Nunu o Lugu do Paganakan dit Asanang?

NUNU KA DO BAIBOL

“Okon-okon po o kolumaago’ di tulun di mokinongou do boros do Kinorohingan om i mumboyo’ddi!”​—Lukas 11:28, Buuk do Kinorohingan do Boros do Dusun.

NUNU RATI DIRI MONTOK DIYA’

Koihum kosianan dit otopot.​—Iposus 5:28, 29.

Kopuriman do pusohon kopio.​—Iposus 5:33.

Kopuriman do kotingoligan.​—Markus 10:6-9.

MILO TOKO’ NANGKU’D OTUMBAYAAN DO BAIBOL?

Oo, montok 2 o paantakan:

• Kinorohingan no o minonimpuun do paganakan. Boros ka do Baibol om i Yohuwah no o pinopiiso kusai om tondu di pogulu kopio dot id pisasawaan. (Kinawansayan 2:18-24) Om i Yohuwah noddi o minonimpuun do paganakan.

  Soroho’ pogi: Ondung siilo ko do ‘romuan’ dot iso-iso o taakanon, isai tuhoton nu? Mositi no do tulun di minagansak.

  Iyo’ddi nogi, ondung siilo toko’ do ‘romuan’ do paganakan dit asanang nga mositi no mokiilo toko’ mantad di Yohuwah, i minonimpuun do paganakan.

• Mamadul o Kinorohingan diya’. Mositi do mogihum o paganakan nosihat di Yohuwah id suang do Baibol. Nokuro? Boros ka do Baibol nga ‘mamadul i’ Iyau dokoyu.’ (1 Pitrus 5:6, 7) Manu i Yohuwah do asanang toko’, om koinsanai nosihat Dau nga koontok kopio!​—Boros dot Aralom 3:5, 6; Yosaya 48:17, 18.