Tɛmɛ gafe Adorez Dieu fɛ ka bibulukalanw kɛ

Gafe Adorez le seul vrai Dieu labɛnna walisa ka mɔgɔ kuraw dɛmɛ u ka ɲɛtaga sɔrɔ tiɲɛnko la, ani u ka Jehova n’a ka ɔriganisasiyɔn waleɲuman lɔn ka dunya. An be se ka baara kɛ n’an ye i ko gafe filanan walisa ka Bibulu kalan ni kalandenw ye. Saan 2000, zuwɛnkalo ka An ka Masaya Cidenyabaara ɲɛɛ 4nan tun y’a ɲɛfɔ ko: “N’i ye kitabunin Ɲini ani gafe Dɔnniya kalan ka ban ni mɔgɔ dɔ ye, n’a gwɛra k’a tigi be ɲɛtaga kɛra, hali dɔɔni dɔɔni, n’a be kalan waleɲuman lɔn, o la, taga ɲɛ ni kalan ye gafe filanan dɔ kɔnɔ. . . . Cogo o cogo, kitabunin Ɲini ani gafe Dɔnniya ka kan ka kalan fɔlɔ. O kalan kɛtɔ, i ka bibulukalan, viziti kuraw, ni wagati jate minɛ ka fara i ka rapɔɔri kan, hali ni kalanden batisera ani gafe filanan ma ban fɔlɔ.”

Mɔgɔ wɛrɛ juman be se ka nafa sɔrɔ gafe Adorez Dieu kalan na? O barokun kelen ko: “N’i be mɔgɔ dɔw lɔn, minw ye [kitabunin Ɲini ani] gafe Dɔnniya kalan ka tɛmɛ fɔlɔ la, ani u ma ɲɛtaga sɔrɔ fɔɔ k’u yɛrɛkun di ani ka batise, i be se k’a filɛ n’u b’a fɛ ka Bibulu kalan kɛ kokura.” An ka jijaliba kɛ ka bibulukalanw daminɛ n’o ɲɔgɔnna mɔgɔw ye gafe Adorez Dieu kɔnɔ marisi ni awirili kalow la.