-​23; Ioane 1:​29; Rom. 5:​18, 19, 21; 1 Kor. 5:7)

Edromë 33

Hna Trongë Gaa Qaqacil

1. Ala ije la itre Isaraela trahmanyi föe me haa nekönatr ka tro qaa Aigupito, nge drei la itre ka hane ithipithenge?

2. Nemene la mekune i Farao thupene la angeic a upi angetre Isaraela, nge nemene la hnei angeice hna kuca?

3. Nemene la hnei Iehova hna kuca matre troa sewe angetre Aigupito troa lepe la nöje i Nyidrë?

4. Nemene la ewekë ka traqa ngöne la kola liine hnei Mose la sine tö i angeic hune la Hnagejë Ka Palulu, nge nemene la hna kuca hnei angetre Isaraela?

5. Nemene la ka traqa ngöne la kola huzu angetre Isaraela hnei angetre Aigupito nyipine la lue gejë?

6. Tune kaa la aqane amamane angetre Isaraela, ka hape, angatr a madrin me olene koi Iehova la hnei Nyidrëti hna amele angatr?

Itre xaa hnying:

1. E jë la Esodo 12:​33-​36.

Tune kaa la aqane kuca i Iehova matre troa të hnei angetre Aigupito la nöjei macatre asë ne thahluëne angatr la nöje i Nyidrë? (Eso. 3:​21, 22; 12:​35, 36)

2. E jë la Esodo 14:​1-​31.

Tune kaa la aqane ketr hnene la itre trenge ewekë i Mose ngöne Esodo 14:​13, 14, la itre hlue i Iehova enehila ngöne la angatr a troa qëmeke kowe la isi e Amagedo? (2 A. l. ite jo. 20:17; Sal. 91:8)

3. E jë la Esodo 15:​1-8, 20, 21.

(a) Pine nemen matre loi e tro la itre hlue i Iehova a atrunyi Nyidrë hnene la itre nyima? (Eso. 15:​1, 2; Sal. 105:​2, 3; Hna ama. 15:​3, 4)

(b) Nemene la aqane atrunyi Iehova hnei Miriama memine la itre föe ngöne la Hnagejë Ka Palulu, a ketre tulu pë hë kowe la itre Keresiano föe ngöne la hneijine së enehila? (Eso. 15:​20, 21; Sal. 68:11)

Edromë 34

Ketre Pengöne Xen

1. Ame ngöne lai iatr, nemene la hna hlem hnene la itre atr hune la ihaö, nge nemene la aqane hëne lai?

2. Nemene la hna amekötin hnei Mose hna qaja kowe la itre atr ka hleme la mana?

3. Nemene la hna qaja hnei Iehova troa kuca ngöne la hnaasikisine drai, nge pine nemen?

4. Nemene la iamamanyikeu hna kuca hnei Iehova ngöne la kola ami kemej hnei angetre Isaraela kowe la hnaasevenene drai?

5. Ije macatre ne ithua i angetre Isaraela mana hnei Iehova?

Itre xaa hnying:

1. E jë la Esodo 16:​1-​36 me Numera 11:​7-9.

(a) Nemene la hna amamane hnei Esodo 16:8 göne la enyipiewekën la tro sa metrötrën la itre hna acil hnine la ekalesia i Keresiano? (Heb. 13:17)

(b) Ame ngöne la hnapapa, tune kaa la aqane amekunë angetre Isaraela ngöne la nöjei drai laka angatr a mel, tre hnei Iehova? (Eso. 16:​14-​16, 35; Deu. 8:​2, 3)

(c) Nemene la hna nyihatren hnei Iesu la mana, nge tune kaa la aqane tro sa hane kepe thangane ka loi qa ngöne lai “areto qa hnengödrai”? (Ioane 6:​31-​35, 40)

2. E jë la Iosua 5:​10-​12.

Ije macatre ne pane xeni mana hnei angetre Isaraela, nge nemene la aqane tupathi angatr hnene lai, nge nemene la ini hne së hna xome qa ngöne lai? (Eso. 16:35; Num. 11:​4-6; 1 Kor. 10:​10, 11)

Edromë 35

Kola Ahni Trenge Wathebo

1. Lue treu thupene la hna lö pi qaa Aigupito, ekaa ju hë la hnei angatr hna acile la itre uma maano i angatr?

2. Nemene la ewekë hnei Iehova hna ajan troa kuca hnene la nöje i Nyidrë, nge nemene la aqane sa i angatr?

3. Pine nemen matre Iehova a hamëne koi Mose la lue etë?

4. Nemene la itre xaa wathebo hnei Iehova hna hamën koi angetre Isaraela ka nyixane lo Treen Lao Trenge Wathebo?

5. Nemene la lue wathebo ka sisitria hna amexeje hnei Iesu Keriso?

Itre xaa hnying:

1. E jë la Esodo 19:​1-​25; 20:​1-​21; 24:​12-​18; me 31:18.

Tune kaa la aqane tro la itre trenge ewekë ngöne Esodo 19:8 a xatua së troa trotrohnin la alien kowe la Keresiano, ene la troa sa xepu? (Mat. 16:24; 1 Pet. 4:​1-3)

2. E jë la Deuteronomi 6:​4-6; Levitiko 19:18; me Mataio 22:​36-​40.

Tune kaa la aqane amamane hnene la itre Keresiano la ihnimi angatr koi Akötresie me kowe la itre atr ka lapa easenyi angatr? (Mar. 6:​34; Ite hu. 4:​20; Rom. 15:2)

Edromë 36

Neköi Kau Gool

1. Ngöne la iatr, nemene la hna kuca hnene la itre atr, nge nemene la kepine lai?

2. Pine nemen matre kola elëhni hnei Iehova, nge nemene la hna kuca hnei Mose lo angeic a öhne la kola huliwa menu hnene la nöj?

3. Mose a upe la itre xaa trahmany troa kuci nemen?

4. Nemen la ewekë hna ini së hnene la edromë celë?

Itre xaa hnying:

1. E jë la Esodo 32:​1-​35.

(a) Tune kaa la aqane amamane hnene la ewekë cili la mekune i Iehova göne la troa ce sinee hnene la hmi ka thoi memine la nyipi hmi? (Eso. 32:​4-6, 10; 1 Kor. 10:​7, 11)

(b) Nemene la nyine troa hmekën hnene la itre Keresiano ngöne la angatr a iën la itre nyine madrin, tune la troa nyima me troa fia? (Eso. 32:​18, 19; Efe. 5:​15, 16; 1 Ioane 2:​15-​17)

(c) Tune kaa la aqane hamën hnene la tribu i Levi la ketre tulu ka lolo ngöne la aqane troa catre xome la thiina ka meköt? (Eso. 32:​25-​28; Sal. 18:25)

Edromë 37

Uma Maano Göi Hmi

1. Nemene la aqane hëne la iuma ngöne cahu iatr, nge hna xome ej matre nyine u?

2. Pine nemen matre Iehova a qaja koi Mose troa kuca la ketre uma maano, thaa nyine tro kö a acile hutin, ngo ka hmaloi e troa feje hnyawa me xome trongën?

3. Nemene la pua hna amë hnine la hnahage ka co e kohië can la uma, nge nemene la aliene lai pua?

4. Drei la hnei Iehova hna iën matre troa atre huuj ka sisitria, nge nemene la qa ne la atre huuj ka sisitria?

5. Qaja jë la köni ewekë e hnine lai hnahag ka tru ne la uma maano.

6. Nemene la lue ewekë e tröne la uma ne heta, nge hna kuca matre troa ue lue ej?

Itre xaa hnying:

1. E jë la Esodo 25:​8-​40; 26:​1-​37; 27:​1-8; me 28:1.

Nemene la hna nyihatren hnene la lue kerubi hna amë e hune la “puha ne anyipicin”? (Eso. 25:​20, 22; Num. 7:​89; 2 Ite jo. 19:15)

2. E jë la Esodo 30:​1-​10, 17-​21; 34:​1, 2; me Heberu 9:​1-5.

(a) Pine nemen matre Iehova a amamane hnyawa la enyipiewekën la troa nyihnyawane hnene la itretre huuj la ngönetrei i angatr ngöne la kola huliwa hnine la uma maano, nge nemene la aqane troa ketri së enehila hnene la ewekë cili? (Eso. 30:​18-​21; 40:​30, 31; Heb. 10:22)

(b) Tune kaa la aqane amamane Paulo aposetolo laka ame la uma ne heta memine la isisinyikeu ne la Trenge Wathebo, tre kösë ae hë ngöne la ijine nyidrëti a cinyihan la tusi nyidrë kowe la itre Keresiano ne Heberu? (Heb. 9:​1, 9; 10:1)

Edromë 38

Itretre Tro Juetrë Ka Ala 12

1. Ame koi nyipunie, tre, nemene cahu itre ifini wene vin, nge ka qaa kaa lai?

2. Pine nemen matre Mose a upe la 12 lao ka troa alamekën la nöje Kanana?

3. Nemene la hna qaja hnene la treen lao ka alamekën la nöj ngöne lo angatr a bëeke hmaca koi Mose?

4. Nemene la aqane lapaune koi Iehova hnene la lue xaa ka alamekën la nöj, nge drei la lue ëje i nyidro?

5. Pine nemen matre kola elëhni hnei Iehova, nge nemene la hnei Nyidrëti hna qaja koi Mose?

Itre xaa hnying:

1. E jë la Numera 13:​1-​33.

(a) Drei la itre hna iën troa alamekën la nöj, nge nemene la ewekë ka lolo hna aijijë angatr troa kapa? (Num. 13:​2, 3, 18-​20)

(b) Pine nemen matre ame la mekune i Iosua me Kaleba, tre, isapengöne kö memine la mekune ne la itre xaa ka alamekën la nöj, nge nemene la ini hne së hna kapa qa ngöne lai? (Num. 13:​28-​30; Mat. 17:20; 2 Kor. 5:7)

2. E jë la Numera 14:​1-​38.

(a) Nemene la nyine tro sa thupëne hnyawa matre thaa tro kö a nyiulil kowe la itre atr hna acil hnei Iehova matre troa nyitrenge ewekë i Nyidrë? (Num. 14:​2, 3, 27; Mat. 25:​40, 45; 1 Kor. 10:10)

(b) Tune kaa la aqane amamane Numera 14:24 laka Iehova la ka wanga atrunyi së isa ala caas itre hlue i Nyidrë? (1 Ite jo. 19:18; Ite edomë 15:3)

Edromë 39

Kola Eng La Sine Tö i Arona

1. Drei la ka icilekeu kowe la mus i Mose me Arona, nge nemene la hnei angatr hna qaja koi Mose?

2. Nemene la hnei Mose hna qaja koi Kora memine la itre sine xöle i angeic ka ala 250?

3. Nemene la hnei Mose hna qaja kowe la nöj, nge nemene la ewekë ka traqa thupene ju kö la hnei angeic hna ithanata?

4. Nemene la ewekë ka traqa koi Kora memine lo itre sine xöle i angeic ka ala 250?

5. Hnei Eleazara nekö i Arona hna uëne lo lai itre trepene eë ne la itre ka mec, nge nemene kepine lai?

6. Pine nemen matre Iehova a kuca matre troa eng la sine tö i Arona? (Wange ju la iatr.)

Itre xaa hnying:

1. E jë la Numera 16:​1-​49.

(a) Nemene la hna kuca hnei Kora memine la itre sine xöle i angeic, nge pine nemen matre kolo hi lai a icilekeu me Iehova? (Num. 16:​9, 10, 18; Lev. 10:​1, 2; Ite edomë 11:2)

(b) Nemene la aqane waiewekë ka ngazo hna xome hnei Kora memine lo 250 lao “joxu ne la icasikeu”? (Num. 16:​1-3; Ite edomë 15:33; Is. 49:7)

2. E jë la Numera 17:​1-​11 me 26:10.

(a) Nemene la hna amamane hnene la tö i Arona ngöne la ej a xöle me eng, nge pine nemen matre Iehova a iupi troa amë eje hmekune la pua? (Num. 17:​5, 8, 10)

(b) Nemene la ini ka sisitria hne së hna kapa qa ngöne la hatren ka mama jëne la tö i Arona? (Num. 17:10; Ite hu. 20:28; Fil. 2:​14; Heb. 13:17)

Edromë 40

Mose a Lep La Git

1. Tune kaa la aqane thupë angetre Isaraela hnei Iehova ngöne lo angatre ngöne la hnapapa?

2. Nemene la hna eetre fë hnei angetre Isaraela ngöne la angatr a lapa e Kadesi?

3. Tune kaa la aqane hamëne Iehova la tim kowe la nöj memine la itre öni i angatr?

4. Ame ngöne la iatr, drei la trahmanyi ka sipu köja angeice kö, nge pine nemen matre angeice a kuca tune lai?

5. Pine nemen matre kola elëhni hnei Iehova koi Mose me Arona, nge nemene la pune koi nyidro?

6. Nemene la ewekë ka traqa hune la wetr Hora, nge drei la ka nyihnai Arona troa atre huuj ka sisitria?

Itre xaa hnying:

1. E jë la Numera 20:​1-​13, 22-​29 me Deuteronomi 29:5.

(a) Nemene la hne së hna atre ngöne la aqane thupë angetre Isaraela hnei Iehova ngöne la hnapapa? (Deu. 29:5; Mat. 6:​31; Heb. 13:5; Iako. 1:​17)

(b) Tune kaa la mekune i Iehova ngöne laka thaa hna atrunyi Nyidrëti kö hnei Mose me Arona qëmeke i Isaraela? (Num. 20:12; 1 Kor. 10:12; Hna ama. 4:​11)

(c) Nemene la ini hne së hna kapa qa ngöne la aqane kapa Mose la ihaji i Iehova? (Num. 12:3; 20:​12, 27, 28; Deu. 32:4; Heb. 12:​7-​11)

Edromë 41

Un Kopa

1. Ame ngöne la iatr, nemene la ka ewathe la sinöe, nge pine nemen matre Iehova a upi Mose troa athipe ej e cili?

2. Nemene la aqane mama laka pëkö hni ne ole ne la nöj kowe la nöjei hnei Iehova hna kuca koi angatr?

3. Nemene la hna sipo Mose hnene la nöj troa kuca, thupene la hnei Iehova hna nue la itre un ka ihej nyine nyithupene la aqane ujë i angatr?

4. Pine nemen matre Iehova a upi Mose troa kuca la ketre un kopa?

5. Nemene la ini hne së hna kapa qa ngöne la edromë cili?

Itre xaa hnying:

1. E jë la Numera 21:​4-9.

(a) Hna hmekë së tune kaa matre thaa tro kö a tune la angetre Isaraela, angetre eetr pine la itre hna hamëne koi angatr hnei Iehova? (Num. 21:​5, 6; Rom. 2:4)

(b) Ame hë lo itre hadredre macatre thupen, tune kaa la aqane xome angetre Isaraela lo lai un kopa, nge nemene la hna kuca hnei Hezekia joxu? (Num. 21:9; 2 Ite jo. 18:​1-4)

2. E jë la Ioane 3:​14, 15.

Tune kaa la aqane nyihatrene hnyawa la aqane athipi Iesu Keriso hnene la aqane athipe la un? (Gal. 3:​13; 1 Pet. 2:​24)

Edromë 42

Kola Ithanata La Boliko

1. Drei lae Balaka, nge pine nemen matre kola iupi troa thei Balaama koi angeic?

2. Pine nemen matre kola thu agö me meköle la boliko ngöne la gojeny?

3. Nemene la hna qaja hnene la boliko koi Balaama?

4. Nemene la hna qaja hnene la ketre angela koi Balaama?

5. Nemene la ewekë ka traqa ngöne la kola thele hnei Balaama troa ëji Isaraela?

Itre xaa hnying:

1. E jë la Numera 21:​21-​35.

Pine nemen matre ngaane pi hnei angetre Isaraela la joxu i angetre Amora ene Sihona me Oga joxu ne Basana? (Num. 21:​21, 23, 33, 34)

2. E jë la Numera 22:​1-​40.

Nemene la aja ka eje e kuhu hni Balaama nge ka upi angeic troa ëji Isaraela, nge nemene la itre ini hne së hna xome qa ngöne lai? (Num. 22:​16, 17; Ite edomë 6:​16, 18; 2 Pet. 2:​15; Iuda 11)

3. E jë la Numera 23:​1-​30.

Ngacama ame la aqane ithanata i Balaama, tre kösë pi lo ketre hlue i Iehova, ngo hna jele thoi angeic tune kaa hnene la itre huliwa i angeic? (Num. 23:​3, 11-​14; 1 Sam. 15:22)

4. E jë la Numera 24:​1-​25.

Hnene lai itre hna qaja hnei Tusi Hmitrötr hna acatrene tune kaa la lapaune së, laka eje hi troa eatr la itre mekuana i Iehova? (Num. 24:10; Is. 54:17)

Edromë 43

Iosua Tan La Nöj

1. Ame ngöne la iatr, drei la lue trahmany ka ce cile me Mose?

2. Nemene la hnei Iehova hna qaja koi Iosua?

3. Pine nemen matre Mose a elë hune la he ne la wetre Nebo, nge nemene la hnei Iehova hna qaja koi angeic?

4. Ije macatre i Mose ngöne la nyidrëti a mec?

5. Pine nemen matre kola hleuhleu la nöj, ngo nemene la kepin matre hetre madrine i angatre jë?

Itre xaa hnying:

1. E jë la Numera 27:​12-​23.

Nemene la götrane qa ka tru hnei Iehova hna hamën koi Iosua, nge tune kaa la aqane amamane Iehova laka Nyidrëti a thupëne la nöje i Nyidrë enehila? (Num. 27:​15-​19; Ite hu. 20:28; Heb. 13:7)

2. E jë la Deuteronomi 3:​23-​29.

Pine nemen matre thaa hnei Iehova kö hna nue Mose me Arona troa hane waja la ihnadro ne la nöje hna thingehnaean, nge nemene la ini hne së hna xome qa ngöne lai? (Deu. 3:​25-​27; Num. 20:​12, 13)

3. E jë Deuteronomi 31:​1-8, 14-​23.

Nemene la hna amamane hnene la itre trenge ewekë tixenuë i Mose kowe la nöje Isaraela, laka angeic a kapa cememine la ipië la ihaji qaathei Iehova? (Deu. 31:​6-8, 23)

4. E jë la Deuteronomi 32:​45-​52.

Tune kaa la aqane troa ketr la mele së hnene la Wesi Ula i Akötresie? (Deu. 32:47; Lev. 18:5; Heb. 4:​12)

5. E jë la Deuteronomi 34:​1-​12.

Ngacama thaa hna öhnyi Iehova kö hnei Mose, ngo nemene la hna qaja ngöne Deuteronomi 34:10 ka amamane la aqane imelekeu i angeic me Iehova? (Eso. 33:​11, 20; Num. 12:8)

Edromë 44

Rahaba a Juetrën La Luetre Tro Juetrë

1. Ekaa la hna mele hnei Rahaba?

2. Drei la lue trahmany ngöne la iatr, nge nemene kepin la nyidroti e Ieriko?

3. Nemene la hna upi Rahaba troa kuca hnene la joxu ne Ieriko, nge nemene la hnei nyiidro hna qaja koi nyidrë?

4. Tune kaa la aqane xatuan hnei Rahaba la lue trahmany, nge nemene la hnei eahlo hna sipone koi nyidro?

5. Nemene la hna thingehnaean hnene la lue ka traqa troa alamekën la nöj koi Rahaba?

Itre xaa hnying:

1. E jë la Iosua 2:​1-​24.

Tune kaa la aqane eatr la hna thingehnaean ngöne la tusi Esodo 23:​28, ngöne lo ijine kola tro hnei angetre Isaraela troa isi e Ieriko? (Ios. 2:​9-​11)

2. E jë la Heberu 11:31.

Tune kaa la aqane amamane la enyipiewekën la lapaun hnene la tulu i Rahaba? (Rom. 1:​17; Heb. 10:39; Iako. 2:​25)

Edromë 45

Uti Hë La Tim

1. Nemene la iamamanyikeu hna kuca hnei Iehova ka aijijë angetre Isaraela troa sasaithe la Hneopegejë Ne Ioridrano?

2. Nemene la aqane tro angetre Isaraela a amamane la lapaune i angatr, matre aijijë angatre jë troa sasaith la Hneopegejë Ne Ioridrano?

3. Pine nemen matre Iehova a upi Iosua troa ce xawane la 12 lao etë ngöne la trepene la hneopegejë?

4. Nemene ju hi la ka traqa ngöne la kola elë qa ngöne la hneopegejë hnene la itretre huuj?

Itre xaa hnying:

1. E jë la Iosua 3:​1-​17.

(a) Tune la hna amamane hnene la edromë celë, nemene la nyine tro sa kuca ka nyipi ewekë matre tro sa kapa la ixatua me manathith qaathei Iehova? (Ios. 3:​13, 15; Ite edomë 3:5; Iako. 2:​22, 26)

(b) Nemene la pengöne la Hneopegejë Ne Ioridrano ngöne la kola sasaithe ej hnene la angetre Isaraela me tro kowe la Nöje Hna Thingehnaean, nge tune kaa la aqane atrune la ëje i Iehova hnene lai ewekë cili? (Ios. 3:​15; 4:​18; Sal. 66:​5-7)

2. E jë la Iosua 4:​1-​18.

Ame lo 12 lao etë hna xome qa ngöne la Hneopegejë Ne Ioridrano, tre nemene la aliene la kola tran itre ej e Gileada? (Ios. 4:​4-7)

Edromë 46

Tra Etë Hna Xupe Kanoth e Ieriko

1. Nemene la hnei Iehova hna iupi troa kuca kowe la itre sooc me kowe la itretre huuj ngöne la sikisi lao drai?

2. Nemene la nyine troa kuca hnene la itre trahmany ngöne la hnaasevene drai?

3. Tune la epuni a öhne ngöne la iatr, nemene la ewekë ka traqa kowe la tra etë ne Ieriko?

4. Pine nemen matre kola thipi la eno ka paluluxötr ngöne la mamala?

5. Nemene la hnei Iosua hna upe la itre sooc troa kuca kowe la nöj me kowe la traon, ngo tune kaa pë hë la sileva me gool me kopa, me fao?

6. Nemene la hna upe la lue ka alamekën la nöj troa kuca?

Itre xaa hnying:

1. E jë la Iosua 6:​1-​25.

(a) Nemene la aqane ceitune ne la sevene lao drai ne tro kanothe angetre Isaraela e Ieriko, memine la aqane cainöje ne la Itretre Anyipici Iehova ngöne la itre drai hnapin, ene la itre drai së enehila? (Ios. 6:​15, 16; Is. 60:22; Mat. 24:14; 1 Kor. 9:​16)

(b) Tune kaa la aqane eatr 500 lao macatre thupen la hna perofetan ngöne Iosua 6:​26, nge nemene la ini hne së hna kapa göne la trenge ewekë i Iehova? (1 Ite jo. 16:34; Is. 55:11)

Edromë 47

Caa Ka Atrekënö e Isaraela

1. Ame ngöne la iatr, drei la atr ka kelem la itre trenga mo hna xome qaa Ieriko, nge drei la ka ce xöl me angeic?

2. Pine nemen matre ka ngazo catr la hna kuca hnei Akana memine la itre sine lapa i angeic?

3. Nemene la hnei Iehova hna qaja ngöne la kola thele hnei Iosua la kepin matre kola ngaa Isaraela ngöne la isi e Ai?

4. Thupene la hna thei Akana me hnepe lapa i angeic koi Iosua, nemene la ewekë hna kuca koi angatr?

5. Nemene la ini ka nyipi ewekë catr hne së hna kapa jëne la aqane ameköti Akana?

Itre xaa hnying:

1. E jë la Iosua 7:​1-​26.

(a) Nemene la hna amamane hnene la itre thith i Iosua göne la aqane imelekeu i angeic memine la Atre Xupi angeic? (Ios. 7:​7-9; Sal. 119:145; 1 Ioane 5:​14)

(b) Nemene la hna amamane hnene la tulu i Akana, nge tune kaa la aqane hmekë së hnene lai? (Ios. 7:​11, 14, 15; Ite edomë 15:3; 1 Tim. 5:​24; Heb. 4:​13)

2. E jë la Iosua 8:​1-​29.

Nemene la hnëqa së isa ala caas kowe la ekalesia i Keresiano enehila? (Ios. 7:​13; Lev. 5:1; Ite edomë 28:13)

Edromë 48

Inamacane i Angetre Gibeona

1. Nemene la eisapengöne ne la itre atr ne Gibeona memine la itre atrene la itre traon ka lapa easenyi angatr?

2. Tune la hna amamane ngöne la iatr, nemene la hna kuca hnene la itretre Gibeona, nge nemene kepine lai?

3. Nemene la hna thingehnaean hnei Iosua memine la itre hene ne Isaraela kowe la itretre Gibeona, ngo nemene la ewekë hnei angatr hna atre köni drai thupene lai?

4. Nemene la ewekë ka traqa ngöne la kola atre hnene la itre joxu ne la itre xaa traon laka hnei angetre Gibeona hna iloi me angetre Isaraela?

Itre xaa hnying:

1. E jë la Iosua 9:​1-​27.

(a) Ase hë Iehova ahnithe koi angetre Isaraela troa “humuthe la itete kë zine la nöj,” ngo nemene la itre thiina ka mama thei Nyidrë matre nue ju pë hë Nyidrë la angetre Gideona troa mele pe? (Ios. 9:​22, 24; Mat. 9:​13; Ite hu. 10:​34, 35; 2 Pet. 3:9)

(b) Ame ngöne la kola catre fedre kowe la isisinyikeu hnei Iosua me angetre Gibeona, tune kaa la aqane hamëne angeic la ketre tulu ka loi kowe la itre Keresiano enehila? (Ios. 9:​18, 19; Mat. 5:​37; Efe. 4:​25)

2. E jë la Iosua 10:​1-5.

Tune kaa la aqane xötrethenge la tulu i angetre Gibeona enehila hnene la ka ala nyimu atraqatr, matre troa hetre pune koi angatr qa ngöne lai? (Ios. 10:4; Zaka. 8:​23; Mat. 25:​35-​40; Hna ama. 12:17)

Edromë 49

Thaa Enije Kö La Jö

1. Ame ngöne la iatr, nemene la hna qaja hnei Iosua, nge nemene kepine lai?

2. Tune kaa la aqane xatua Iosua memine la itre sooce i angeic hnei Iehova?

3. Ijetre la etrune la itre joxu hna ngaan hnei Iosua, nge ije macatre ne isi angatr?

4. Pine nemen matre kola thawa hnei Iosua la nöje Kanana?

5. Ije macatre i Iosua ngöne lo nyidrëti a mec, nge nemene la ewekë ka traqa kowe la nöj thupene lai?

Itre xaa hnying:

1. E jë la Iosua 10:​6-​15.

Qa ngöne laka hnei Iehova hna acilën la jö memine la treu thatraqai Isaraela, nemene la mejiune ka eje the së enehila? (Ios. 10:​8, 10, 12, 13; Sal. 18:3; Ite edomë 18:10)

2. E jë la Iosua 12:​7-​24.

Drei la atrekë ewekëne la kola lepe lo 31 lao joxu ekö e Kanana, nge pine nemen matre ka nyipi ewekë catre koi së lai enehila? (Ios. 12:7; 24:​11-​13; Deu. 31:8; Luka 21:​9, 25-​28)

3. E jë la Iosua 14:​1-5.

Tune kaa la aqane thawa la nöje matre itre tribu ne Isaraela, nge nemene la hna amamane hnene lai ngöne la itre hna troa kuca elanyi ngöne la Paradraiso? (Ios. 14:2; Is. 65:21; Ezek. 47:​21-​23; 1 Kor. 14:33)

4. E jë la Angete Amekötin 2:​8-​13.

Tune la aqane ujë i Iosua ekö e Isaraela, drei enehila la ka ujë ceitu me petre së qëmekene la hmi ka thoi? (A. ame. 2:​8, 10, 11; Mat. 24:​45-​47; 2 Thes. 2:​3-6; Tito 1:​7-9; Hna ama. 1:1; 2:​1, 2)

Edromë 50

Lue Föe Ka Catr

1. Drei la angetre amekötin, nge drei la ëje ne la itre xan e angatr?

2. Nemene la ketre hnëqa ka ketrepengön hna xome hnei Debora, nge nemene la nyine tro nyiidro a kuca?

3. Ame ngöne la kola mekune troa lepi Isaraela hnei Iabin joxu memine la taan ne isi angeic ene Sisera, nemene la maca i Iehova hnei Debora hna hamën kowe la atre amekötin ene Baraka, nge drei la hnei eahlo hna qaja ka troa eatrëne lai hna perofetan?

4. Nemen la aqane amamane Iaela laka ketre föe ka catre nyiidro?

5. Nemene la ewekë ka traqa thupene la hna meci hnei Iabin joxu?

Itre xaa hnying:

1. E jë la Angete Amekötin 2:​14-​22.

Tune kaa la aqane aelëhni Iehova hnei angetre Isaraela, nge nemene la ini hne së hna xome qa ngöne lai? (A. ame. 2:​20; Ite edomë 3:​1, 2; Ezek. 18:​21-​23)

2. E jë la Angete Amekötin 4:​1-​24.

Nemene la itre ini hna kapa enehila hnene la itre Keresiano föe ngöne la aqane lapaun me catre i Debora me Iaela? (A. ame. 4:​4, 8, 9, 14, 21, 22; Ite edomë 31:30; 1 Kor. 16:13)

3. E jë la Angete Amekötin 5:​1-​31.

Tune kaa la aqane xome la nyima i Baraka me Debora ngöne la nyidroti a hun ngöne la isi, matre nyine tro sa thithi fë thatraqane la isi elanyi e Amagedo? (A. ame. 5:​3, 31; 1 A. l. ite jo. 16:​8-​10; Hna ama. 7:​9, 10; 16:16; 19:​19-​21)

Edromë 51

Rutha Me Naomi

1. Tune kaa matre traqa pi Naomi ngöne la nöj e Moaba?

2. Drei lae Rutha me Orepa?

3. Tune kaa la aqane isa sa hnei Rutha me Orepa ngöne la kola upi nyidroti hnei Naomi troa bëeke hmaca kowe la lue lapa i nyidro?

4. Drei lae Boaza, nge tune kaa la aqane xatua Rutha me Naomi hnei nyidrë?

5. Nemene la ëjene la nekö i Boaza me Rutha, nge pine nemen matre loi e tro sa meku angeice hmaca?

Itre xaa hnying:

1. E jë la Rutha 1:​1-​17.

(a) Nemene la ketre aqane amaman hnyawa la ihnimi nyipici i Rutha? (Rutha 1:​16, 17)

(b) Tune kaa la aqane mekune i Rutha ka amamane hnyawa la aqane ujë ne la itre “xa mamoe” kowe la itre hna iën enehila e celë fen? (Ioane 10:16; Zaka. 8:​23)

2. E jë la Rutha 2:​1-​23.

Tune kaa la aqane hamëne Rutha la ketre tulu ka lolo kowe la itre thöthi föe hmae ne la hneijine enehila? (Rutha 2:​17, 18; Ite edomë 23:22; 31:15)

3. E jë la Rutha 3:​5-​13.

(a) Tune kaa la aqane goeëne Boaza la aja i Rutha troa faipoipo me nyidrë, ngo thaa thele pe angeic troa ikötresae memine la ketre nekö trahmany?

(b) Nemene la aqane ini së hnene la thiina i Rutha göne la ihnim nyipici? (Rutha 3:​10; 1 Kor. 13:​4, 5)

4. E jë la Rutha 4:​7-​17.

Tune kaa la aqane tro la itre Keresiano trahmanyi enehila a tui Boaza? (Rutha 4:​9, 10; 1 Tim. 3:​1, 12, 13; 5:8)

Edromë 52

Gideona Me 300 Lao Sooce i Angeic

1. Tune kaa la aqane traqa itrai la itre jol koi angetre Isaraela, nge pine nemene lai?

2. Pine nemen matre Iehova a qaja koi Gideona, ka hape, tru catre pala ha hnei sooce i angeic?

3. Ala ije la itre trahmanyi ka lapa pe, thupene la hnei Gideona hna upe la itre ka xou troa isa bëeke hmaca kowe la isa hnalapa i angatr?

4. Jëne la iatr, qaja jë la aqane uthe acon hnei Iehova la etrun la itre sooce i Gideona uti hë la 300 ju pe hi la etru i angatr.

5. Tune kaa la aqane thawa Gideona la itre sooce i angeic ka ala 300, nge tune kaa la aqane hun Isaraela ngöne la isi?

Itre xaa hnying:

1. E jë la Angete Amekötin 6:​36-​40.

(a) Tune kaa la aqane mama me xecie hnyawa koi Gideona la aja i Iehova?

(b) Nemene la aqane atrepengöne hne së la aja i Iehova koi së enehila? (Ite edomë 2:​3-6; Mat. 7:​7-​11; 2 Tim. 3:​16, 17)

2. E jë la Angete Amekötin 7:​1-​25.

(a) Nemene la ini hne së hna kapa qa ngöne la aqane ujë ne lo lai ala 300 ka hmek, memine lo itre sooc ka thaa hane kö amamane, ka hape, angatr a hmek? (A. ame. 7:​3, 6; Rom. 13:​11, 12; Efe. 5:​15-​17)

(b) Tune la aqane kapa la ini hnene la ala 300 ngöne la angatr a goeë Gideona, tune kaa la aqane tro së a kapa la ini e hne së hna goeë Iesu Keriso lo Gideona ka tru? (A. ame. 7:​17; Mat. 11:​29, 30; 28:​19, 20; 1 Pet. 2:​21)

(c) Nemene la aqane xatua së hnene la tusi Angete Amekötin 7:​21, troa nyihluei Iehova cememine la madrine ngöne la götrane hna athipe koi së ngöne la organizasio i Nyidrë? (1 Kor. 4:2; 12:​14-​18; Iako. 4:​10)

3. E jë la Angete Amekötin 8:​1-3.

Ame ngöne la easë a nango iwesitrë memine la ketre trejine trahmany maine föe pena, nemene la ini hne së hna kapa qa ngöne la aqane isenyine hnei Gideona ngöne la kola thele iwesitrë koi angeic hnei angetre Eferaima? (Ite edomë 15:1; Mat. 5:​23, 24; Luka 9:​48)

Edromë 53

Hna Sisiny Hnei Iefetha

1. Drei lae Iefetha, nge ka mele angeice ekö ngöne nemene ijin?

2. Nemene la hna sisinyi fë hnei Iefetha koi Iehova?

3. Pine nemen matre kola hleuhleu hnei Iefetha ngöne la nyidrëti a bëeke hmaca kowe la hnalapa i nyidrë thupene la hna ngaa angetre Amona?

4. Nemene la hna qaja hnene la nekö i Iefetha jajiny ngöne la angeic a atre la hna sisinyi fë hnei keme i angeic?

5. Pine nemen matre kola hnime hnene la nöj la nekö i Iefetha jajiny?

Itre xaa hnying:

1. E jë la Angete Amekötin 10:​6-​18.

Nemene la ewekë nyine tro sa hmekën ngöne la kola qaja amamane la pë lapaune ne la itretre Isaraela koi Iehova? (A. ame. 10:​6, 15, 16; Rom. 15:4; Hna ama. 2:​10)

2. E jë la Angete Amekötin 11:​1-​11, 29-​40.

(a) Hne së hna atre tune kaa laka hnei Iefetha hna nue la nekö i nyidrë ceitune me “huje ne deuth,” a thaa kolo kö a troa huujë angeic ngöne la eë? (A. ame. 11:31; Lev. 16:24; Deu. 18:​10, 12)

(b) Tune kaa la aqane upe hnei Iefetha la nekö i nyidrë jajiny matre nyine huuj?

(c) Nemene la ini hne së hna kapa qa ngöne la aqane ujë i Iefetha ngöne la nyidrëti a sa xepu koi Iehova? (A. ame. 11:​35, 39; Ate Cai. 5:​4, 5; Mat. 16:24)

(d) Tune kaa la aqane amamane hnene la nekö i Iefetha jajiny la ketre tulu ka loi kowe la itre thöth Keresiano, ene la troa nue la mele i angatr ka pexej troa cainöje trootro? (A. ame. 11:​36; Mat. 6:​33; Fil. 3:8)

Edromë 54

Atr Tru Trenge Catr

1. Drei la ëjene la ketre atr ka tru trenge catr ekö, nge drei la ka hamë nyidrë la trenge catre cili?

2. Ame ngöne la ketre ijin, nemene la hna kuca hnei Samasona kowe la ketre liona ka tru, tune la hna amamane hnene cahu iatr?

3. Ame ngöne cahu iatr, nemene la mekune ka sihngödr hna qajaqaja hnei Samasona koi Delila, nge pine la ewekë cili, tune kaa la aqane xölehuji Samasona hnei angetre Filisiti?

4. Tune kaa la aqane ce meci Samasona memine la itre ithupëjia ne Filisiti ka ala 3 000 la etrun?

Itre xaa hnying:

1. E jë la Angete Amekötin 13:​1-​14.

Tune kaa la tulu ka loi hna hamën hnei Manoa me föi angeic, ngöne la aqane tro la itre keme me thin a hetrun la itre nekö i angatr? (A. ame. 13:8; Sal. 127:3; Efe. 6:4)

2. E jë la Angete Amekötin 14:​5-9 me 15:​9-​16.

(a) Nemene la aqane mama laka eje thei Samasona la uati hmitrötre i Iehova, ngöne la kola humuthe hnei angeic la Liona, me axecien la itre eno ka hnöthi angeic, me xome la jun enaji ne la asina me lepe humuthe la nöjei atr ka caa thauzan?

(b) Nemene la aqane xatua së enehila hnene la uati hmitrötr? (A. ame. 14:6; 15:14; Zaka. 4:6; Ite hu. 4:​31)

3. E jë la Angete Amekötin 16:​18-31.

Tune kaa la pune koi Samasona qa ngöne la hnei angeic hna ce mele memine la itre atr ka ngazo, nge nemene la ini hne së hna kapa qa ngöne lai? (A. ame. 16:​18, 19; 1 Kor. 15:33)

Edromë 55

Nekönatr a Nyihlue i Akötresie

1. Drei la ëjene la nekönatre trahmanyi ka co ngöne la iatr, nge drei lai itre ka cile ezi angeic?

2. Nemene la thith i Hana ngöne la ketre ijine eahlo e hnine la uma ne heta i Iehova, nge tune kaa la aqane kapa Iehova la sipo i eahlo?

3. Ije macatre i Samuela ngöne la angeic a nyiqaane nyihlue i Iehova hnine la uma ne heta i Nyidrë, nge nemene la hna kuca hnene la thine i angeic ngöne la nöjei macatre?

4. Drei la ëjene la itre nekö i Eli, nge tune kaa la pengö i angatr?

5. Tune kaa la aqane hë Samuela hnei Iehova, nge nemene la maca hnei Nyidrëti hna hamë angeic?

6. Nemene hë la hnëqa hna cilën hnei Samuela ngöne la angeic a tru, nge nemene la ewekë ka traqa ngöne la nyidrëti a qatr?

Itre xaa hnying:

1. E jë la 1 Samuela 1:​1-​28.

(a) Nemene la tulu ka loi hna amë pe hnei Elekana kowe la itre hene la hnepe lapa ngöne la aqane troa elemeken la huliwa ngöne la nyipi hmi? (1 Sam. 1:​3, 21; Mat. 6:​33; Fil. 1:​10)

(b) Nemene la ini hne së hna xom qa ngöne la tulu hna amë pe hnei Hana göi troa cile kowe la itre ewekë ka jol e troa trotrohnin? (1 Sam. 1:​10, 11; Sal. 55:22; Rom. 12:12)

2. E jë la 1 Samuela 2:​11-​36.

Tune kaa la aqane atrune Eli la itre nekö i nyidrë hui Iehova, nge nemene la hna hmekë së hnene la ewekë cili? (1 Sam. 2:​22-​24, 27, 29; Deu. 21:​18-​21; Mat. 10:​36, 37)

3. E jë la 1 Samuela 4:​16-​18.

Nemene la foa lao hulö ka xulu qa ngöne la hna isi, nge nemene la thangane lai koi Eli?

4. E jë la 1 Samuela 8:​4-9.

Tune kaa la aqane catre akötrë Iehova hnei angetre Isaraela, nge nemene la aqane tro sa catre sajuën me mele nyipici kowe la Baselaia i Nyidrë enehila? (1 Sam. 8:​5, 7; Ioane 17:16; Iako. 4:4)

Edromë 56

Saulo​—Pane Joxu Ne Isaraela

1. Ame ngöne la iatr, nemene la hna kuca hnei Samuela, nge nemene kepine lai?

2. Pine nemen matre Iehova a aja Saulo troa joxu, nge nemene la pengö i Saulo?

3. Nemene la ëjene la nekö i Saulo trahmany, nge nemene la hna kuca hnei nyën?

4. Pine nemen matre kola ketre sipu huuj hnei Saulo ngo thaa treqe Samuela pe?

5. Nemene la itre ini nyine tro sa xom qa ngöne la itre ewekë ka traqa koi Saulo?

Itre xaa hnying:

1. E jë la 1 Samuela 9:​15-​21 me 10:​17-​27.

Troa xatua së tune kaa hnene la aqane qahmihmi Saulo, matre thaa tro kö sa huliwa menu ngöne la kola ithanata akökötrenyi koi së hnene la itre xaa atr? (1 Sam. 9:​21; 10:​21, 22, 27; Ite edomë 17:27)

2. E jë la 1 Samuela 13:​5-​14.

Nemene la ngazo hna kuca hnei Saulo e Gilegala? (1 Sam. 10:8; 13:​8, 9, 13)

3. E jë la 1 Samuela 15:​1-​35.

(a) Nemene la ngazo ka tru hna kuca hnei Saulo göi Agaga joxu i angetre Amaleka? (1 Sam. 15:​2, 3, 8, 9, 22)

(b) Tune kaa la aqane thele kepin hnei Saulo la itre huliwa i angeic me upezöne la itre xan la ngazo? (1 Sam. 15:24)

(c) Nemene la nyine tro sa thupëne hnyawa enehila ngöne la kola hamë eamo koi së? (1 Sam. 15:​19-​21; Sal. 141:5; Ite edomë 9:​8, 9; 11:2)

Edromë 57

Akötresie a Ië Davita

1. Drei la ëjene la nekönatr trahmanyi ngöne la iatr, nge easë a atre tune kaa laka ka pëkö hnei nyën hna xouen?

2. Atre kaa lae Davita, nge drei la ëjene la keme me thine i angeic me qaqaa i angeic?

3. Pine nemen matre Iehova a upi Samuela kowe la hnalapa i Iese e Betheleema?

4. Nemene la ewekë ka traqa ngöne la kola traqa fë hnei Iese koi Samuela la sevene lao nekö i nyidrë trahmany?

5. Nemene la hnei Iehova hna qaja koi Samuela ngöne la kola traqa sai Davita?

Itre xaa hnying:

1. E jë la 1 Samuela 17:​34, 35.

Tune kaa la aqane qaja atrune hnene la itre ewekë celë la trenge catre i Davita memine la mejiune i angeic koi Iehova? (1 Sam. 17:37)

2. E jë la 1 Samuela 16:​1-​14.

(a) Nemene la aqane xatua së hnene la itre trenge ewekë i Iehova ngöne 1 Samuela 16:​7, matre thaa tro kö së a ië hna hnim, me neën wanga troa amenu së hnene la ewekë hne së hna öhn hnei lue meke së? (Ite hu. 10:​34, 35; 1 Tim. 2:4)

(b) Nemene la hna amamane jëne la tulu i Saulo laka ame la Iehova a xome qaathene la ketre atr la uati hmitrötre i nyidrë, kolo hi lai a nyihnane pe hnene la ketre ua ka ngazo, maine kola catrehnine la aja troa kuca la ngazo? (1 Sam. 16:14; Mat. 12:​43-​45; Gal. 5:​16)

Edromë 58

Davita Me Goliatha

1. Nemene la aqane nyiisine la trongene isi angetre Isaraela hnei Goliatha?

2. Tune kaa la eqea i Goliatha, nge nemene la thupen hna ahnith hnei Saulo joxu kowe la atr ka troa humuthi Goliatha?

3. Nemene la hnei Davita hna sa lo Saulo a qaja koi angeic, ka hape, thaa ijiji angeice kö troa isi me Goliatha pine laka nekönatre angeic?

4. Nemene la ka amamane ngöne la aqane sa i Davita koi Goliatha, la mejiune i angeice koi Iehova?

5. Tune la hna amamane e cahu ngöne iatr, nemene la hnei Davita hna xom nyine troa humuthi Goliatha, nge nemene la ewekë ka traqa thupene lai kowe la angetre Filisiti?

Itre xaa hnying:

1. E jë la 1 Samuela 17:​1-​54.

(a) Nemene la kepin matre pëkö xou thei Davita, nge tune kaa la aqane tro sa xötrethenge la aqane catre i angeic? (1 Sam. 17:​37, 45; Efe. 6:​10, 11)

(b) Pine nemen matre loi e tro la itre Keresiano a thipetrij la mekun ne troa pi hun tui Goliatha, ngöne la angatr a kuca la itre elo maine itre nyine madrine pena? (1 Sam. 17:8; Gal. 5:​26; 1 Tim. 4:8)

(c) Nemene la aqane mama ngöne la itre trenge ewekë i Davita laka hnei angeic hna lapaune kowe la ixatua i Akötresie? (1 Sam. 17:​45-​47; 2 A. l. ite jo. 20:15)

(d) Pine laka thaa kolo hmekuje kö a qejepengöne la icilekeu ne la lue trongene isi, haawe, tune kaa la aqane amamane hnyawa hnene la ewekë cili laka kola isi hnene la itre haze ka thoi memine la nyipi Akötresie ene Iehova? (1 Sam. 17:​43, 46, 47)

(e) Tune kaa la aqane xötrethenge la tulu i Davita hnene lo itre thelen hna iën, ene la troa mejiune koi Iehova? (1 Sam. 17:37; Iere. 1:​17-​19; Hna ama. 12:​17)

Edromë 59

Kepin La Kötre i Davita

1. Pine nemen matre kola zalu hnei Saulo koi Davita, ngo tune kaa pena ha la aqane ujë i Ionathana nekö i Saulo?

2. Nemene la ewekë ka traqa ngöne la ketre ijin kola elo kitara hnei Davita koi Saulo?

3. Thenge la hna qaja hnei Saulo, nemene la nyine tro Davita a kuca qëmekene tro angeic a xomi Mikala nekö i Saulo jajiny nyine föi angeic, nge nemene kepin matre Saulo a qaja lai ewekë cili?

4. Ame ngöne la Davita a elo kitara koi Saulo, nemene la ewekë ka traqa a hnaakönine hë lai, tune la hna amamane ngöne cahu iatr?

5. Tune kaa la aqane xatua Davita hnei Mikala troa kötre mel, nge nemene pë hë la hna melën hnei Davita e sevene lao macatre?

Itre xaa hnying:

1. E jë la 1 Samuela 18:​1-​30.

(a) Tune kaa la aqane nyi iahnuen hnene la ihnimi Ionathana koi Davita, la ihnimi ne la “ite xa mamoe” memine la “hnënge mamoe ka xalaith”? (1 Sam. 18:1; Ioane 10:16; Luka 12:32; Zaka. 8:​23)

(b) Maine ju tre Ionathana la ka troa nyihnai Saulo troa joxu, ke angeic la matran, ngo tune kaa la aqane amamane ngöne 1 Samuela 18:4, ka hape, Ionathana a ipië kowe la atr hna iën troa joxu?

(c) Nemene la aqane amamane hnene la tulu i Saulo laka, ame la pun la izalukeu tre troa kuca la ketre ngazo ka tru, nge kolo lai a hmekë së troa u? (1 Sam. 18:​7-9, 25; Iako. 3:​14-​16)

2. E jë la 1 Samuela 19:​1-​17.

Nemene la aqane amamane hnene la itre trenge ewekë i Ionathana ngöne 1 Samuela 19:​4, 5, laka angeic a nue la sipu mele i angeic? (1 Sam. 19:1, 6)

Edromë 60

Abigaila Me Davita

1. Drei la ëjene la föe ka tro koi Davita ngöne la iatr, nge nemene la pengö i eahlo?

2. Drei lae Nabala?

3. Pine nemen matre Davita a upe la itre atre i angeic troa sipo koi Nabala?

4. Nemene la hnei Nabala hna qaja kowe la itre atre i Davita, nge tune kaa la aqane ujë i Davita?

5. Tune kaa la aqane amamane Abigaila laka föe ka inamacane nyiidro?

Itre xaa hnying:

1. E jë la 1 Samuela 22:​1-4.

Tune kaa la aqane amamai tulu ka loi hnene la hnepe lapa i Davita, ngöne la aqane tro sa ixatuanekeune la itre jol ka eje the së itre trejine Keresiano? (Ite edomë 17:17; 1 Thes. 5:​14)

2. E jë la 1 Samuela 25:​1-​43.

(a) Pine nemen matre kola qeje Nabala tune la ketre atr ka pëkö ihnim? (1 Sam. 25:​2-5, 10, 14, 21, 25)

(b) Nemene la ini hna kapa hnene la itre Keresiano föe qa ngöne la tulu i Abigaila? (1 Sam. 25:​32, 33; Ite edomë 31:26; Efe. 5:24)

(c) Nemene la lue ewekë ka ngazo hna sewe Davita troa kuca hnei Abigaila? (1 Sam. 25:​31, 33; Rom. 12:​19; Efe. 4:26)

(d) Tro la aqane ujë i Davita kowe la itre trenge ewekë i Abigaila a xatuane tune kaa la itre trahmanyi enehila, matre troa xome pala hi la mekuna i Iehova göne la itre föe? (Ite hu. 21:​8, 9; Rom. 2:​11; 1 Pet. 3:7)

Edromë 61

Kola Acili Joxu Davita

1. Nemene la hna kuca hnei Davita me Abisai ngöne la kola meköle hnei Saulo ngöne la hna mano hnei angeic?

2. Nemene la itre hnyinge i Davita koi Saulo?

3. Thupene la hna tro triji Saulo, ekaa la hna tro kow hnei Davita?

4. Nemene la ka ahleuhleun la mele i Davita, ene pe angeic a sile jë la ketre nyima ka lolo e troa dreng?

5. Ije macatre i Davita ngöne la kola acili angeic troa joxu e Heberona, nge drei la ëjene la itre xaa nekö i angeic?

6. Ekaa pë hë la traon hnei Davita hna musi ngön thupene la hna sië angeic troa joxu?

Itre xaa hnying:

1. E jë la 1 Samuela 26:​1-​25.

(a) Nemene la hna amamane hnene la itre trenge ewekë i Davita ngöne 1 Samuela 26:​11, göne la aqane tro sa ujë kowe la hna amekötin hnei Akötresie? (Sal. 37:7; Rom. 13:2)

(b) Maine easë a catre thel troa amamane la ihnimi së ngo kolo pe a ngazo catr la aqane ujë koi së, haawe, tune kaa la aqane tro la itre trenge ewekë i Davita ngöne 1 Samuela 26:23 a xatua së troa hetrenyi la aqane waiewekë ka lolo? (1 Ite jo. 8:​32; Sal. 18:20)

2. E jë la 2 Samuela 1:​26.

Tune kaa la aqane tro la itre Keresiano enehila a “ihnimikeu cat” tui Davita me Ionathana? (1 Pet. 4:8; Kol. 3:​14; 1 Ioane 4:​12)

3. E jë la 2 Samuela 5:​1-​10.

(a) Ije macatre ne musi Davita joxu, nge tune kaa la aqane trongene lai itre ijine musi nyidrë? (2 Sam. 5:​4, 5)

(b) Qaathei drei la hlemu loi i Davita, nge kolo lai a amekunë së la nemen enehila? (2 Sam. 5:​10; 1 Sam. 16:13; 1 Kor. 1:​31; Fil. 4:​13)

Edromë 62

Jol Ngöne La Uma i Davita

1. Jëne la ixatua i Iehova, nemene hë la ewekë ka traqa kowe la nöj e Kanana?

2. Nemene la ka traqa ngöne la ketre heji ne Davita a cile hune la uma i nyidrë?

3. Pine nemen matre Iehova a elëhni atraqatre koi Davita?

4. Ngöne la iatr, drei la hnei Iehova hna upe troa qaja amamane koi Davita la itre ngazo i angeic, nge nemene la hna qaja hnene cahu atr koi Davita göne la itre ewekë ka troa traqa koi nyidrë?

5. Nemene la jole ka traqa koi Davita?

6. Drei la joxu ne Isaraela thupe i Davita?

Itre xaa hnying:

1. E jë la 2 Samuela 11:​1-​27.

(a) Tune kaa la aqane troa thupë së hnene laka easë a catre kuca la huliwa i Iehova?

(b) Tune kaa lo aqane kei Davita hnine la ngazo, nge nemene la hna hmekë së itre hlue i Iehova enehila qa ngöne la tria cili? (2 Sam. 11:2; Mat. 5:​27-29; 1 Kor. 10:12; Iako. 1:​14, 15)

2. E jë la 2 Samuela 12:​1-​18.

(a) Nemene la ini hna kapa hnene la itre qatre thup memine la itre keme me thin, qa ngöne la aqane tro fë ithanata i Nathana koi Davita matre troa eamo angeic? (2 Sam. 12:​1-4; Ite edomë 12:18; Mat. 13:34)

(b) Pine nemen matre kola nuetrije hnei Iehova la ngazo i Davita? (2 Sam. 12:13; Sal. 32:5; 2 Kor. 7:​9, 10)

Edromë 63

Solomona Joxu Ka Inamacan

1. Nemene la hnei Iehova hna hnyingëne koi Solomona, nge tune kaa la aqane sa i angeic?

2. Pine laka Iehova a madrin la sipo i Solomona, nemene la hna thingehnaean hnei Nyidrë troa hamëne koi angeic?

3. Nemene la ketre jole ka tru hna traqa fë koi Solomona hnene la lue föe?

4. Tune cahu hna amamane ngöne la iatr, tune kaa la aqane senge Solomona la jol?

5. Hna aceitunën me nemen la mus i Solomona, nge pine nemen?

Itre xaa hnying:

1. E jë la 1 Ite Joxu 3:​3-​28.

(a) Nemene la aqane tro la itre trenge ewekë i Solomona ngöne 1 Ite Joxu 3:7 a nyine ini kowe la itre trahmany ka cilën la itre hnëqa e hnine la organizasio i Akötresie? (Sal. 119:105; Ite edomë 3:​5, 6)

(b) Tune kaa la aqane tro sa xötrethenge la tulu ka lolo i Solomona, ngöne laka hnei nyidrë hna sipone jëne la thith la itre nyipi ewekë? (1 Ite jo. 3:​9, 11; Ite edomë 30:​8, 9; 1 Ioane 5:14)

(c) Nemene la mejiune ka eje the së ngöne la aqane troa musi elanyi la Solomona Ka Tru, ene Iesu Keriso ngöne la easë a goeëne la aqane senge Solomona la jol ka eje thene la lue föe? (1 Ite jo. 3:​28; Is. 9:​6, 7; 11:​2-4)

2. E jë la 1 Ite Joxu 4:​29-​34.

(a) Tune kaa la aqane sa i Iehova la sipo i Solomona ene la troa hetre hni ne drengethenge? (1 Ite jo. 4:​29)

(b) Ngöne laka kola catre thele hnene la itre atr troa drenge la inamacane i Solomona, nemene la aqane tro sa isa wange la aqane troa inine la Wesi Ula i Akötresie? (1 Ite jo. 4:​29, 34; Ioane 17:3; 2 Tim. 3:​16)

Edromë 64

Solomona a Xupe La Ēnē

1. Ije macatre ne xupe Solomona la ēnē i Iehova uti hë la umuthe ej, nge pine nemen matre tru catr la thupen ej?

2. Ije uma ka tru hnine la ēnē, nge nemene la hna amë hnine la hnahag?

3. Nemene la hna qaja hnei Solomona ngöne la thith i angeic hmekune la kola umuthe la ēnē?

4. Tune kaa la aqane amamane Iehova laka Nyidrëti a madrine la thith i Solomona?

5. Nemene la hna huli Solomona troa kuca hnene la itre föe i angeic, nge nemene la ewekë ka traqa koi Solomona?

6. Pine nemen matre kola elëhni hnei Iehova koi Solomona, nge nemene la hnei Iehova hna qaja koi angeic?

Itre xaa hnying:

1. E jë la 1 Aqane lapa ite joxu 28:​9, 10.

Thenge la itre trenge ewekë i Davita ngöne 1 Aqane lapa ite joxu 28:​9, 10, nemene la nyine tro sa catre kuca ngöne la itre drai ne mele së? (Sal. 19:14; Fil. 4:​8, 9)

2. E jë la 2 Aqane lapa ite joxu 6:​12-​21, 32-​42.

(a) Nemene la aqane amamane i Solomona laka pëkö atr ka atreine troa xupe la ketre uma nyine troa hnen la Akötresie Ka Pucatin Asë? (2 A. l. ite jo. 6:​18; Ite hul. 17:​24, 25)

(b) Nemene la hna amamane hnene la itre trenge ewekë i Solomona ngöne 2 Aqane lapa ite joxu 2:​32, 33 göi Iehova? (Ite hul. 10:​34, 35; Gal. 2:6)

3. E jë la 2 Aqane lapa ite joxu 7:​1-5.

Tune lo aqane upe la itre nekö i Isaraela trahmanyi troa atrunyi Iehova ngöne la angatr a öhne la lolo i Nyidrë, tune kaa la aqane troa ketri së enehila ngöne la easë a goeëne la aqane amanathithine la nöje i Nyidrë? (2 A. l. ite jo. 7:3; Sal. 22:22; 34:1; 96:2)

4. E jë la 1 Ite Joxu 11:​9-​13.

Tune kaa la aqane amamane hnene la mele i Solomona la enyipiewekën la troa mele nyipici uti hë la pun? (1 Ite jo. 11:​4, 9; Mat. 10:22; Hna ama. 2:​10)

Edromë 65

Kaqa Ha La Baselaia

1. Drei la itre ëjene cahu lue trahmany ngöne la iatr, nge nemene la pengö i nyidro?

2. Nemene la hnei Ahia hna kuca kowe la iheetre i nyidrë, nge nemene la aliene lai?

3. Nemene la hnei Solomona hna thele troa kuca koi Ieroboama?

4. Pine nemen matre kola acili Ieroboama hnene la nöj hune la treen lao tribu?

5. Pine nemen matre kola kuca hnei Ieroboama la lue neköi kau gool, nge nemene ju fe kö la ewekë ka traqa kowe la nöj?

6. Nemene la ewekë ka traqa kowe la baselaia ne la lue tribu, me kowe la ēnē i Iehova e Ierusalema?

Itre xaa hnying:

1. E jë la 1 Ite Joxu 11:​26-​43.

Nemene la pengö i Ieroboama, nge nemene la hnei Iehova hna thingehnaean koi angeic e tro angeic a trongëne hnyawa la itre wathebo i Nyidrë? (1 ite jo. 11:​28, 38)

2. E jë la 1 Ite Joxu 12:​1-​33.

(a) Qa ngöne la thiina ka ngazo i Reoboama, nemene la ini hna troa xome hnene la itre keme me thin me itre qatre thup göne la itre ka sasaithi tulu la aqane mus? (1 Ite jo. 12:13; Ate Cai. 7:7; 1 Pet. 5:2, 3)

(b) Tro la itre thöth enehila a ujë koi drei matre troa thele ixatua ngöne la angatr a troa axeciëne la itre mekune ka tru ngöne la mele i angatr? (1 Ite jo. 12:​6, 7; Ite edomë 1:​8, 9; 2 Tim. 3:​16, 17; Heb. 13:7)

(c) Nemene la ka uku Ieroboama troa kuca la lue hnë troa thili kowe la neköi kau, nge tune kaa la aqane amamane hnene la ewekë cili laka pë hnyawa ha lapaune i angeic koi Iehova? (1 Ite jo. 11:​37; 12:​26-​28)

(d) Drei la ka ukune la itre atren la baselaia ne la treen lao tribu troa icilekeu memine la nyipi hmi? (1 Ite jo. 12:​32, 33)

Edromë 66

Iezebela​—Isola Nge Joxu Ka Ngazo

1. Drei lae Iezebela?

2. Pine nemen matre kola hlehleu ngöne la ketre drai hnei Ahaba joxu?

3. Nemene la hna kuca hnei Iezebela matre tro la föi angeic a xome la hnënge vine i Nabotha?

4. Drei la hnei Iehova hna upe matre troa nyithupene la ngazo i Iezebela?

5. Tune la hna amamane ngöne la iatr, nemene la ewekë ka traqa ngöne la Iehu a traqa ngöne iuma i Iezebela?

Itre xaa hnying:

1. E jë la 1 Ite Joxu 16:​29-​33 me 18:​3, 4.

Nemene la etrune la ngazo e Isaraela ngöne lo ijine kola musi hnei Ahaba Joxu? (1 Ite jo. 14:9)

2. E jë la 1 Ite Joxu 21:​1-​16.

(a) Tune kaa la aqane amamane hnei Nabotha laka angeic a catr me mele nyipici koi Iehova? (1 Ite jo. 21:​1-3; Lev. 25:​23-​28)

(b) Nemene la ini hne së hna kapa qa ngöne la tulu i Ahaba, göne la aqane troa cile kowe la hleuhleu? (1 Ite jo. 21:4; Rom. 5:​3-5)

3. E jë la 2 Ite Joxu 9:​30-​37.

Nemene la ini hne së hna kapa qa ngöne la aqane catre i Iehu troa kuca la aja i Akötresie? (2 Ite jo. 9:​4-​10; 2 Kor. 9:​1, 2; 2 Tim. 4:2)

Edromë 67

Iehosafata a Lapaun Koi Iehova

1. Drei lae Iehosafata, nge ka mele nyidrë ngöne la hneijine kola musi hnei drei?

2. Pine nemen matre kola xou hnei angetre Isaraela, nge nemen la hna kuca hnene la ka ala nyim?

3. Nemene la aqane sa hnei Iehova la thith i Iehosafata?

4. Nemene la hna kuca hnei Iehova qëmekene troa isi?

5. Nemene la ini hne së hna xome qaathei Iehosafata?

Itre xaa hnying:

1. E jë la 2 Aqane lapa ite joxu 20:​1-​30.

(a) Tune kaa la aqane amamane Iehosafata la nyine troa kuca hnene la itre hlue i Akötresie ka nyipici ngöne la kola thele troa humuthi angatr? (2 A. l. ite jo. 20:12; Sal. 25:15; 62:1)

(b) Pine laka hnei Iehova pala hi hna xome la ketre jëne troa ithanata memine la nöje i Nyidrë, haawe, nemene la aqane ithanata Iehova enehila kowe la nöje i Nyidrë? (2 A. l. ite jo. 20:​14, 15; Mat. 24:​45-​47; Ioane 15:15)

(c) Ame la Akötresieti elanyi a troa nue la “ishi ngöne la drai atraqate i Akötesie Kapucatinasë,” nemene la eceitunene la itre ewekë ekö ka traqa koi Iehosafata memine la itre ewekë ka troa traqa koi së? (2 A. l. ite jo. 20:​15, 17; 32:8; Hna ama. 16:​14, 16)

(d) Ame la kola xötrethenge hnene la itre pionie me itre mesinare la tulu ne la angetre Levi, nemene la ixatua hnei angatr hna hane hamën kowe la huliwa ne cainöj e cailo fen ngöne la hnedrai së enehila? (2 A. l. ite jo. 20:19; Rom. 10:​13-​15; 2 Tim. 4:2)

Edromë 68

Lue Nekö Trahmany Ka Mele Hmaca

1. Drei la köni atr ka mama ngöne la iatr, nge nemene la ewekë ka traqa kowe la nekö trahmany ka co?

2. Nemene la hnei Elia hna thithi fë göne la nekö trahmany ka co, nge nemene la ewekë ka traqa thupene lai?

3. Drei la ëjene la atr ka xatua Elia?

4. Pine nemen matre kola hë Elisaia kowe la hnalapa ne la föe ne Sunema?

5. Nemene la hnei Elisaia hna kuca, nge nemene la ewekë ka traqa kowe la nekönatr ka mec?

6. Nemene la pengöne la mene i Iehova tune la hna amaman jëne Elia me Elisaia?

Itre xaa hnying:

1. E jë la 1 Ite Joxu 17:​8-​24.

(a) Tune kaa la aqane tupath la aqane drengethenge me lapaune i Elia? (1 Ite jo. 17:9; 19:​1-4, 10)

(b) Pine nemen matre sisitria catr la lapaune ne la föe ne Sarepeta? (1 Ite jo. 17:​12-​16; Luka 4:​25, 26)

(c) Tune kaa la aqane anyipicin hnene la ewekë ka traqa kowe la sine föe ne Sarepeta, la itre trenge ewekë i Iesu hna cinyihane ngöne la tusi Mataio 10:​41, 42? (1 Ite jo. 17:​10-​12, 17, 23, 24)

2. E jë la 2 Ite Joxu 4:​8-​37.

(a) Nemene la ini hne së hna kapa qa ngöne la aqane ikepi ne la sine föe ne Sunema? (2 Ite jo. 4:8; Luka 6:​38; Rom. 12:13; 1 Ioane 3:​17)

(b) Nemene la itre aqane tro sa amamane la hni ka menyike së kowe la itre hlue i Akötresie enehila? (Ite hu. 20:35; 28:​1, 2; Gal. 6:​9, 10; Heb. 6:​10)

Edromë 69

Ixatua Ne La Nekönatr Jajiny

1. Ame ngöne la iatr, nemene la hna qaja hnene la nekö jajiny ka ithanata memine la isola?

2. Drei la isola ngöne la iatr, nge nemene la hna kuca hnene la nekö jajiny ngöne la hnalapa ne la isola?

3. Nemene la hnei Elisaia hna upe la hlue i angeic troa qaja koi Naamana, nge pine nemen matre kola elëhni hnei Naamana?

4. Nemene la ewekë ka traqa ngöne la kola dreng hnei Naamana la itre hlue i nyidrë?

5. Pine nemen matre kola thipën hnei Elisaia la ahnahna qaathei Naamana, ngo nemene la hna kuca hnei Gehazi?

6. Nemene la ewekë ka traqa koi Gehazi, nge nemene la ini hne së hna xome qa ngöne lai?

Itre xaa hnying:

1. E jë la 2 Ite Joxu 5:​1-​27.

(a) Nemene la aqane xatuane la itre thöth enehila hnene la tulu hna amë pe hnene la nekö jajinyi ne Isaraela? (2 Ite jo. 5:3; Sal. 8:2; 148:​12, 13)

(b) Pine nemen matre ka loi e troa lapa mekune la tulu i Naamana ngöne la easë a kapa la ketre eamo qa hnine la Tusi Hmitrötr? (2 Ite jo. 5:​15; Heb. 12:​5, 6; Iako. 4:6)

(c) Nemene la itre ini hne së hna xome qa ngöne la eisapengöi Elisaia me Gehazi? (2 Ite jo. 5:​9, 10, 14-​16, 20; Mat. 10:8; Ite hu. 5:​1-5; 2 Kor. 2:​17)

Edromë 70

Iona Memine La Ie Atraqatr

1. Drei lae Iona, nge nemene la hnei Iehova hna upi angeic troa kuca?

2. Pine laka hnei Iona hna xele ma tro kowe la götrane hna upi angeic kow hnei Iehova, nemene la hnei angeic hna kuca?

3. Nemene la hnei Iona hna qaja kowe la itre matelo matre upu ju la eny?

4. Tune la hna amaman ngöne la iatr, nemene la ewekë ka traqa ngöne la kola lö trootro hnei Iona hnine la tim?

5. Ije drai ne lapa Iona hnine la ie ka tru, nge nemene la hnei angeic hna kuca e cili?

6. Ekaa la hnei Iona hna tro kow thupene la hna hmitra angeic hnene lai ie ka tru, nge nemene la ini hne së hna xome qa ngöne lai?

Itre xaa hnying:

1. E jë la Iona 1:​1-​17.

Tune kaa la aqane mekune i angeic kowe la hnëqa hna athipe koi angeic, ene la troa cainöje kowe la itretre Nineve? (Iona 1:​2, 3; Ite edomë 3:7; Ate Cai. 8:​12)

2. E jë la Iona 2:​1, 2, 10.

Nemene la ini nyine tro sa xom qa ngöne la ewekë ka traqa koi Iona nyine acatren la mejiune së ka hape, tro Iehova a sa la itre thithi së? (Sal. 22:24; 34:6; 1 Ioane 5:​14)

3. E jë Iona 3:​1-​10.

(a) Nemene la ixatua hne së hna kapa qa ngöne laka, Iehova pala hi a kepe Iona me upi angeice ngacama hnei angeic hna kötrene lo lai hnëqa i angeic? (Sal. 103:14; 1 Pet. 5:​10)

(b) Nemene la ini hne së hna kapa qa ngöne la aqane ujë i Iona kowe la itretre Nineve, ngöne la troa iwangatrehmekunyi atr ngöne la teritoare së? (Iona 3:​6-9; Ate Cai. 11:6; Ite hu. 13:48)

Edromë 71

Akötresie a Thingehnaean La Paradraiso

1. Drei lae Isaia, eu la angeic a mel, nge nemene la hnei Iehova hna amamane koi angeic?

2. Nemene la aliene la hnëewekë hna hape “paradraiso,” nge nemene la hna amekunë së hnene lai?

3. Nemene la hnei Iehova hna upi Isaia troa cinyihan göne la Paradraiso ka hnyipixe?

4. Pine nemen matre aluuzine pi hnei Adamu me Eva la hnalapa i nyidro ka mingöming?

5. Nemene la hnei Iehova hna thingehnaean kowe la itre atr ka hnimi Nyidrë?

Itre xaa hnying:

1. E jë la Isaia 11:​6-9.

(a) Tune kaa la aqane sija hnene la Wesi Ula i Akötresie la tingeting ka troa ej thene la itre öni memine la itre atr ngöne la fene ka hnyipixe? (Sal. 148:​10, 13; Is. 65:25; Ezek. 34:25)

(b) Nemene la aqane eatr ngöne la götrane la ua la itre trenge ewekë i Isaia, hune la nöje i Iehova enehila? (Rom. 12:2; Efe. 4:​23, 24)

(c) Drei la ka ijij troa saze la thiina ne la atr enehila me elanyi ngöne la fene ka hnyipixe? (Is. 48:​17, 18; Gal. 5:​22, 23; Fil. 4:7)

2. E jë la Hna Amamane 21:​3, 4.

(a) Tune kaa la aqane amamane hnene la Tusi Hmitrötr laka ame la Akötresie a lapa the së, tre, kolo lai a hape ce nyidrëti me easë ngöne la ua ngo thaa ngöne ngönetrei kö e celë fen? (Lev. 26:​11, 12; 2 A. l. ite jo. 6:​18; Is. 66:1; Hna ama. 21:​2, 3, 22-​24)

(b) Nemene la pengöne trenge timidra me akötr ka troa paatr elany? (Luka 8:​49-​52; Rom. 8:​21, 22; Hna ama. 21:4)

Edromë 72

Akötresie a Xatua Hezekia

1. Drei cahu trahmanyi ngöne la iatr, nge pine nemen matre tru catr la itre jol ka traqa koi nyidrë?

2. Nemene la itre tus hna amë qëmeke i Akötresie, nge nemene la hna thithi fë hnei Hezekia?

3. Nemene joxu lae Hezekia, nge nemene la maca hnei Iehova hna upe koi angeic jëne Isaia perofeta?

4. Nemene la hna kuca hnene la angela i Iehova kowe la angetre Asuria tune cahu hna amaman ngöne la iatr?

5. Ngacama tingeting la baselaia ne la lue tribu, ngo nemene hë la ka traqa thupene la hna meci hnei Hezekia?

Itre xaa hnying:

1. E jë la 2 Ite Joxu 18:​1-​36.

(a) Tune kaa la aqane thel hnei Rabesake atre nyitrenge ewekë ne la joxu, matre troa ananazijën la lapaune ne la itretre Isaraela? (2 Ite jo. 18:​19, 21; Eso. 5:2; Sal. 64:3)

(b) Ame ngöne la angatr a cile kowe la itre atr ka icilekeu me angatr, tune kaa la aqane wanga atrun hnene la Itretre Anyipici Iehova la tulu i Hezekia? (2 Ite jo. 18:36; Sal. 39:1; Ite edomë 26:4; 2 Tim. 2:​24)

2. E jë la 2 Ite Joxu 19:​1-​37.

(a) Tune kaa la aqane xötrethenge enehila hnene la nöje i Iehova la tulu i Hezekia ngöne la itre ijine akötr? (2 Ite jo. 19:​1, 2; Ite edomë 3:​5, 6; Heb. 10:​24, 25; Iako. 5:​14, 15)

(b) Tune kaa lo köni aqane ngaa Saneribi joxu, nge drei la hnei angeic hna nyi iahnuen? (2 Ite jo. 19:​32, 35, 37; Hna ama. 20:​2, 3)

3. E jë la 2 Ite Joxu 21:​1-6, 16.

Pine nemen matre hna qeje Manase, ka hape, pëkö joxu ka ngazo ka tune ekö e Ierusalema? (2 A. l. ite jo. 33:4-6, 9)

Edromë 73

Joxu Tixenuë Ka Lolo Ekö e Isaraela

1. Ije macatre i Iosea ngöne la kola acili angeic troa joxu, nge nemene la hnei angeic hna nyiqaane troa kuca ngöne la sevene lao macatre ne musi angeic?

2. Nemene la hnei Iosea hna kuca ngöne la pane iatr?

3. Nemene la hna öhne hnene la atre huuj ka sisitria ngöne la kola nyihnyawane hmaca la ēnē?

4. Pine nemen matre kola zezene trije hnei Iosea la iheetre i angeic?

5. Nemene la aliene la maca i Iehova koi Iosea hna hamën hnene la perofeta föe Huleda la ëjen?

Itre xaa hnying:

1. E jë la 2 Aqane lapa ite joxu 34:​1-​28.

(a) Nemene la tulu hna hamën hnei Iosea kowe la itre ka xomihnineahoean la itre jol ngöne la angatr a nekönatr? (2 A. l. ite jo. 33:​21-​25; 34:​1, 2; Sal. 27:10)

(b) Nemene la itre ewekë ka tru hna kuca hnei Iosea matre troa akökötren la nyipi hmi ngöne la hnaaeitren, me hnaatruelofen, me hnaaeitrinene macatre ne musi nyidrë? (2 A. l. ite jo. 34:​3, 8)

(c) Nemene la itre ini hne së hna kapa jëne la itre tulu i Iosea joxu memine la Atre Huuj Ka Sisitria, ene Hilekia, ngöne la aqane tro sa nyihnyawane la itre hnë hmi së? (2 A. l. ite jo. 34:​9-​13; Ite edomë 11:14; 1 Kor. 10:31)

Edromë 74

Ketre Atr Ka Thaa Xou Kö

1. Drei la nekönatr trahmany ngöne la iatr?

2. Nemene la hnei Ieremia hna mekune ngöne la kola ië angeic troa perofeta, ngo nemene la hnei Iehova hna qaja koi angeic?

3. Nemene la maca hnei Ieremia hna catre qaja kowe la nöj?

4. Tune kaa la aqane thele hnene la itretre huuj troa sewe Ieremia troa kuca la hnëqa i angeic, ngo nemene la aqane amamane angeic laka thaa xoue angatre kö hnei angeic?

5. Nemene la pune la hna thaa saze hnei angetre Isaraela la itre jë i angatr ka ngazo?

Itre xaa hnying:

1. E jë la Ieremia 1:​1-8.

(a) Tune la hna amamane hnene la tulu i Ieremia, nemene la ka aijijën la ketre atr kowe la huliwa i Iehova? (2 Kor. 3:​5, 6)

(b) Nemene la ithuecatr hna hamën hnene la tulu i Ieremia kowe la itre thöth Keresiano enehila? (Ate Cai. 12:1; 1 Tim. 4:​12)

2. E jë la Ieremia 10:​1-5.

Nemene la ketre ceitun ka hetre thangane catr hna xome hnei Ieremia matre troa amamane laka ka gufa e troa mejiune kowe la itre idrola? (Iere. 10:5; Is. 46:7; Hab. 2:19)

3. E jë la Ieremia 26:​1-​16.

(a) Ame ngöne la kola qaja la maca nyine hmekën hnene la thelene hna iën enehila, tune kaa la aqane lapa fë hnyawa hnei angatr e kuhu itre hni angatr la trenge wathebo hna hamën hnei Iehova koi Ieremia, ene laka ‘thaa tro kö a juetrëne la ketre ewekë’? (Iere. 26:2; Deu. 4:2; Ite hu. 20:27)

(b) Nemene la ketre tulu ka loi hna hamën hnei Ieremia kowe la Itretre Anyipici Iehova ngöne la troa cainöjën la maca i Iehova kowe la itre nöje asë? (Iere. 26:​8, 12, 14, 15; 2 Tim. 4:​1-5)

4. E jë la 2 Ite Joxu 24:​1-​17.

Nemene la itre pune ka ngazo koi Iudra qa ngöne laka thaa hna mele nyipici kö koi Iehova? (2 Ite jo. 24:​2-4, 14)

Edromë 75

Foa Lao Nekö Trahmany e Babulona

1. Drei cahu foa lao nekö trahmany ngöne la iatr, nge pine nemen matre traqa pi angatr e Babulona?

2. Nemene la itre hna ajan hnei Nebukaneza kowe lai foa lao nekö trahmany, nge nemene la itre hnei nyidrë hna amekötin kowe la itre hlue i nyidrë?

3. Nemene la sipo i Daniela göi xen me nyine ij thatraqai angeic memine la köni sina tro i angeic?

4. Thupene la hnei Daniela memine la köni sina tro i angeic hna xeni hone sil ngöne la treen lao drai, tune kaa la eisapengöi angatr memine la itre xaa thöth?

5. Tune kaa la aqane traqa Daniela memine la köni sina tro i angeic ngöne la iuma ne la joxu, nge nemene la esisitria i angatr hune lo lai itretre huuj memine la itre ka inamacan?

Itre xaa hnying:

1. E jë la Daniela 1:​1-​21.

(a) Nemene la aqane tro sa catr matre tro sa cile kowe la itupath me hune la itre ngazo së? (Dan. 1:8; Gen. 39:​7, 10; Gal. 6:9)

(b) Nemene la aqane tupathe la itre thöthi ngöne la hneijine së maine aqane uku angatre pena troa kuca la itre ewekë hna mekune hnei itre xan, ka hape, ‘göxeni ka lolo’? (Dan. 1:8; Ite edomë 20:1; 2 Kor. 6:17–7:1)

(c) Nemene la hna qaja hnei Tusi Hmitrötr göne la foa lao thöthi ne Heberu ka troa xatua së troa trotrohnine hnyawa la pengöne la atrehmekun hna hamën jëne la itre ini e cahu fen? (Dan. 1:​20; Is. 54:13; 1 Kor. 3:​18-​20)

Edromë 76

Hunapake Hë La Traone e Ierusalema

1. Nemene la ka traqa koi Ierusalema me koi angetre Isaraela tune cahu hna amaman ngöne la iatr?

2. Drei lae Ezekiela, nge nemene la itre ewekë ka ngazo hnei Iehova hna amamane koi angeic?

3. Pine laka pëkö metrötre i angetre Isaraela koi Iehova, nemene la hnei Nyidrëti hna thingehnaean?

4. Nemene la hna kuca hnei Nebukaneza joxu thupene la hna icilekeu hnei angetre Isaraela me Nyidrë?

5. Pine nemen matre Iehova a nue troa lep apaatren la angetre Isaraela?

6. Tune kaa la aqane lapa pë atren la nöje Isaraela, nge koi ije macatre?

Itre xaa hnying:

1. E jë la 2 Ite Joxu 25:​1-​26.

(a) Drei lae Zedekia, nemene la ewekë ka traqa koi angeic, nge tune kaa la aqane eatrëne la ewekë cili hna perofetan hnei Tusi Hmitrötr? (2 Ite jo. 25:​5-7; Ezek. 12:​13-​15)

(b) Drei la hnei Iehova hna upe zöne la nöjei ngazo asë hnei angetre Isaraela hna kuca? (2 Ite jo. 25:​9, 11, 12, 18, 19; 2 A. l. ite jo. 36:​14, 17)

2. E jë la Ezekiela 8:​1-​18.

Tune kaa la aqane xötrethenge hnene la itre nöj ka hane sipu qaja, ka hape, itre Keresiano fe angatr, lo Itretre Isaraela ekö ka hmi koi jö? (Ezek. 8:​16; Is. 5:​20, 21; Ioane 3:​19-​21; 2 Tim. 4:3)

Edromë 77

Thaa Hnei Angatre Kö Hna Thili Ipië

1. Nemene la hna amekötin hnei Nebukaneza joxu kowe la nöj?

2. Pine nemen matre thaa hane ju kö thili hnei Daniela memine la köni sina tro i angeic kowe la hnasaatr gool?

3. Ame ngöne la Nebukaneza a thele hmaca troa athixötrën lo lai köni neköi atre Heberu, tune kaa la aqane amamane angatr ala kön, laka angatr a mejiune koi Iehova?

4. Nemene la hnei Nebukaneza hna kuca koi Saderaka me Mesaka me Abedenego?

5. Nemene la hnei Nebukaneza hna öhne ngöne la nyidrë a goeën e hnine la hnaop ka mele hnei eë?

6. Pine nemen matre kola atrune hnene la joxu la Akötresie i Saderaka me Mesaka me Abedenego, nge nemene la tulu hnei angatr hna amë pe koi së?

Itre xaa hnying:

1. E jë la Daniela 3:​1-​30.

(a) Nemene la aqane ujëne la köni thöth ne Heberu nyine tro asë hi së itre hlue i Akötresie a xötrethenge, ngöne la easë a qëmeke kowe la itre ewekë ka tupath la aqane mele nyipici së? (Dan. 3:​17, 18; Mat. 10:28; Rom. 14:​7, 8)

(b) Nemene la ini ka nyipi ewekë hnei Iehova hna pane hamën koi Nebukaneza? (Dan. 3:​28, 29; 4:​34, 35)

Edromë 78

Hna Cinyihane Ngöne La Ngöne Uma

1. Nemene la ewekë ka traqa ngöne la kola pane kuca la ketre pui ne xeni ka tru hnene la joxu ne Babulona, nge kola iji ngöne lo kap me itre inege hna thöeën qa hnine la ēnē i Iehova e Ierusalema?

2. Nemene la hnei Belesaza hna qaja kowe la itre atre i nyidrë ka inamacan, ngo nemene la ewekë hnei angatr hna thatreine kuca?

3. Nemene la hna upi nyidrëti troa kuca hnene la thine ne la joxu?

4. Thenge la hnei Daniela hna qaja kowe la joxu, pine nemen matre Akötresie a iupi troa cinyanyin la itre trenge ewekë ngöne la ngöne uma?

5. Nemene la aqane qejepengöne Daniela la aliene la itre trenge ewekë ngöne la ngöne uma?

6. Nemene la ewekë ka traqa ngöne la Daniela a ithanata?

Itre xaa hnying:

1. E jë la Daniela 5:​1-​31.

(a) Qaja jë la eisapengöne la xoue Akötresie memine la aqane xou i Belesaza ngöne la angeic a öhne la hna cinyihan ngöne la ngöne uma. (Dan. 5:​6, 7; Sal. 19:9; Rom. 8:​35-​39)

(b) Tune kaa la aqane amamane Daniela la trenge catre i angeic ka tru, ngöne la angeic a ithanata koi Belesaza memine la itre atre i angeic ka tru? (Dan. 5:​17, 18, 22, 26-​28; Ite hu. 4:​29)

(c) Nemene la aqane amamane ngöne Daniela mekene 5 la musi ka draië catre i Iehova e koho hnengödrai me e celë fen? (Dan. 4:​17, 25; 5:​21)

Edromë 79

Daniela Hnine La Ope Liona

1. Drei lae Dariu, nge tune kaa la aqane goeë Daniela hnei angeic?

2. Nemene la hna upi Dariu troa kuca hnene la itre xaa atr ka zalu?

3. Nemene la hna kuca hnei Daniela ngöne la angeic a atre la ketre wathebo ka hnyipixe?

4. Pine nemen matre nyidrëti a hleuhleu nge thaa meköle hnyawa kö Dariu, nge nemene la hnei nyidrë hna kuca ngöne la hmakany?

5. Nemene la aqane sa i Daniela koi Dariu?

6. Nemene la ewekë ka traqa kowe la itre atr ka ngazo ka thele troa humuthi Daniela, nge nemene la hnei Dariu hna cinyihan kowe la nöjei atr asë ngöne la baselaia i nyidrë?

Itre xaa hnying:

1. E jë la Daniela 6:​1-​28.

(a) Tune kaa la aqane amekunë së hnene la icilekeu ne la itre atr ekö koi Daniela, memine la hna kuca hnene la itre ka icilekeu enehila, ngöne la angatr a thele troa apaatren la huliwa ne la Itretre Anyipici Iehova? (Dan. 6:7; Sal. 94:20; Is. 10:1; Rom. 8:​31)

(b) Tune kaa la aqane troa xötrethenge hnene la itre hlue i Akötresie enehila la tulu i Daniela, ene la troa drengethenge la “angete musi atraqat”? (Dan. 6:​5, 10; Rom. 13:1; Ite hu. 5:​29)

(c) Tune kaa la aqane tro sa xötrethenge la tulu i Daniela ngöne la troa nyihluei Iehova “o drai”? (Dan. 6:​16, 20; Fil. 3:​16; Hna ama. 7:​15)

Edromë 80

Hmacahmaca Ha Qaa Babulona

1. Tune la hna amamane ngöne la iatr, nemene la hna kuca hnei angetre Isaraela?

2. Tune kaa la aqane eatrën hnei Koreso la hna perofetan hnei Iehova jëne Isaia?

3. Nemene la hna qaja hnei Koreso kowe la angetre Isaraela ka lapa pë hë e Babulona?

4. Nemene la hnei Koreso hna hamën kowe la itre atr nyine troa bëeke fë a tro Ierusalema?

5. Ije treu ne tro hnei angetre Isaraela matre troa bëeke hmaca a tro Ierusalema?

6. Ije macatre ne pane pë atr la nöj?

Itre xaa hnying:

1. E jë la Isaia 44:28 me 45:​1-4.

(a) Nemene la aqane amamane hnyawa hnei Iehova, laka tro kö a eatr lo hnei Nyidrëti hna perofetan göi Koreso? (Is. 55:​10, 11; Rom. 4:​17)

(b) Nemene la hna amamane hnene la hna perofetan hnei Isaia göi Koreso ngöne la atreine i Iehova troa canga qaja la itre ewekë ka troa traqa elany? (Is. 42:9; 45:21; 46:​10, 11; 2 Pet. 1:​20)

2. E jë la Ezera 1:​1-​11.

Maine easë a ajan troa xötrethenge la tulu ne la itre atr ka lapa pë hë e Babulona, nemene la aqane tro së enehila a ‘xomexatuan’ la itre trejine ka ijije troa cainöje ngöne la drai ka pexej? (Ezera 1:​4, 6; Rom. 12:13; Kol. 4:​12)

Edromë 81

Kola Mejiun Kowe La Ixatua i Akötresie

1. Ala ije angatr angetre tro qaa Babulona a tro Ierusalema, ngo nemene la hnei angatr hna traqa öhn e cili?

2. Nemene la hnei angetre Isaraela hna nyiqaane troa xup ngöne la angatr a traqa, ngo nemene la hna kuca hnene la itre ithupëjia me angatr?

3. Drei lae Hagai me Zakaria, nge nemene la hnei nyidroti hna qaja kowe la nöj?

4. Pine nemen matre Tatenai a iupi fë la ketre tusi Babulona eë, nge nemene la hna sa koi angeic?

5. Nemene la hnei Ezera hna kuca ngöne la nyidrëti a trotrohnine la enyipiewekëne la troa xupe la ēnē?

6. Nemene la hnei Ezera hna thithi fë ngöne cahu iatr, tune kaa la aqane sa la thith i angeic, nge nemene la ini hne së hna kapa qa ngöne lai?

Itre xaa hnying:

1. E jë la Ezera 3:​1-​13.

Maine easë ngöne la ketre götrane gaa pë ekalesia ne la nöje i Akötresie, nemene la nyine tro sa catre kuca? (Ezera 3:​3, 6; Ite hu. 17:​16, 17; Heb. 13:15)

2. E jë la Ezera 4:​1-7.

Nemene la tulu hna amë pe hnei Zerubabela kowe la nöje i Iehova göne la troa caas memine la itre xaa hmi? (Eso. 34:12; 1 Kor. 15:33; 2 Kor. 6:​14-​17)

3. E jë la Ezera 5:​1-5, 17 me 6:​1-​22.

(a) Pine nemen matre thatreine kö la itre ka icilekeu troa sewe angetre Isaraela troa xupe la ēnē? (Ezera 5:5; Is. 54:17)

(b) Tune kaa la aqane xatuan la itre qatre thup Keresiano hnene la huliwa ne la itre qatre i angetre Iudra matre troa thele tro Iehova a eatrongë angatr ngöne la angatr a qëmeke kowe la itre ka icilekeu? (Ezera 6:​14; Sal. 32:8; Rom. 8:​31; Iako. 1:5)

4. E jë la Ezera 8:​21-​23, 28-​36.

Qëmekene tro sa löhnine la ketre huliwa, nemene la tulu ka lolo i Ezera nyine tro sa xötrethenge? (Ezera 8:​23; Sal. 127:1; Ite edomë 10:22; Iako. 4:​13-​15)

Edromë 82

Modikai Me Esetera

1. Drei lae Modikai me Esetera?

2. Pine nemen matre kola aja föe ka hnyipixe hnei Asueru joxu, nge drei la hnei nyidrë hna iën?

3. Drei lae Hamana, nge nemene la ka jele la trenge elëhni angeic?

4. Nemene la trenge wathebo hna acil, nge nemene la hna kuca hnei Esetera thupene la hnei angeic hna kapa la ketre maca qaathei Modikai?

5. Nemene la ewekë ka traqa koi Hamana, nge tune kaa göi Modikai?

6. Tune kaa la aqane amele angetre Isaraela qa ngöne la itre ithupëjia me angatr?

Itre xaa hnying:

1. E jë la Esetera 2:​12-​18.

Tune kaa la aqane amamane Esetera la enyipiewekën la troa hetrenyi la “hni ka menyike me thilimek”? (Esetera 2:​15; 1 Pet. 3:​1-5)

2. E jë la Esetera 4:​1-​17.

Tune la aqane aijijë Esetera troa hamë ixatua kowe la nyipi hmi, nemene la hna aijijë së enehila troa kuca matre troa amaman la hni ne ajane së troa mele nyipici koi Iehova? (Esetera 4:​13, 14; Mat. 5:​14-​16; 24:14)

3. E jë la Esetera 7:​1-6.

Nemene la aqane nue hnene la nöje i Akötresie la mele i angatr ngöne la kola akötrë angatr, a kola tui Esetera? (Esetera 7:4; Mat. 10:​16-​22; 1 Pet. 2:​12)

Edromë 83

Hna Xupi Hag Ne Ierusalema

1. Nemene la hna mekun hnei angetre Isaraela qa ngöne laka pëkö tra etë e xötreithe la traon e Ierusalema?

2. Drei lae Nehemia?

3. Nemene la huliwa i Nehemia, nge pine nemen matre nyipi ewekë catre lai?

4. Nemene la maca ka ahleuhleun la mele i Nehemia, nge nemene la hnei angeic hna kuca?

5. Tune kaa la aqane hni ka menyike Aretaseta joxu koi Nehemia?

6. Tune kaa la aqane eköthe Nehemia la huliwa ne xupi itraetë matre thaa tro kö a sewe angetre Isaraela hnene la itre ithupëjia me angatr?

Itre xaa hnying:

1. E jë la Nehemia 1:​4-6 me 2:​1-​20.

Tune kaa la aqane thel hnei Nehemia matre troa eatrongë angeic hnei Iehova? (Neh. 2:​4, 5; Rom. 12:12; 1 Pet. 4:7)

2. E jë la Nehemia 3:​3-5.

Nemene la ini hna xom hnene la itre qatre thup memine la itre drikona qa ngöne la eisapengönen la itretre Tekoa memine la “ite joxu i angat”? (Neh. 3:​5, 27; 2 Thes. 3:​7-​10; 1 Pet. 5:5)

3. E jë la Nehemia 4:​1-​23.

(a) Nemene la ka upi angetre Isaraela troa catre xupe la itraetë ngacama catrehnine la icilekeu? (Neh. 4:​6, 8, 9; Sal. 50:15; Is. 65:​13, 14)

(b) Tune kaa la aqane xatua së enehila hnene la tulu hna hamën hnei angetre Isaraela?

4. E jë la Nehemia 6:​15.

Qa ngöne laka lue treu ne xupe hi la itraetë e Ierusalema, nemene la hna amamane hnene lai göne la emenen la lapaun? (Sal. 56:​3, 4; Mat. 17:20; 19:26)

Edromë 84

Ketre Angela Thei Maria

1. Drei la föe ngöne cahu iatr?

2. Nemene la hna qaja hnei Gaberiela koi Maria?

3. Tune kaa la aqane qejepengöne hnei Gaberiela koi Maria laka eahlo a troa hnaho ngacama thaa ka ce lapa kö me trahmany?

4. Nemene la ewekë ka traqa ngöne la Maria a wang lo sinee i angeic ene Elisabeth?

5. Nemene la hnei Iosefa hna mekun ngöne la nyidrëti a atre, ka hape, hace hë Maria, ngo pine nemen matre nyidrëti a saze mekun?

Itre xaa hnying:

1. E jë la Luka 1:​26-​56.

(a) Nemene la hna amamane ngöne Luka 1:​35 göne la ngazo i Adamu ka eje fe thei Maria, ngöne lo kola upe la mele ne la Hupuna i Akötresie qa ngöne la götrane la ua? (Hag. 2:​11-​13; Ioane 6:​69; Heb. 7:​26; 10:5)

(b) Tune kaa aqane atrunyi Iesu nge nyidrëti petre kö e kuhu hni Maria? (Luka 1:​41-​43)

(c) Nemene la tulu ka lolo hna hamën hnei Maria kowe la itre Keresiano enehila ka xome la itre hnëqa ka ketre pengöne kö? (Luka 1:​38, 46-​49; 17:10; Ite edomë 11:2)

2. E jë la Mataio 1:​18-​25.

Ngacama thaa hna hë Iesu kö hnene la sipu ëje i nyidrë, ene Emanuela, ngo nemene la aqane eatre hnyawa la aliene la ëje cili ngöne lo nyidrëti e celë fen? (Mat. 1:​22, 23; Ioane 14:​8-​10; Heb. 1:​1-3)

Edromë 85

Hna Hnaho Iesu Hnine La Uma i Öni

1. Drei cahu medreng ngöne la iatr, nge Maria a ameköle nyën ngöne nemen?

2. Pine nemen matre hna hnaho Iesu hnine la uma i öni cememine la itre öni?

3. Ame ngöne la iatr, drei la itre trahmanyi ka lö hnine la uma i öni, nge nemene la hna qaja koi angatr hnene la ketre angela?

4. Pine nemen matre ketre pengöi Iesu kö?

5. Pine nemen matre hna hë Iesu, ka hape, Hupuna i Akötresie?

Itre xaa hnying:

1. E jë la Luka 2:​1-​20.

(a) Nemene la hna hane kuca hnei Kaisara Auguso ngöne la aqane eatr la hna perofetan göne la mala i Iesu? (Luka 2:​1-4; Mika 5:2)

(b) Nemene la nyine troa kuca hnene la ketre atr matre troa hane ceitun memine la “nöjei ate hna hnim”? (Luka 2:​14; Mat. 16:24; Ioane 17:3; Ite hu. 3:​19; Heb. 11:6)

(c) Maine hna madrin hnene la itretre thupë mamoe ka hni ka ipië ngöne la kola hnahon la Atre Iamele, nemene fe la kepin ka sisitria matre kola hane madrin la itre hlue i Iehova enehila? (Luka 2:​10, 11; Efe. 3:​8, 9; Hna ama. 11:15; 14:6)

Edromë 86

Wëtresij a Köja Gojenyi Angatr

1. Drei cahu itre atr ngöne la iatr, nge pine nemen matre kola köjan hnene la ketre magoi la ketre wëtresij ka mele catr?

2. Pine nemen matre kola seseue hnei Heroda joxu, nge nemene la hnei nyidrë hna kuca?

3. Hna eatrongën a tro ië la itre magoi hnene lai wëtresij ka mele catr, ngo pine nemen matre angatr a xötrën hmaca pena ha la ketre gojeny troa bëeke kowe la nöje i angatr?

4. Nemene la hna amekötin hnei Heroda, nge pine nemen?

5. Nemene la hnei Iehova hna upi Iosefa troa kuca?

6. Drei la ka ahudrumen lo wëtresij ka hnyipixe, nge pine nemen?

Ketre hnying:

1. E jë la Mataio 2:​1-​23.

Ije macatre i Iesu nge nyidrëti ekaa ngöne lo kola traqa troa wai nyidrë hnene la itre magoi? (Mat. 2:​1, 11, 16)

Edromë 87

Iesu e Hnine La Ēnē

1. Ije macatre i Iesu ngöne cahu iatr, nge nyidrëti ekaa?

2. Nemene la hnei Iosefa hna kuca memine la hnepe lapa i nyidrë ngöne la nöjei macatre?

3. Thupene la caa drai ne tro ngöne la kola bëeke hmaca Nazareta eë, pine nemen matre kola bëeke hmaca hnei Iosefa me Maria Ierusalema eë?

4. Hna öhnyi Iesu hë ekaa hnei Iosefa me Maria, nge pine nemen matre kola hai hnene la itre atr e cili?

5. Nemene la hnei Iesu hna qaja koi Maria, thine i angeic?

6. Tune kaa la aqane tro sa tui Iesu matre troa atrepengöi Akötresieti hnyawa?

Itre xaa hnying:

1. E jë la Luka 2:​41-​52.

(a) Qa ngöne laka hna amekötine hnene la Trenge Wathebo tro hmekuje hi la itre trahmanyi a acaa tro ngöne la macatre troa sin la ketre feet, nemene la tulu ka loi hna amë pe hnei Iosefa me Maria kowe la itre keme me thin enehila? (Luka 2:​41; Deu. 16:16; 31:12; Ite edomë 22:6)

(b) Tune kaa la aqane hamëne Iesu la ketre tulu ka loi kowe la itre thöth enehila, ngöne la aqane troa drengethenge la itre keme me thine i angatr? (Luka 2:​51; Deu. 5:​16; Ite edomë 23:22; Kol. 3:​20)

2. E jë la Mataio 13:​53-​56.

Drei la itre sipu trejine me Iesu hna qaja hnei Tusi Hmitrötr, nge ame hë thupen, tune kaa la aqane huliwa ne la ala lue e angatr hnine la ekalesia i Keresiano? (Mat. 13:​55; Ite hu. 12:17; 15:​6, 13; 21:18; Gal. 1:​19; Iako. 1:1; Iuda 1)

Edromë 88

Ioane a Bapataiso Iesu

1. Drei cahu la lue atr ngöne la iatr?

2. tune kaa la aqane bapataisone la ketre atr?

3. Drei la ka ijije e nyidro troa xome la bapataiso?

4. Nemene la kepin ka ketre pengöne matre kola sipon hnei Iesu tro Ioane a bapataiso nyidrë?

5. Nemene la aqane amamane Akötresie, ka hape, Nyidrëti a madrin la kola xome la bapataiso hnei Iesu?

6. Nemene la ewekë ka traqa ngöne la tro caasi hnei Iesu kowe la ketre götrane gaa pë atr, 40 lao drai?

7. Drei la itre xaa ka pane xötrethenge Iesu, maine itretre drei nyidrë, nge nemene la pane iamamanyikeu i nyidrë?

Itre xaa hnying:

1. E jë la Mataio 3:​13-​17.

Nemene la aqane eköthe amë Iesu la Bapataiso matre nyine tulu kowe la itretre drei Nyidrë? (Sal. 40:​7, 8; Mat. 28:​19, 20; Luka 3:​21, 22)

2. E jë la Mataio 4:​1-​11.

Nemene la aqane xome inamacanëne Iesu la Tusi Hmitrötr, ka xatua së troa inine pala hi la Wesi Ula? (Mat. 4:​5-7; 2 Pet. 3:​17, 18; 1 Ioane 4:1)

3. E jë la Ioane 1:​29-​51.

Ioane Bapataiso a eatrongëne la itretre drei angeic koi drei, nge tune kaa la aqane tro sa xötrethenge la tulu cili ngöne la hnedrai së? (Ioane 1:​29, 35, 36; 3:​30; Mat. 23:10)

4. E jë la Ioane 2:​1-​12.

Nemene la aqane amamane hnene la pane iamamanyikeu i Iesu laka, thaa Iehova kö a thipëne la ketre ewekë ka lolo kowe la itre hlue i Nyidrë? (Ioane 2:​9, 10; Sal. 84:11; Iako. 1:​17)

Edromë 89

Iesu a Apuiloin La Ēnē

1. Pine nemen matre kola salemën la itre öni hnine la ēnē?

2. Nemene la ka aelëhni Iesu?

3. Tune la hnei nyipunieti hna öhne ngöne la iatr, nemene la hna kuca hnei Iesu, nge nemene la hnei nyidrëti hna qaja kowe la itre atr ka salemë piny?

4. Ame ngöne la kola öhne hnene la itretre drei Iesu la hnei nyidrëti hna kuca, nemene la ewekë hnei angatr hna mekune hmaca?

5. Nemene distrik la hna tro ngön hnei Iesu ngöne la nyidrëti a bëeke hmaca a tro Galilaia?

Ketre hnying:

1. E jë la Ioane 2:​13-​25.

Ame la easë a goeën la aqane xele ma wange Iesu la itre ka salem hnine la ēnē, nemene la aqane troa waipengön la salem hnine la Uma Ne Baselaia? (Ioane 2:​15, 16; 1 Kor. 10:​24, 31-​33)

Edromë 90

Iesu Memine La Föe Ngöne La An

1. Pine nemen matre Iesu a pane mano ezin la ketre ani ne Samaria, nge nemene la hnei nyidrëti hna qaja kowe la ketre föe e cili?

2. Pine nemen matre kola hai hnene la föe, nemene la hnei Iesu hna qaja koi eahlo, nge pine nemen?

3. Nemene la mekune ne la föe ngöne la pengöne tim hna qaja hnei Iesu, ngo nemene timi la hnei nyidrëti hna qaja?

4. Pine nemen matre kola hain hnene la föe laka atre hi Iesu la pengö i eahlo, nge tune kaa la aqane kapa nyidrëti lai ithuemacanyi cili?

5. Nemene la itre ini nyine tro sa xome qa ngöne la ewekë ka traqa kowe la föe ngöne la an?

Itre xaa hnying:

1. E jë la Ioane 4:​5-​43.

(a) Thenge la tulu i Iesu, nemene la aqane tro sa ce mele memine la itre atr ka isa hane ikupeine ngönetrei kö, maine ka isa pengöne kö la aqane mele i angatr me easë? (Ioane 4:9; 1 Kor. 9:​22; 1 Tim. 2:​3, 4; Tito 2:​11)

(b) Nemene la itre thangane ka loi ngöne la götrane la ua hna troa kapa hnene la atr ka hane xötrethenge Iesu? (Ioane 4:​14; Is. 58:11; 2 Kor. 4:​16)

(c) Tune kaa la aqane tro sa amamane la hni ne ole së tune la föe ne Samaria, ka canga hane ce thawa me itre xan la hnei eahlo hna inin? (Ioane 4:​7, 28; Mat. 6:​33; Luka 10:​40-​42)

Edromë 91

Iesu a Hamë Ini Hune La Wetr

1. Ame ngöne la iatr, Iesu a hamë ini ekaa, nge drei la itre ka lapa ezi nyidrë?

2. Drei la ëjene la itre aposetolo ka ala 12?

3. Nemene pengöne Baselaia la hnei Iesu hna cainöjën kowe la itre atr?

4. Nemene la hnei Iesu hna inine kowe la itre atr troa thithi kow?

5. Nemene la hnei Iesu hna qaja ngöne la aqane tro la itre atr a ce mel?

Itre xaa hnying:

1. E jë la Mataio 5:​1-​12.

Nemene la itre aqane tro sa amaman, ka hape, easë a wanga atrun la itre ka nyipi ewekë ngöne la götrane la ua? (Mat. 5:3; Rom. 10:​13-​15; 1 Tim. 4:​13, 15, 16)

2. E jë la Mataio 5:​21-​26.

Tune kaa la aqane qaja atrun hnene la tusi Mataio 5:​23, 24 laka hetre thangan la aqane imelekeu së memine la itre trejine me easë, ngöne la aqane imelekeu së me Iehova? (Mat. 6:​14, 15; Sal. 133:​1; Kol. 3:​13; 1 Ioane 4:​20)

3. E jë la Mataio 6:​1-8.

Nemene la itre xaa aqane pi nyi ka meköti nyine troa thipetrije hnene la itre Keresiano? (Luka 18:​11, 12; 1 Kor. 4:​6, 7; 2 Kor. 9:7)

4. E jë la Mataio 6:​25-​34.

Nemene la hnei Iesu hna ini së ngöne la enyipiewekën la troa mejiune koi Iehova thatraqane la itre ewekë ngöne la ngönetrei hne së hna ajan kowe la mele së? (Eso. 16:4; Sal. 37:25; Fil. 4:6)

5. E jë la Mataio 7:​1-​11.

Nemene ini hne së hna kapa qa ngöne la ceitun nyine hain hna hamën ngöne Mataio 7:5? (Ite edomë 26:12; Rom. 2:1; 14:10; Iako. 4:​11, 12)

Edromë 92

Mele Hmaca Ha La Ka Meci Hë

1. Drei la keme ne cahu jajinyi ngöne la iatr, nge pine nemene matre jole la mele i nyidrë memine la ifënekö i nyidrë?

2. Nemene la hna kuca hnei Iairo ngöne la angeic a öhnyi Iesu?

3. Nemene la ewekë ka traqa ngöne la Iesu a tro kowe la hnalapa i Iairo, nge nemene la maca hna kapa hnei Iairo ngöne la gojeny?

4. Pine nemen matre kola hnyimasai Iesu hnene la itre atr ngöne la hnalapa i Iairo?

5. Thupene la hna ce tro hnei Iesu memine la köni aposetolo me keme me thine ne la jajiny kowe la hnahage i nyën, nemene hë la hnei Iesu hna kuca?

6. Drei la ketre hnei Iesu hna amelene qa hna mec, nge nemene la ewekë hna amamane hnene lai?

Itre xaa hnying:

1. E jë la Luka 8:​40-​56.

Tune kaa la aqane amamane Iesu la ihnimi nyidrë memine la eloine la aqane waiewekë i nyidrë kowe la föe ka meci ne neni hni, nge nemene la ini hnene la itre qatre thup Keresiano hna troa xome qa ngöne lai? (Luka 8:​43, 44, 47, 48; Lev. 15:​25-​27; Mat. 9:​12, 13; Kol. 3:​12-​14)

2. E jë la Luka 7:​11-​17.

Pine nemen matre troa akeukawan la hni ne la itre atr ka meci sinen, hnene la aqane ujë i Iesu kowe la sine föe ne Naina? (Luka 7:​13; 2 Kor. 1:​3, 4; Heb. 4:​15)

3. E jë la Ioane 11:​17-​44.

Tune kaa la aqane amamane Iesu laka thaa ka ngazo kö e troa latresi pine la meci ne la ketre atr hne së hnim? (Ioane 11:​33-​36, 38; 2 Sam. 18:33; 19:​1-4)

Edromë 93

Iesu a Ithuan La Itre Atr Ka Ala Nyim

1. Nemene la ewekë ka ngazo ka traqa koi Ioane Bapataiso, nge nemene la mekune i Iesu?

2. Hnei Iesu hna ithuane tune kaa la itre atr ka xötrethenge nyidrë, nge ijetre pe kö la itre munëne xen?

3. Pine nemen matre kola xou hnene la itretre dreng ngöne la jidr, nge nemene la ewekë ka traqa koi Peteru?

4. Tune kaa la aqane hnaaluene ithuane Iesu la itre atr itre thauzane la etrun?

5. Pine nemen matre lolo catr elanyi la Iesu a troa musi hune la ihnadro ngöne lo nyidrëti a troa ketre Joxu hna acile hnei Akötresie?

Itre xaa hnying:

1. E jë la Mataio 14:​1-​32.

(a) Nemene la aqane troa trotrohnine hnyawa la thiina i Peteru, a kola mama ngöne la Mataio 14:​23-​32?

(b) Nemene la aqane amamane hnyawa hnei Tusi Hmitrötr laka ka macaje hë Peteru, nge atreine hë angeic xomihnine la aqane ujë i angeic, ene la troa canga kuca la ketre ewekë ngo thaa pane mekune kö la itre thangane lai? (Mat. 14:​27-​30; Ioane 18:10; 21:7; Ite hu. 2:​14, 37-40; 1 Pet. 5:​6, 10)

2. E jë la Mataio 15:​29-​38.

Tune kaa la aqane amamane Iesu la metrötre i nyidrë kowe la xeni hna hamën hnene la Tretretro i nyidrë? (Mat. 15:37; Ioane 6:​12; Kol. 3:​15)

3. E jë la Ioane 6:​1-​21.

Tune kaa la aqane tro la itre Keresiano enehila a xome la tulu i Iesu, ene la troa metrötrëne la itre mus? (Ioane 6:​15; Mat. 22:21; Rom. 12:2; 13:​1-4)

Edromë 94

Ka Hnime Nyidrëti La Itre Nekönatr

1. Nemene la hna isipin hnene la itre aposetolo ngöne la angatr a bëeke qaa gaa nany?

2. Pine nemen matre Iesu a hëne la ketre nekönatr me acilë nyën e nyipine la itre aposetolo?

3. Nemene la aliene la kola hape, loi e tro la itre aposetolo a inine troa tune la itre nekönatr?

4. Ame hë ngöne la itre treu thupene lai, nemene la aqane amamane Iesu, ka hape, nyidrëti a hnime la itre nekönatr?

Itre xaa hnying:

1. E jë la Mataio 18:​1-4.

Pine nemen matre Iesu a xome la itre ceitun matre troa inin la itre atr? (Mat. 13:​34, 36; Mar. 4:​33, 34)

2. E jë la Mataio 19:​13-​15.

Nemene la itre thiina ne la itre nekönatr nyine tro sa xome ngöne la easë a hane ce thawa memine la itre xaa atr la itre manathith hna troa kapa jëne la Baselaia? (Sal. 25:9; 138:6; 1 Kor. 14:20)

3. E jë la Mareko 9:​33-​37.

Nemene la ini hnei Iesu hna hamën kowe la itretre drei nyidrë ngöne la aja göhnë ka draië? (Mar. 9:​35; Mat. 20:​25, 26; Gal. 6:3; Fil. 2:​5-8)

4. E jë la Mareko 10:​13-​16.

Nemene la ka amaman, ka hape, thaa jole kö e troa easenyi Iesu, nge tune kaa la aqane troa xom hnene la itre qatre thup Keresiano la tulu i nyidrë? (Mar. 6:​30-​34; Fil. 2:​1-4; 1 Tim. 4:​12)

Edromë 95

Aqane Hamë Ini i Iesu

1. Nemene la hnyinge ne la ketre trahmany koi Iesu, nge pine nemen?

2. Nemene la hnei Iesu hna lapaa xom matre troa hamë ini kowe la itre atr, nge nemene la hne së hna atre hë göi angetre Iudra me angetre Samaria?

3. Ame ngöne la edromë hnei Iesu hna qaja, nemene la ewekë ka traqa e kuhu gojenyi kowe la ketre atre Iudra ka tro Ieriko?

4. Nemene la hna kuca hnene la atre huuj ne Iudra memine la atre Levi ngöne la nyidroti a öhne la hna lep ngöne lai gojeny?

5. Ame ngöne la iatr, drei la ka xatuane lai atre Iudra hna lep?

6. Thupene la hnei Iesu hna qaja lai edromë, nemene la hnyinge i nyidrë, nge nemene la hna sa hnene lai trahmany?

Itre xaa hnying:

1. E jë la Luka 10:​25-​37.

(a) Maine thaa hnei Iesu kö hna sa mekötin la hnying ne lai trahmany, ketre atr ka atrepengöne hnyawa la Trenge Wathebo, ngo tune kaa la aqane xatua angeic hnei nyidrë matre troa pane ketre thele mekun ngöne la götrane cili? (Luka 10:26; Mat. 16:​13-​16)

(b) Tune kaa la aqane xome Iesu la itre ceitun matre troa lepetrij la aqane iwangatrehmekunyi atr hnene la itre ka drei nyidrë? (Luka 10:​36, 37; 18:​9-​14; Tito 1:9)

Edromë 96

Iesu a Aloin La Itre Ka Wezipo

1. Nemene la hnei Iesu hna kuca ngöne la nyidrëti a trongën la nöj?

2. Köni macatre thupene la hna bapataiso Iesu, nemene la hnei nyidrëti hna qaja kowe la itre aposetolo i nyidrë?

3. Drei la itre atr ngöne la iatr, nge nemene la hnei Iesu hna kuca kowe la föe?

4. Pine nemen matre kola hmahma la itre hene hmi ngöne la Iesu a sa koi angatr pine la aqane icilekeu i angatr?

5. Ame ngöne la Iesu memine la itre aposetolo a easenyine e Ieriko, nemene la hnei Iesu hna kuca kowe la lue atr ka ti mek?

6. Pine nemen matre Iesu a kuca la itre iamamanyikeu?

Itre xaa hnying:

1. E jë la Mataio 15:​30, 31.

Nemene la aqane mama hnyawa la mene i Iehova jëne Iesu, nge troa tune kaa la thangane lai kowe la aqane trotrohnine së la hna thingehnaean hnei Iehova göne la fene ka hnyipixe? (Sal. 37:29; Is. 33:24)

2. E jë la Luka 13:​10-​17.

Tune kaa la aqane amamane hnene la itre iamamanyikeu ka nyimutre hna kuca hnei Iesu ngöne la drai sabath, la pengöne inuamacanyi hna troa hamëne kowe la nöjei atr elanyi ngöne la Macatre Ka Caa Thauzan Ne Musi Nyidrë? (Luka 13:​10-​13; Sal. 46:9; Mat. 12:8; Kol. 2:​16, 17; Hna ama. 21:​1-4)

3. E jë la Mataio 20:​29-​34.

Nemene la hna amamane hnene la edromë celë laka hnei Iesu pala hi hna xatuane la itre atr ngacama tru ju hë hnei jole i nyidrë, nge nemen la ini hne së hna kapa qa ngöne lai? (Deu. 15:7; Iako. 2:​15, 16; 1 Ioane 3:​17)

Edromë 97

Iesu a Traqa Tune La Ketre Joxu

1. Ame ngöne la Iesu a traqa ngöne la ketre hunahmi easenyin e Ierusalema, nemene la hnei nyidrëti hna upe la itretre drei nyidrë troa kuca?

2. Ame ngöne la iatr, nemene la ewekë ka traqa ngöne la Iesu a easenyi trootro kowe la traon ne Ierusalema?

3. Nemene la hna kuca hnene la itre nekönatr ngöne la angatr a öhne la Iesu a fe la lue meke ne la itre atr ka ti mek me itre sine atr?

4. Nemene la hnei Iesu hna qaja kowe la itretre huuj ka elëhni?

5. Nemene la aqane tro sa tune la itre nekönatr ka atrunyi Iesu?

6. Nemene la hna ajane troa atre hnene la itretre drei Iesu?

Itre xaa hnying:

1. E jë la Mataio 21:​1-​17.

(a) Nemene la eisapengönene la trongei Iesu e Ierusalema ceitu me ketre Joxu, memine la itre gavena me itre hene isi ne la hneijine i angetre Roma? (Mat. 21:​4, 5; Zaka. 9:9; Fil. 2:​5-8; Kol. 2:​15)

(b) Nemene la ini hna troa xom hnene la itre thöth qa ngöne la tulu hna amë pe hnene la itre nekö trahmanyi ne Isaraela hna qaja ngöne Salamo 118 ngöne lo kola lö hnei Iesu hnine la ēnē? (Mat. 21:​9, 15; Sal. 118:​25, 26; 2 Tim. 3:​15; 2 Pet. 3:​18)

2. E jë la Ioane 12:​12-​16.

Nemene la hna nyiahnuen hnene la itre dröne paama hna xome hnene la itre atr matre troa kepe Iesu fë? (Ioane 12:13; Fil. 2:​10; Hna ama. 7:​9, 10)

Edromë 98

Hune La Wetre Elaio

1. Ekaa Iesu e cahu ngöne la iatr, nge drei la itre atr ezi nyidrë?

2. Nemene la hna thele troa kuca koi Iesu hnene la itretre huuj e hnine la ēnē, nge nemene la hnei nyidrëti hna qaja koi angatr?

3. Nemene la hna thele troa atre hnene la itre aposetolo?

4. Pine nemen matre Iesu a qaja kowe la itre aposetolo i nyidrë la itre xaa ewekë ka troa traqa kowe la ihnadro ngöne lo ijine nyidrëti a troa musi me joxu e koho hnengödrai?

5. Nemene la hnei Iesu hna qaja ka troa traqa qëmekene tro nyidrëti a apaatrene asë la itre ewekë ka ngazo e celë fen?

Itre xaa hnying:

1. E jë la Mataio 23:​1-​39.

(a) Ngacama kola amamane hnene la itre xötr ne la Tusi Hmitrötr laka ijije troa hëne la itre xaa atr hnene la aqane ati ëje i angatr, ngo nemene la hna amamane hnene la itre trenge ewekë i Iesu ngöne Mataio 23:​8-​11, göne la aqane troa xome la itre hnëqa e hnine la ekalesia i Keresiano, matre thaa tro kö a pi mama fë? (Ite hu. 26:25; Rom. 13:7; 1 Pet. 2:​13, 14)

(b) Nemene la aqane thele hnene la itre Faresaio troa sawa la itre atr troa itre Keresiano, nge tune kaa la aqane xome hnene la itre hene hmi la aqane ujë cili ngöne la hneijine së enehila? (Mat. 23:13; Luka 11:52; Ioane 9:​22; 12:42; 1 Thes. 2:​16)

2. E jë la Mataio 24:​1-​14.

(a) Tune la hna amamane hnyawa ngöne Mataio 24:​13, nemene la enyipiewekën la troa xomihniahoeany?

(b) Nemene la aliene la hnëewekë hna hape “pune” ngöne Mataio 24:13? (Mat. 16:27; Rom. 14:​10-​12; 2 Kor. 5:​10)

3. E jë la Mareko 13:​3-​10.

Nemene la xötrehnëewekë ngöne Mareko 13:10 ka amamane la enyipiewekën la troa cainöjën la maca ka loi, nge tune kaa la aqane troa ketri së hnene la itre trenge ewekë i Iesu? (Rom. 13:​11, 12; 1 Kor. 7:​29-​31; 2 Tim. 4:2)

Edromë 99

Hnine La Hnahage Ne Hun

1. Tune la hna amamane ngöne la iatr, pine nemen matre Iesu memine la 12 lao aposetolo i nyidrë e hnine la ketre hnahage ka tru, ngöne la götrane e koho hun ne la ketre uma?

2. Drei la trahmanyi ka tro triji angatr, nge nemene la hnei angeic hna tro troa kuca?

3. Nemene la ketre pui ne xen ka ketrepengön hnei Iesu hna nyiqaan troa xom ngöne la kola fenesi la pui ne xeni ne Paseka?

4. Nemene la ewekë ka traqa hna amekunë angetre Isaraela hnene la Paseka, nge nemene la hna amekunë itretre drei Iesu hnene la pui ne xeni ka ketrepengöne cili?

5. Thupene la Jidri Ne Pui Ne Xeni Ne La Joxu, nemene la hnei Iesu hna qaja kowe la itretre drei nyidrë, nge nemene la hnei angatr hna kuca?

Itre xaa hnying:

1. E jë la Mataio 26:​14-​30.

(a) Tune kaa la aqane amamane Mataio 26:15 laka hna thë hnei Iudra troa wanaxoeë Iesu?

(b) Nemene la lue kepin matre kola neni la madra i Iesu? (Mat. 26:​27, 28; Iere. 31:​31-​33; Efe. 1:7; Heb. 9:​19, 20)

2. E jë la Luka 22:​1-​39.

Nemene la aliene la hna qaja ka hape hna lö hnei Satana e kuhu hni Iuda? (Luka 22:3; Ioane 13:2; Ite hu. 1:​24, 25)

3. E jë la Ioane 13:​1-​20.

(a) Ame ngöne la easë a goeën la Ioane 13:​2, hapeu meköti kö e troa haji Iuda pine la hnei angeic hna kuca, nge nemene la ini nyine troa xome qa ngöne lai hnene la itre hlue i Akötresie? (Gen. 4:7; 2 Kor. 2:​11; Gal. 6:1; Iako. 1:​13, 14)

(b) Nemene la tulu ka tru hna hamën hnei Iesu? (Ioane 13:15; Mat. 23:11; 1 Pet. 2:​21)

4. E jë la Ioane 17:​1-​26.

Nemene la aliene la Iesu a sipone ngöne la thithi matre troa “casi” la itretre drei nyidrë? (Ioane 17:​11, 21-​23; Rom. 13:8; 14:19; Kol. 3:​14)

Edromë 100

Iesu Ngöne La Ketre Hlapa

1. Ekaa la hnei Iesu memine la itre aposetolo hna tro kow thupene la hnei angatr hna lö pi qa hnin la hnahag ka tru, nge nemene la hnei nyidrë hna upi angatr troa kuca?

2. Nemene la hnei Iesu hna öhne ngöne la nyidrëti a bëeke hmaca troa wang la itre aposetolo i nyidrë, nge aija tune lai?

3. Drei la ka traqa kowe la hlapa, nge nemene la hna kuca hnei Iuda Isakariota, tune cahu aqane amaman ngöne la iatr?

4. Pine nemen matre Iuda a idremi me Iesu, nge nemene la hna kuca hnei Peteru?

5. Nemene la hnei Iesu hna qaja koi Peteru, ngo pine nemen matre thaa sipo Akötresieti kö hnei Iesu troa upe la itre xaa angela troa isi göli nyidrë?

Itre xaa hnying:

1. E jë la Mataio 26:​36-​56.

(a) Tune kaa la aqane eamone Iesu la itretre drei nyidrë, a ketre tulu ka lolo kowe la itre qatre thup Keresiano enehila? (Mat. 20:​25-​28; 26:​40, 41; Gal. 5:​17; Efe. 4:​29, 31, 32)

(b) Nemene la aqane mekune i Iesu göne la troa xome la itre jiane isi ngöne la ngönetrei matre troa lepe la itre xaa atr? (Mat. 26:52; Luka 6:​27, 28; Ioane 18:36)

2. E jë la Luka 22:​39-​53.

Ame ngöne la kola mama la ketre angela koi Iesu ngöne la hlapa e Gethesemane matre troa aegöcatrenyi nyidrë, kolo kö lai a amaman, ka hape, hnei Iesu hna luelue ngöne la lapaune i nyidrë? Qejepengöne jë. (Luka 22:​41-​43; Is. 49:8; Mat. 4:​10, 11; Heb. 5:7)

3. E jë la Ioane 18:​1-​12.

Tune kaa la aqane thupëne Iesu la itretre drei nyidrë qa ngöne la itre ka icilekeu me nyidrë, nge nemene la ini nyine tro sa xome qa ngöne la tulu cili? (Ioane 10:​11, 12; 18:​1, 6-9; Heb. 13:6; Iako. 2:​25)

Edromë 101

Hna Humuthi Iesu

1. Drei la pane atrekë zön la meci Iesu?

2. Nemene la hna kuca hnene la itre aposetolo ngöne la kola xomi Iesu hnene la itre keme ne hmi?

3. Nemene la ewekë ka traqa hnine la uma i Kaiafa, atre huuj ka sisitria?

4. Pine nemen matre kola lö pi hnei Peteru me treij?

5. Thupene la hna tro sai Iesu hmaca koi Pilato, nemene la hna suen hnene la itre tane i angetre huuj?

6. Nemene la ewekë ka traqa koi Iesu ngöne la kola nyiqaane xejë la hnaipajö ne drai ka tru, nge nemene la hnei nyidrëti hna thingehnaeane kowe la ka ihumuth hna hane athipe fe ezi nyidrë?

7. Ekaa la hna troa acil la Paradraiso hnei Iesu hna qaja?

Itre xaa hnying:

1. E jë la Mataio 26:​57-​75.

Tune kaa la aqane amamane hnene la itre atrene la hna kootr ka tru e Iudra laka ka ngazo la itre hni i angatr? (Mat. 26:​59, 67, 68)

2. E jë la Mataio 27:​1-​50.

Pine nemen matre ijije tro sa qaja, ka hape, ame la ietra i Iuda tre, thaa ka nyipici kö? (Mat. 27:​3, 4; Mar. 3:​29; 14:21; 2 Kor. 7:​10, 11)

3. E jë la Luka 22:​54-​71.

Nemene la ini hne së hna xom qa ngöne la aqane kelikelë Iesu hnei Peteru ngöne la jidri ne kola wanaxoeë nyidrë me xolouthi nyidrë? (Luka 22:​60-​62; Mat. 26:​31-​35; 1 Kor. 10:12)

4. E jë la Luka 23:​1-​49.

Tune kaa la aqane ujë i Iesu qëmekene la itre ewekë ka thaa meköti kö hna kuca koi nyidrë, nge nemene la ini hne së hna xome qa ngöne lai? (Luka 23:​33, 34; Rom. 12:​17-​19; 1 Pet. 2:​23)

5. E jë la Ioane 18:​12-​40.

Nemene la ewekë ka mama ngöne laka ngacama hna traqa la ketre hnepe ijine Peteru a xoue atr, ngo ame pe e thupene lai angeice la ketre aposetolo ka lolo catr? (Ioane 18:​25-​27; 1 Kor. 4:2; 1 Pet. 3:​14, 15; 5:​8, 9)

6. E jë la Ioane 19:​1-​30.

(a) Nemene la elolone la aqane waiewekë i Iesu göne la itre ewekë ne ngönetrei? (Ioane 2:​1, 2, 9, 10; 19:​23, 24; Mat. 6:​31, 32; 8:​20)

(b) Tune kaa la aqane mama ngöne la edraiën la itre trenge ewekë i Iesu qëmekene tro nyidrëti a mec, laka hnei nyidrëti hna cilëgöline la musi cile i Iehova? (Ioane 16:33; 19:30; 2 Pet. 3:​14; 1 Ioane 5:4)

Edromë 102

Mele Kö Iesu

1. Drei la föe ngöne la iatr, nge drei la lue trahmany, nge angatr ekaa?

2. Pine nemen matre Pilato a qaja kowe la itretre huuj troa upe la itre sooc troa thupën la hua i Iesu?

3. Nemene la hna kuca hnene la ketre angela e sine hmakanyi ne la hnaakönine drai thupene la hna meci hnei Iesu, ngo nemene la hna kuca hnene la itretre huuj?

4. Pine nemen matre kola hai hnene la itre xaa föe ngöne la angatr a öhne la hua i Iesu?

5. Pine nemen matre Peteru me Ioane a nyinyape kowe la hua i Iesu, nge nemene la hnei angatr hna öhn?

6. Nemene la ewekë ka traqa kowe la ngönetrei i Iesu, ngo nemene la hnei nyidrëti hna kuca matre troa amamane kowe la itretre dreng laka mele kö nyidrë?

Itre xaa hnying:

1. E jë la Mataio 27:​62-​66 me 28:​1-​15.

Ame ngöne lo ijine melehmaca ha Iesu, nemene la aqane nyi tru kowe la uati hmitrötr hnene la itre taan i angetre huuj, memine la itre Faresaio, memine la itre qatr? (Mat. 12:​24, 31, 32; 28:​11-​15)

2. E jë la Luka 24:​1-​12.

Tune kaa la aqane amamane hnene la melehmaca i Iesu laka Iehova a wanga atrune la itre föe ceitun me Itretre Anyipicin nyine tro fe a hane mejiune kow? (Luka 24:​4, 9, 10; Mat. 28:​1-7)

3. E jë la Ioane 20:​1-​12.

Tune kaa la aqane xatua së hnene la tusi Ioane 20:​8, 9 matre tro sa goeën la enyipiewekën la troa xomihniahoeany maine thaa trotrohnine hnyawa kö së la aqane eatre la itre hna perofetan hnei Tusi Hmitrötr? (Ite edomë 4:​18; Mat. 17:​22, 23; Luka 24:​5-8; Ioane 16:12)

Edromë 103

Hnine La Uma Hna Lokan

1. Nemene la hna qaja hnei Maria kowe la trahmany hnei eahlo hna mekun, ka hape, atre tra feja, ngo nemene la ka aijijë eahlo troa wanga atrehmekun, ka hape, Iesu hnyawa hi?

2. Nemene la ewekë ka traqa kowe la luetre dreng ngöne la nyidroti a tro kowe la hunahmi e Emao?

3. Nemene la ketre pengöne ewekë ka traqa ngöne la kola porotrikën hnene la luetre drei Iesu kowe la itre aposetolo laka hnei nyidroti hna öhnyi Iesu?

4. Aija iamamany Iesu kowe la itretre drei nyidrë?

5. Nemene la hna qaja hnei Toma ngöne la angeic dreng laka hna öhne la Joxu hnene la itretre dreng, ngo nemene hë la ka traqa thupene la eitr lao drai?

Itre xaa hnying:

1. E jë la Ioane 20:​11-​29.

Hapeue la itre trenge ewekë i Iesu ngöne Ioane 20:​23, nyidrëti kö a nue la itre atr troa senge la ngazo ne la itre xan? Qejepengöne jë. (Sal. 49:​2, 7; Is. 55:7; 1 Tim. 2:​5, 6; 1 Ioane 2:​1, 2)

2. E jë la Luka 24:​13-​43.

Tune kaa la aqane tro sa hnëkëne la hni së matre tro ej a kapa la nyipici qa hnine la Tusi Hmitrötr? (Luka 24:​32, 33; Ezera 7:​10; Mat. 5:3; Ite hu. 16:14; Heb. 5:​11-​14)

Edromë 104

Iesu a Bëek Hnengödrai Eë

1. Ala ije la itretre dreng ka acaa öhnyi Iesu, nge nemene la hnei nyidrëti hna qaja koi angatr?

2. Nemene la Baselaia i Akötresie, nge ka tune kaa la ihnadro elany ngöne la kola troa musi hnei Iesu me Joxu hnei nyidrë ngöne la caa thauzane lao macatre?

3. Ije drai ne amamanyi Iesu kowe la itretre drei nyidrë, ngo nemene hë la ijine koi nyidrëti troa kuca enehila?

4. Qëmekene tro nyidrëti a nue la itretre drei nyidrë, nemene la hnei Iesu hna upi angatr troa kuca?

5. Nemene cahu ewekë ka traqa ngöne la iatr, nge tune kaa la aqane juetrë Iesu uti hë la thaa öhnyi nyidrë hnene la itretre drei nyidrë?

Itre xaa hnying:

1. E jë la 1 Korinito 15:​3-8.

Pine nemen matre catre la mejiune i Paulo ngöne la nyidrëti a qaja la melehmaca i Iesu, nge nemene la nyine troa catre qaja me nyine mejiune kow hnene la itre Keresiano ne la hnedrai së enehila? (1 Kor. 15:​4, 7, 8; Is. 2:​2, 3; Mat. 24:​14; 2 Tim. 3:​1-5)

2. E jë la Ite Huliwa 1:​1-​11.

Tune kaa la aqane haöthe la fene hnengödrai hnene la huliwa ne cainöje trootro, tune la hna qaja ngöne la Ite Huliwa 1:8? (Ite hu. 6:7; 9:​31; 11:​19-​21; Kol. 1:​23)

Edromë 105

Kola Itreqe e Ierusalema

1. Tune la hna amamane hnene la iatr, nemene la ewekë ka traqa kowe la itretre drei Iesu ka itreqe e Ierusalema?

2. Nemene la hna hain hnene la itre atr ka traqa troa atrun la drai ne Penetekos e Ierusalema?

3. Nemene la hna qejepengöne hnei Peteru kowe la itre atr?

4. Nemene la mekune ne la itre atr thupene la hnei angatr hna drei Peteru, nge nemene la hnei angeic hna upi angatr troa kuca?

5. Ala ije la itre ka xome la bapataiso ngöne la drai ne Penetekos 33 M.K.?

Itre xaa hnying:

1. E jë la Ite Huliwa 2:​1-​47.

(a) Tune kaa la aqane amamane hnene la itre trenge ewekë i Peteru ngöne Ite Huliwa 2:​23, 36, laka zöne asë hi la nöje Iudra la kola meci hnei Iesu? (1 Thes. 2:​14, 15)

(b) Tune kaa la aqane amamai tulu ka loi hnei Peteru ngöne la troa ithanatane hnyawa me thele ewekë qa hnine la itre xötr ne la Tusi Hmitrötr? (Ite hu. 2:​16, 17, 29, 31, 36, 39; Kol. 4:6)

(c) Tune kaa la aqane xome Peteru la pane kii ngöne lo “ite ki ne la baselaia ne hnengödrai,” lo hnei Iesu hna ahnith troa hamë angeic? (Ite hu. 2:​14, 22-​24, 37, 38; Mat. 16:19)

Edromë 106

Hna Nue Jën Qa Hnine La Kalabus

1. Nemene la ewekë ka traqa koi Peteru me Ioane ngöne la ketre hnaipajö ne nyidroti a tro kowe la ēnē?

2. Nemene la hna qaja hnei Peteru kowe la ketre trahmany ka geny qaane la kola hnaho angeic, nge nemene la hna hamën hnei Peteru ka sisitria catre kö hune la mani?

3. Pine nemen matre kola elëhni hnene la itre hene hmi, nge nemene la hnei angatr hna kuca koi Peteru me Ioane?

4. Nemene la hna qaja hnei Peteru kowe la itre hene ne hmi, nge nemene la aqane hmekë anga aposetolo?

5. Pine nemen matre kola zalu la itre hene ne hmi, ngo nemene la ewekë ka traqa ngöne la kola hnaaluene akalabusin la itre aposetolo?

6. Nemene la aqane sa la itre aposetolo ngöne la kola e angatr kowe la hnë kootr ka tru?

Itre xaa hnying:

1. E jë la Ite Huliwa 3:​1-​10.

Ngacama thaa aijijë së hmaca kö troa kuca la itre iamamanyikeu enehila, ngo tune kaa la aqane tro la itre trenge ewekë i Peteru ngöne Ite Huliwa 3:6 a xatua së troa wang atrune hnyawa la enyipiewekën la maca ne Baselaia? (Ioane 17:3; 2 Kor. 5:​18-​20; Fil. 3:8)

2. E jë la Ite Huliwa 4:​1-​31.

Ame ngöne la kola icilekeu me easë ngöne la hna cainöje trootro, tune kaa la aqane tro sa xötrethenge la tulu ne la itre trejin Keresiano ne la hneijine i Iesu? (Ite hu. 4:​29, 31; Efe. 6:​18-​20; 1 Thes. 2:2)

3. E jë la Ite Huliwa 5:​17-​42.

Nemene la aqane amamane hnene la Itretre Anyipici Iehova ne la itre hneijine ekö me enehila, laka ka atreine wai emekötine angatr la huliwa ne cainöje trootro? (Ite hu. 5:​34-​39)

Edromë 107

Hna Tranyi Setefano Hnei Etë

1. Drei lae Setefano, nge nemene la hna aijijë angeic hnei Akötresieti troa kuca?

2. Nemene la hnei Setefano hna qaja ka aelëhnine la itre hene ne hmi?

3. Ame ngöne la kola ukapië Setefano kowe la tröne la hlapa, nemene la hnei angatr hna kuca koi angeic?

4. Ame ngöne la iatr, drei la nekö trahmany ka cile ezine la itre ikootr?

5. Qëmekene tro angeic a mec, nemene la hnei Setefano hna sipo Iehova jëne la thith?

6. Nemene la aqane tro sa xötrethenge la tulu i Setefano ngöne la kola kuca la ngazo koi së hnene la ketre atr?

Itre xaa hnying:

1. E jë la Ite Huliwa 6:​8-​15.

Nemene la itre hna majemine ka ngazo hna kuca hnene la itre hene ne hmi, matre troa tupath troa sawa la huliwa ne cainöj ne la Itretre Anyipici Iehova? (Ite hu. 6:​9, 11, 13)

2. E jë la Ite Huliwa 7:​1-​60.

(a) Nemene la ka xatua Setefano troa atreine cilëgöline la maca ka loi qëmekene la itretre isenyin ngöne la hna kootre ka tru i angetre Iudra, nge nemene la ini hne së hna xome qa ngöne la tulu i angeic? (Ite hu. 7:​51-​53; Rom. 15:4; 2 Tim. 3:​14-​17; 1 Pet. 3:​15)

(b) Nemene la aqane ujë nyine tro sa xome ngöne la kola icilekeu la itre atr memine la huliwa së? (Ite hu. 7:​58-​60; Mat. 5:​44; Luka 23:​33, 34)

Edromë 108

Ngöne La Gojenyi Ne Tro Damaseko

1. Nemene la hnei Saulo hna kuca thupene la hna humuthi Setefano?

2. Ame ngöne la Saulo a tro Damaseko, nemene la ewekë ka ketrepengön ka traqa koi angeic?

3. Nemene la hna upi Saulo hnei Iesu troa kuca?

4. Nemene la itre hna amekötin hnei Iesu hna hamën koi Anania, nge nemene la aqane goe hmaca hnei Saulo?

5. Tune kaa la aqane hë Saulo enehila tune la hne së hna atre, nge nemene huliwa la hna upi angeic troa kuca?

Itre xaa hnying:

1. E jë la Ite Huliwa 8:​1-4.

Nemene la aqane haöth la lapaune ne la Keresiano hnene la itre icilekeu ekö ka traqa kowe la ekalesia i Keresiano ngöne lo ijine kola xötrei eköthe ej, nge nemene la aqane traqa tune lai ngöne la hneijine së enehila? (Ite hu. 8:4; Is. 54:17)

2. E jë la Ite Huliwa 9:​1-​20.

Nemene la köni götrane qa hnei Iesu hna mekun troa athipe koi Saulo? (Ite hu. 9:​15; 13:5; 26:​1; 27:24; Rom. 11:13)

3. E jë la Ite Huliwa 22:​6-​16.

Nemene la aqane tro sa tui Anania, nge pine nemen matre ka nyipi ewekë catre lai? (Ite hu. 22:12; 1 Tim. 3:7; 1 Pet. 1:​14-​16; 2:​12)

4. E jë la Ite Huliwa 26:​8-​20.

Troa ithuecatre tune kaa la kola saze hmi hnei Saulo, kowe la itre trejine ka föene la itre ka thaa hmi kö? (Ite hu. 26:11; 1 Tim. 1:​14-​16; 2 Tim. 4:2; 1 Pet. 3:​1-3)

Edromë 109

Peteru Thei Konelio

1. Drei la trahmany ka sa iwatingöne ca ngöne cahu iatr?

2. Nemene la hna qaja hnene la ketre angela koi Konelio?

3. Nemene la hnei Akötresie hna amamane koi Peteru ngöne la angeic e hune uma i Simona e Iopa?

4. Pine nemen matre kola qaja hnei Peteru koi Konelio, ka hape, thaa tro kö angeic a sa iwatingöne ca me thili koi angeic?

5. Pine nemene matre kola hai hnei Peteru memine la itretre dreng ne Iudra?

6. Nemene la ini ka nyipi ewekë catr nyine troa xom qa ngöne la kola pane wai Konelio hnei Peteru?

Itre xaa hnying:

1. E jë la Ite Huliwa 10:​1-​48.

Nemene la hna amaman hnene la itre trenge ewekë i Peteru ngöne Ite Huliwa 10:​42, göne la huliwa ne cainöjëne la maca ka loi ne la Baselaia? (Mat. 28:19; Mar. 13:10; Ite hu. 1:8)

2. E jë la Ite Huliwa 11:​1-​18.

Nemene la aqane mekune ka eje thei Peteru ngöne lo Iehova a amekötine la aqane troa ujë kowe la itretre Ethen, nge tune kaa la aqane tro sa xötrethenge la tulu i angeic? (Ite hu. 11:​17, 18; 2 Kor. 10:5; Efe. 5:​17)

Edromë 110

Timoteo, Ketre Ixatua Koi Paulo

1. Drei cahu nekö trahmany ngöne la iatr, Atre kaa angeic, nge drei la ëjene la thine i angeic me qaaqa i angeic?

2. Nemene la hna qaja hnei Timoteo ngöne la kola hnyingë angeic hnei Paulo maine kola ajan hnei angeic troa ce tro me Sila me Paulo, troa cainöj kowe la itre atr ngöne la itre götran gaa nany?

3. Hna nyiqaane hën ekaa la itretre drei Iesu, ka hape, itre Keresiano?

4. Thupene la hnei Paulo me Sila me Timoteo hna tro trije e Anetioka, nemene la itre xaa traon hnei nyidroti hna wange trongën?

5. Tune kaa la aqane xatua Paulo hnei Timoteo, nge nemene la hnying nyine tro la itre thöthi enehila a isa thel?

Itre xaa hnying:

1. E jë la Ite Huliwa 9:​19-​30.

Nemene la aqane amamane Paulo aposetolo laka thaa tro kö sa trotro amamanyi menu pala ha, ngöne la kola icilekeu hnene la itre atr memine la maca ka loi? (Ite hu. 9:​22-​25, 29, 30; Mat. 10:16)

2. E jë la Ite Huliwa 11:​19-​26.

Tune kaa la aqane amamane hnei Ite Huliwa 11:​19-​21, 26 laka, kola eatrongëne me sajuëne la huliwa ne cainöje trootro hnene la uati hmitrötre i Iehova?

3. E jë la Ite Huliwa 13:​13-​16, 42-​52.

Tune kaa la aqane amamane ngöne Ite Huliwa 13:​51, 52, laka, thaa hna nue kö la icilekeu hnene la itretre dreng troa ananazijë angatr? (Mat. 10:14; Ite hu. 18:6; 1 Pet. 4:​14)

4. E jë la Ite Huliwa 14:​1-6, 19-​28.

Tune kaa la aqane tro la trenge ewekë hna hape, “hnei nyidoti hna nue angate pi koi Iehova” a xatua së matre thaa tro kö a thepe së hnene la itre xaa ejolene la mel ngöne la easë a xatuane la itre ka xötrei atre la nyipici? (Ite hu. 14:​21-​23; 20:32; Ioane 6:​44)

5. E jë la Ite Huliwa 16:​1-5.

Nemene la aqane amamane hnene la aja ka eje thei Timoteo troa peritomo angeic, laka ka nyipi ewekë catr troa kuca “la ewekë celë pine la maca ka loi”? (Ite hu. 16:3; 1 Kor. 9:​23; 1 Thes. 2:8)

6. E jë la Ite Huliwa 18:​1-​11, 18-​22.

Nemene la hna amamane hnei Ite Huliwa 18:​9, 10 göne la aqane elemekene hnyawa Iesu la huliwa ne cainöj, nge nemene la mejiune së enehila ngöne la easë a mekune la ewekë cili? (Mat. 28:20)

Edromë 111

Hna Hna La Ka Meköl

1. Ame ngöne la iatr, drei cahu nekö trahmany ka meköl hune la hnadro, nge nemene la ewekë ka traqa koi angeic?

2. Nemene la hnei Paulo hna kuca ngöne la angeic a öhne laka meci hë la nekö trahmany?

3. Ekaa la götran hna tro kow hnei Paulo me Timoteo, me itre sina tro i nyidro, nge nemene la ewekë ka traqa ngöne la angatr a pane cile e Mileto?

4. Nemene la ithuemacanyi hna canga qaja hnei Agabo ketre perofeta koi Paulo, nge tune kaa la aqane eatre hnyawa la hna qaja hnene la perofeta?

Itre xaa hnying:

1. E jë la Ite Huliwa 20:​7-​38.

(a) Tune kaa la aqane tro sa thele matre tro sa tui Paulo ngöne la nyidrëti a qaja ngöne la tusi Ite Huliwa 20:​26, 27, ka hape, “gufa kö ni ene la madra ne la nöjei ate asë”? (Ezek. 33:8; Ite hu. 18:​6, 7)

(b) Pine nemen matre loi e tro la itre qatre thup a “xome catëne la wesi ula ka nyipici” ngöne la angatr a hamë ini? (Ite hu. 20:​17, 29, 30; Tito 1:​7-9; 2 Tim. 1:​13)

2. E jë la Ite Huliwa 26:​24-​32.

Tune kaa la aqane xome Paulo la pengö i nyidrë, atre Roma, matre troa eatrëne hnyawa la hnei nyidrëti hna kapa qaathei Iesu? (Ite hu. 9:​15; 16:​37, 38; 25:​11, 12; 26:32; Luka 21:​12, 13)

Edromë 112

He Hna Thë Hnei Gejë

1. Nemene la ewekë ka traqa kowe la he hna tithe hnei Paulo, ngöne la eje a manij ezine la ketre hnapet, Kerete la ëjen?

2. Nemene la hnei Paulo hna qaja kowe la itre atr hune la bootr?

3. Tune kaa la aqane kaqa luë la he?

4. Nemene la itre hna amekötin hna hamëne hnene la tane isi, nge ala ije la itre atr ka mel?

5. Nemene la ëjen la hnapet hnei angatr hna xepe ngön, nge nemene la ewekë ka traqa koi Paulo ngöne la kola lolo hnyawa hmaca la drai?

Itre xaa hnying:

1. E jë la Ite Huliwa 27:​1-​44.

Nemene la aqane acatren la mejiune së göne la enyipicine la Tusi Hmitrötr, ngöne la easë a atre la ewekë ka traqa koi Paulo ngöne la nyidrëti a tro Roma? (Ite hu. 27:​16-​19, 27-​32; Luka 1:3; 2 Tim. 3:​16, 17)

2. E jë la Ite Huliwa 28:​1-​14.

Maine “atraqate la hna hnimi” Paulo memine la itre sine ce ti he me nyidrë hnene la itre wanaithihlë ne Melita, nemene fe la nyine troa kuca hnene la itre keresiano nge ngöne nemene götran? (Ite hu. 28:​1, 2; Heb. 13:​1, 2; 1 Pet. 4:​9)

Edromë 113

Paulo e Roma

1. Drei la hnei Paulo hna cainöje kow ngöne lo kola akalabusi nyidrëti e Roma?

2. Ame ngöne cahu iatr, drei la ka traqa troa wai Paulo nge ka lapa ngöne la laulau, nge nemene la hnei angeic hna kuca koi Paulo?

3. Drei lae Epaferodito, nge nemene la hnei angeic hna xome trongën ngöne la angeic a bëeke a tro Filipi?

4. Pine nemen matre Paulo a cinyihan la ketre tus koi Filemona enehmu i angeic?

5. Nemene la hna kuca hnei Paulo ngöne la kola nue nyidrë qaa kalabus, nge nemene la ewekë ka traqa koi nyidrë thupene lai?

6. Drei la hnei Iehova hna upe troa cinyihan la itre itus tixenuë ne la Tusi Hmitrötr, nge nemene la hna ithanatan hnene la tusi Hna Amamane?

Itre xaa hnying:

1. E jë la Ite Huliwa 28:​16-​31 nge Filipi 1:​13.

Tune kaa la aqane xome Paulo la traeme i nyidrë hnine la kalabus e Roma, nge nemene la thangane la aqane catre lapaune i nyidrë ngöne la ekalesia i Keresiano? (Ite hu. 28:​23, 30; Fil. 1:​14)

2. E jë la Filipi 2:​19-​30.

Nemene la itre trenge ewekë ka amamane, ka hape, Paulo a wang atrunyi Timoteo me Epaferodito, nge tro sa xötrethenge tune kaa la tulu i Paulo? (Fil. 2:​20, 22, 25, 29, 30; 1 Kor. 16:18; 1 Thes. 5:​12, 13)

3. E jë la Filemona 1-​25.

(a) Nemene la aqane eköthe Paulo la ithuecatr hnei nyidrëti hna upi Filemona troa kuca, nge tune kaa la aqane tro la aqane ujë cili a nyine tulu kowe la itre qatre thup ne la hnedrai së? (Filem. 9; 2 Kor. 8:8; Gal. 5:​13)

(b) Tune kaa la aqane amaman hnene la trenge ewekë i Paulo ngöne Filemona 13, 14, laka nyidrëti a metrötrën la mekuthethew ne la itre xan e hnine la ekalesia? (1 Kor. 8:​7, 13; 10:​31-​33)

4. E jë la 2 Timoteo 4:​7-9.

Tui Paulo aposetolo, nemene la aqane tro sa acatren la mejiune së laka tro Iehova a nyithupene koi së, e hne së hna catre mele nyipici uti hë la pun? (Mat. 24:13; Heb. 6:​10)

Edromë 114

Pune La Iakötrë

1. Pine nemen matre Tusi Hmitrötr a qaja la itre hoos e hnengödrai?

2. Nemene la ëjene la isi Akötresie ngöne la Nyidrëti a troa lepe la itre atr ka ngazo e celë fen, nge nemene la aliene la isi cili?

3. Ame ngöne cahu iatr, drei la Atre elemekene la isi, pine nemen matre nyidrëti a petrën la ketre korona, nge nemene la aliene la taua i nyidrë?

4. Maine tro hmaca së a goeën lo itre edromë 10, 15, me 33, pine nemen matre thaa sesëkötre kö së laka Akötresieti a troa apaatren la itre atr ka ngazo?

5. Tune kaa la aqane amamane koi së hnene la itre edromë 36 me 76 laka, tro Akötresie a apaatren la itre atr ka ngazo, ngacama angatr a hane uun, ka hape, angatr a hane hmi koi nyidrë?

Itre xaa hnying:

1. E jë la Hna Amamane 19:​11-​16.

(a) Tune kaa la aqane amamane hnyawa hnene la itre xötr ne la Tusi Hmitrötr laka Iesu Keriso la ka tithe la hoos ka wië? (Hna ama. 1:5; 3:​14; 19:11; Is. 11:4)

(b) Tune kaa la aqane amamane hnyawa hnene la madra hna thatha ngöne la iheetre i Iesu, laka tro nyidrëti a hun, nge troa pexeje la isi? (Hna ama. 14:​18-​20; 19:13; Is. 63:​1-6)

(c) Drei la itre ka hane sin la trongene isi, a ka xötrethenge Iesu hune la hoose i nyidrë ka wië? (Hna ama. 12:​7; 19:14; Mat. 25:​31, 32)

Edromë 115

Paradraiso Ka Hnyipixe e Celë Fen

1. Nemene la itre aqane mele hna amamane hnei Tusi Hmitrötr, hne së hna troa melën elanyi ngöne la Paradraiso e celë fen?

2. Nemene la hna thingehnaean hnei Tusi Hmitrötr thatraqane la itre atr ka troa mele hnine la Paradraiso?

3. Eu la ijine tro Iesu a kuca matre troa saze me lolo la fen?

4. Ame ngöne lo Iesu e celë ngöne la fen, nemene la hnei nyidrëti hna kuca matre troa amamane la itre ewekë ka troa traqa elanyi ngöne la nyidrëti a troa Joxu ne la Baselaia i Akötresie?

5. Nemene la ewekë ka xecie hnyawa koi Iesu memine la itre ka troa ce musi me nyidrë e koho hnengödrai, ngöne la angatr elanyi a troa musi hune la ihnadro?

Itre xaa hnying:

1. E jë la Hna Amamane 5:​9, 10.

Pine nemen matre easë a lapaune laka ame la itre ka troa ce musi me Iesu elany ngöne lo caa thauzane macatre, tre itre ka loi thiina nge itre joxu me itretre huuj ka troa hnimi së? (Efe. 4:​20-​24; 1 Pet. 1:7; 3:8; 5:​6-​10)

2. E jë la Hna Amamane 14:​1-3.

Nemene la aliene la kola cinyihan la ëjene la Tretretro memine la ëjen la Arenio hune la göpadri ne lo ala 144 000? (1 Kor. 3:​23; 2 Tim. 2:19; Hna ama. 3:​12)

Edromë 116

Mele Ka Epine Palua Koi Së!

1. Nemene la nyine tro sa atrepengöne hnyawa maine easë a ajan troa mele epine palua?

2. Tune kaa la aqane tro sa atre Iehova Akötresie me Iesu, tune la hna amamane hnene cahu nekö jajiny memine la itre sine ce elo i nyën ngöne lai iatr?

3. Nemen la ketre itusi hnei nyipunieti hna öhne ngöne cahu iatr, nge pine nemen matre loi e tro pala hi sa e ej?

4. Ngöne la easë a thele troa atre Iehova me Iesu, nemene mina fe la nyine tro sa kuca matre troa hetrenyi la mele ka thaa ase palua kö?

5. Nemene la ini hne së hna xome qa ngöne la Edromë 69?

6. Nemene la tulu ka loi hna amamane hnene la nekönatr, Samuela la ëjen ngöne la Edromë 55?

7. Tune kaa la aqane tro sa xötrethenge la tulu i Iesu Keriso, nge maine troa kuca tui nyidrë, nemene hë la hne së hna atreine troa kuca elany?

Itre xaa hnying:

1. E jë la Ioane 17:3.

Tune kaa la aqane amamane hnene la Tusi Hmitrötr, ka hape, ame la troa atrehmekua Iehova Akötresie me Iesu Keriso, tre thaa ene hmekuje kö la troa hnehene la itre nyine troa kuca nge eje hë lai? (Mat. 7:​21; Iako. 2:​18-​20; 1 Ioane 2:​17)

2. E jë la Salamo 145:​1-​21.

(a) Nemene la itre xaa kepin matre easë a atrunyi Iehova? (Sal. 145:​8-​11; Hna ama. 4:​11)

(b) Nemene la aliene la kola qaja, ka hape, “jiniati Iehova kowe la nöjei ewekë asë,” nge tune kaa la aqane troa aeasenyi së catre koi Nyidrë hnene la ewekë cili? (Sal. 145:9; Mat. 5:​43-​45)

(c) Maine atraqatre Iehova ngöne la mele së, haawe, nemene hë la nyine tro sa kuca? (Sal. 119:​171, 172, 175; 145:​11, 12, 21)