I bena mun lo fɔ répondeur automatique ye?

1Tuma min na an be waajuli kɛ, mɔgɔ dɔw tɛ yen u ka soo. A man nɔgɔ ka se dɔ wɛrɛw fɛ. Telefɔni ye fɛɛrɛ ɲuman ye ka seereya di o ɲɔgɔnna mɔgɔw ma. Nka, mɔgɔ caaman tɛ sɔn ka telefɔni jaabi. Mansi dɔ (répondeur automatique) b’a laminɛ u nɔɔ na. I be se ka mun kɛ o tuma la? I kana sin ka telefɔni bila. Jaabili ɲuman sɛbɛnen dɔ ka sɔrɔ i bolo kɔrɔ k’o kalan telefɔni na. I dege k’o sɛbɛ kalan i n’a fɔ i be baro diiman kɛla ni mɔgɔ ye. I be se ka mun lo fɔ?

I be se ka cira to sotigi ye ko a weelela ka na foroba kalan nata lamɛn Masaya Boon kɔnɔ. I k’o cira fɔ ni dusu diya ye. I be se k’a fɔ ko: “Hakɛ to, ne m’i sɔrɔ i ka soo. N’a bena diya i ye ka baro dɔ lamɛn [foroba kalan kuun fɔ], na Jehova Seerew ka Masaya Boon na. O kalan basiginen be Bibulu kan. Bɛɛ be se ka na. Wari deli tɛ kɛ mɔgɔ fɛ.” O kɔ, lajɛn loon n’a wagati fɔ ka gwɛ. Ani, i ka Masaya Boon sira nimɔrɔ fɔ, wala i k’a yɔrɔ lakali.

Mɔgɔ kura minw bɛɛ be na lajɛn na, i k’u kɔrɔsi k’i janto u la. I yɛrɛ yira u la ani i k’u bisimila. I kana ɲinɛ ka Bibulukalan sarabali kofɔ u ye!