Awirili tile 30nan lɔgɔkun
Dɔnkili 125 ani delili
□ Kafo ka Bibulu kalan:
my maana 81 (mn. 25)
□ Ala ka Mara cidenyabaara lakɔli:
Bibulu kalangwɛ: Jeremi 32-34 (mn. 10)
Segikanni, Ala ka mara cidenyabaara lakɔli la (mn. 20)
□ Waajuliko lajɛn:
Dɔnkili 82
mn 10: Kunnafoniw. Ɲɛyirali: Bibulukalan daminɛcogo mɛkalo ka samedi fɔlɔ la. A’ ye tɛmɛ ɲɛɛ 4 ka yiracogo modɛli fɛ k’o kɛ. A’ ye weleweledalaw hakili jigi u k’u ka rapɔɔriw di.
mn 25: Furunafolo damakɛɲɛnin tɛrɛmɛcogo. Diinan mɔgɔkɔrɔ dɔ b’o ɲɛminɛ La Tour de Garde kɔnɔ (saan 1998, sɛtanburu tile 15nan ta, ɲɛɛ 24-27). Kalan (mn. 10): Barokun ka miiriya jɔnjɔnw bɔ kɛnɛ kan. Ɲɛyirali fɔlɔ (mn. 5): Balimacɛ dɔ min denmuso ka kan ka furu yanni dɔɔni, ale be baro kɛ ni diinan mɔgɔkɔrɔ dɔ ye. A b’a fɔ a ye ko ale b’a fɛ ka furunafolo koo to a somɔgɔw bolo. Diinan mɔgɔkɔrɔ b’a hakili jigi miiriya dɔw la minw be sɔrɔ cɛtigɛ nin na: “ Qui doit s’occuper des négociations ? ”. O kɔ, a be tɛmɛ cɛtigɛ nin fɛ k’a yira a la ko a ka ɲi ka koow kɛ k’a dama kɛɲɛ: “L’exemple de personnes raisonnables.” A b’a fɔ a ye ka gwɛlɛya ko farati b’a la k’o ɲɔgɔnnako to somɔgɔw bolo. O kumaw ye denfa dusu sɔrɔ, ani a be diinan mɔgɔkɔrɔ fo kosɔbɛ a ka dɛmɛ ɲuman na. Ɲɛyirali 2nan (mn. 5): Sisan, denfa be kuma n’a denmuso belencɛ dɔ ye bɛɛ be mɛnni kɛ min fɛ ani a tɛ Jehova Seere ye. Denfa b’a fɔ a ye ka gwɛlɛya ko ale tɛna foyi ɲini a burancɛ fɛ min dama kɛɲɛnin tɛ (Ka kɛɲɛ ni koow cogoya ye, a b’a fɔ a ye ko furunafolo hakɛ tɛna tɛmɛ jamana ka sariya ta kan, wala ko a tɛna kɛ bɛrɛ ye. A yɛrɛ be se k’a fɔ ko a tɛna foyi ɲini a burancɛ fɛ). Belecɛman b’a jalaki ko a tun ma deli ka koow kɛ o cogo la fɔlɔ la. Balimacɛ b’a jaabi ko ale t’a fɛ Laban ka koo goman ɲɔgɔnw k’ale sɔrɔ (Jen. 31:15). O kuma ma diya belecɛman ye, nka a be sɔn an balimacɛ ta ma sabu a somɔgɔw bɛɛ b’a bonya a ka tagamacogo ɲuman kosɔn. Diinan mɔgɔkɔrɔ be baro kuncɛ (mn. 5): a b’a yira ka gwɛ ko n’an be koow kɛ k’a dama kɛɲɛ furunafoloko ta fan fɛ, tɔnɔ be se ka sɔrɔ o la. Jamana minw na, furunafolo daganin tɛ sariya sira la, kafow bena barokun wɛrɛ lajɛ ka kɛɲɛ n’u makoya ye.
Dɔnkili 126 ani delili