MEKENE 42
Mekuna i Tusi Hmitrötr Göi Troa Lapa Cas Me Faipoipo
Ame ngöne la itre xaa nöj, kola mekune hnene la itre atr ka hape, loi e troa faipoipo matre tingeting. Ngazo pe, tha tingetinge kö la mele i angatr. Nge ame pena la itre ka lapa cas, ke ka madrine angatr. Ngo öni Tusi Hmitrötre pe, ceitune hi la troa faipoipo me lapa cas, ke lue ahnahna asë hi qaathei Akötresie.
1. Nemene la eloine la troa lapa cas?
Öni Tusi Hmitrötr: “Ame la atre faipoipo, ka loi la mekuna i angeic, ngo ame la ka lapa cas, sisitria kö la mekuna i angeic.” (E jë la 1 Korinito 7:32, 33, 38.) Pine nemene matre Tusi Hmitrötr a qaja ka hape, ame la ka lapa cas ke, “sisitria kö la mekuna i angeic”? Pine laka, pëkö ka troa ajolë angeic, matre ijiji hi tro angeice a fek kowe la ketre götran troa cainöjëne la maca ka loi. Nge, hetre ijine i angeice fe troa acatrene hnyawane la imelekeu i angeic me Iehova.
2. Nemene la eloine troa faipoipo?
Tune la troa lapa cas, hetre eloine la faipoipo. Öni Tusi Hmitrötr, “loi la ala lue hune la ala cas.” (Ate Cainöj 4:9) Ka nyipici lai, e tro la lue trefën a melëne la itre trepene meköt qa hnine la Tusi Hmitrötr. Ame la trahmanyi me föe a faipoipo, nyidroti hi lai a sisinyi troa ihnim me imetrötrë. Matre, ka tingetinge ju kö la mele ne la itre ka faipoipo hune la itre ka ce lapa, nge tha ka faipoipo kö. Ketre, jëne la faipoipo, nyidroti a aijijëne la itre nekö i nyidro troa mele tingeting e hnine la fami.
3. Tune kaa la aqane goeëne Iehova la faipoipo?
Ame la Iehova a acile la pane faipoipo ekö, öni Nyidrë: “Tro la trahmanyi a nue la kem me thine i angeic, me fedre kowe la föi angeic.” (Genese 2:24, MN) Ame la aja Iehova ke, tro la trahmanyi me föe a ihnim uti hë mec. Nyidrëti a nue la seihnacil e tro ketre a nyixetë. Ame ngöne la götrane cili, Iehova a nue kowe la hna nyixetë trij, troa iëne troa seihnacil.a (Mataio 19:9) Ketre, tha Iehova kö a kapa tro la itre keresiano a nyimu föe.—1 Timoteo 3:2.
TROA CE ITHANATAN
Tro sa ce wang la aqane tro la itre ka lapa cas me itre ka faipoipo a madrin me atrunyi Iehova.
4. Maine epuni a ajane troa lapa cas, nyipiewekëne ju
Ame koi Iesu, ame la troa lapa cas, ke ketre ahnahna. (Mataio 19:11, 12) E jë la Mataio 4:23, nge ce ithanatane jë cahu hnying:
Tune kaa la aqane huliwane hnyawane Iesu la ahnahna, ene la troa lapa cas, matre nyihluene la Keme i nyidrë me kuca la loi koi itre xan?
Tui Iesu, ijije hi troa madrine la keresiano ka lapa cas. Goeëne jë la VIDEO, nge ce ithanatane jë cahu hnying:
Nemene la itre huliwa ka troa hamë madrine kowe la itre keresiano ka lapa cas?
Atre fe hi epun?
Tha hnei Tusi Hmitrötre kö hna qeje macatrene la troa faipoipo. Ngo eje pe a qaja ka hape, loi e pane ase pi lo ijine hna hape, “kola xötrei tru.” Ke ame ngöne la ijine cili, thatreine kö troa xomehnöth la itre aja ne ce meköl.—1 Korinito 7:36.
5. Iëne hnyawa jë la föi epun
Ka nyipiewekë catre troa iëne hnyawa la föe hnei epun hna troa ce mele memin. E jë la Mataio 19:4-6, 9, nge ce ithanatane jë cahu hnying:
Pine nemene matre loi e tro la keresiano a pane mekune hnyawa qëmeken troa faipoipo?
Tusi Hmitrötr a qaja ka hape, troa thele la itre thiina ka loi thene la atr hnei epun hna pi faipoipo memin. Nge ame la ka nyipiewekë, ke loi e ka hnimi Iehova catre angeic.b E jë la 1 Korinito 7:39 me 2 Korinito 6:14. Nge ce ithanatane jë cahu itre hnying:
Pine nemene matre loi e troa faipoipo hmekuj hnene la lue Temoë Iehova?
Nemene la mekuna i Iehova la Nyidrëti a öhne la keresiano a iëne troa faipoipo memine la ketre atr ka tha nyihlue i Nyidrëti kö?
Tha ka loi kö troa ce huliwane la lue öni ka isapengön. Ceitune hi lai memine la troa faipoipo memine la ketre atr ka tha nyihlue Iehova kö. Tro së lai a ixelë me jol
6. Loi e tro epuni a waiewekë tui Iehova göi faipoipo
Ame ekö e Isaraela, hnene la itre trahmany hna thele kepin troa seihnacil. E jë la Malaki 2:13, 14, 16, nge ce ithanatane jë cahu hnying:
Pine nemene matre methi Iehova la troa seihnacil nge pë pe nyipi kepin?
Ka iakötrë catre la troa nyixetë me seihnacil
Goeëne jë la VIDEO, nge ce ithanatane jë cahu hnying:
Maine ka faipoipo epun memine la ketre atr ka tha nyihlue i Iehova kö, nemene la nyine tro epuni a kuca matre mele madrin?
7. Trongëne jë la itre hna amekötine hnei Iehova göi faipoipo
Tha ka hmaloi kö troa trongëne la itre hna amekötine hnei Iehova göi faipoipo.c Ngo ame la ka xötrethenge, tro Iehova a amanathithi angeic. Goeëne jë la VIDEO.
E jë la Heberu 13:4, nge ce ithanatane jë cahu itre hnying:
Ka meköti kö la itre hna amekötin hnei Iehova göi faipoipo? Pine nemene matre epuni a mekune tun?
Nyimutre la itre nöj ka amekötine ka hape, troa faipoipo me seihnacil thei mus. Iehova a ajane tro la itre keresiano a drengethenge la itre wathebo cili. E jë la Tito 3:1, nge ce ithanatane jë cahu hnying:
Hapeu, hnei epuni kö hna faipoipo thei mus?
IJIJE HI TROA HNYINGË EPUN: “Nyine u la troa faipoipo? Ce lapa ju hi.”
Tro epuni a sa tune kaa?
HANE HI LA HNE SË HNA CE WANG
Ame la troa faipoipo me lapa cas, ke lue ahnahna lai qaathei Iehova. Ka mele casi ju hë së maine ka faipoipo, ngo ijije hi tro sa mele madrin e tro sa trongëne la itre hna amekötine hnei Iehova.
Nyine Amekunën
Nemene la eloine la troa lapa cas?
Pine nemene matre Tusi Hmitrötr a qaja ka hape, loi e troa faipoipo hmekuj hi hnene la lue Temoë Iehova?
Thenge la Tusi Hmitrötr, nemene hi la ka aijijë së troa seihnacil?
ITRE XAA NYINE WANG
Aliene la troa faipoipo “thei Joxu hmekuje hi.”
Itre mekune ka lolo koi itre ka pi faipoipo, ngöne la video ka lue götran.
Aqane xatuane Iehova la ketre trejin ka xomi mekune ka loi.
Ase Hë Ni Mekun Ka Hape, Tro Fe Angeic a Hane Inine La Tusi Hmitrötr (1:56)
Nemene la nyine troa mekune hnyawane qëmekene troa seihnacil maine tro pena isa lapa?
“Metrötrëne Jë ‘La Hnei Akötesie Hna Isilekeun’” (Ita Ne Thup Diseba 2018)
a Ame lai Ithuemacanyi 4 kola qaja la itre hna amekötine ka aijijë së troa isa lapa, ngacama tha hna nyixetë kö.
b Ame ngöne la itre xaa nöj, itre kem me thine la ka iëne la föe ne la itre nekö i angatr. Matre, loi e tro angatr a iëne hnyawane la itre ka hnimi Iehova. Tha ka loi kö e tro angatr a iën la itre ka trene mani, maine ka cilëne pena la itre hnëqa ka mama ngöne la nöje i angatr.
c Maine hetre sine ce elo i epun, tro epuni e cili a iëne troa isa lapa, maine tro pena a faipoipo.