MEKENE 36
Nyipici Jë Ngöne La Nöjei Götrane Asë
Aja së tro la itre sinee së a nyipici. Ketre tui Iehova, aja i Nyidrëti fe tro la itre sinee i Nyidrë a nyipici. Ngo eje hi, tha ka hmaloi kö ngöne la fene celë. Nemene la eloine la troa nyipici ngöne la nöjei götrane asë?
1. Hnauëne la tro sa nyipici?
Ame la easa nyipici, easë hi lai a amamane la ihnimi së me metrötre së koi Iehova. Tha tro kö sa thëthëhmine laka, öhne hi Iehova la itre mekuna së me itre hne së hna kuca. (Heberu 4:13) Ame la easa nyipici, öhne hi Iehova, nge Nyidrëti a madrin. Öni Tusi Hmitrötr: “Sisi koi Iehova la itre atr ka mele thoi, ngo nyipi sinee i nyidrë la itre atr ka meköt.”—Ite Edomë 3:32, MN.
2. Tro sa nyipici tune kaa ngöne la mele së?
Öni Iehova: “Iqajakeunejë la nyipici.” (Zakaria 8:16, 17) Kola hapeue lai? Ame la easa ithanata memine la fami së, me itre sine huliwa së, me itre trejine ne la ekalesia, me itre ka huliwa i mus, tha tro kö sa thoi me juetrë ithanata. Ame la atr ka nyipici ke, tha ka atrekënö kö me iaöne la itre xan. (E jë la Ite Edomë 24:28 me Efeso 4:28.) Angeic fe a kuiëne la mani hna athip hnei mus. (Roma 13:5-7) E tro sa ujë tun, easë hi lai a “ajane troa meköt ngöne la nöjei götrane asë.”—Heberu 13:18.
3. Nemene la itre eloine la troa nyipici?
E ka majemine së nyipici, tro hë itre xan a mejiune koi së. Nge tro fe a madrine la fami së, me ekalesia së. Ketre, tro fe a tingetinge la mekuthetheu së. Matre jëne la hne së hna nyipici, easë hi lai a “amamane la emingömingöne la ini qaathei Akötresie, Atre Amele së” me thue aja fe koi itre xan troa hane lö kowe la nyipi hmi.—Tito 2:10.
TROA CE ITHANATAN
Tro sa ce wang la eloine troa mele nyipici koi Iehova me koi easë fe, memine la aqane tro sa nyipici ngöne la nöjei götrane la mele së.
4. Madrine catre Iehova kowe la atr ka nyipici
E jë la Salamo 44:21 me Malaki 3:16, nge ce ithanatane jë cahu itre hnying:
Ame koi epun, pine nemene matre tha ka loi kö troa juetrëne la nyipici?
Ame koi epun, nemene la aqane goeë së hnei Iehova la easa qaja la nyipici ngacama tha ka hmaloi kö?
Ka madrine catre la itre keme me thine la nekö i nyidro a qaja la nyipici. Ketre tui Iehova fe
5. Loi e tro palahi sa qaja la nyipici
Tru hnei ka mekune ka hape, tha ka ngazo kö troa thoi. Ngo tro sa ce wang la kepine matre, loi e tro palahi sa qaja la nyipici. Goeëne jë la VIDEO.
E jë la Heberu 13:18, nge ce ithanatane jë la aqane troa nyipici . . .
ngöne la fami.
ngöne la hna huliwa me hna ini.
ngöne la itre xaa götrane la mele së.
6. Eloine troa qaja la nyipici
Hne së hna mekun e itre xaa ijine ka hape, tro sa ixelë me jol e tro sa qaja la nyipici. Ngo ame la easa mekune hnyawan, celë hi lai nyine tro sa kuca. E jë la Salamo 34:12-16, nge ce ithanatane jë cahu hnying:
Hna xatua epun tune kaa la epuni a qaja la nyipici?
Ame la lue trefën ka inyipicikeu, ke ka madrin
Ame la atr ka huliwa nyipici koi maseta, ke hna mejiune kow
Ame la atr ka trongëne la itre wathebo i mus, ke hna qaja aloin
HNE SË HNA MAJEMINE DRENG: “Tha ka ngazo kö troa nango thoi!”
Ame koi epun, hnauëne la Iehova a sisine la nöjei trengathoi?
HANE HI LA HNE SË HNA CE WANG
Aja i Iehova tro la itre sinee i Nyidrëti a nyipici ngöne la hna qaja me kuca.
Nyine Amekunën
Nemene la itre aqane tro sa nyipici?
Hnauëne laka, tha tro kö sa juetrëne la nyipici?
Pine nemene matre tro palahi epuni a nyipici?
ITRE XAA NYINE WANG
Tune kaa la aqane tro la itre keme me thine a inine la itre nekö i nyidro troa nyipici?
Nemene la eloine la troa eatrëne la itre hne së hna qaja?
Hetre eloine la troa kuiëne la mani koi mus, ngacama atre hi së ka hape, tro lai a huliwane menun.
Ketre trahmany hna xatuane troa huliwa nyipici.
“J’ai découvert la miséricorde et le pardon de Jéhovah” (Ita Ne Thup 1 Mei 2015)