Yɛlɛmani minw donna kafo ka lajɛn dɔw la

K’a ta sɛtanburu tile 3nan lɔgɔkun ma, Kafo ka Bibulu kalan bena tɛmɛ miniti 25 kan ka kɛ miniti 30 ye. Kalan ɲɛminɛbaga ka dadon kumaw na, a bena miniti kelen ta ka mɔgɔw hakili jigi kalan tɛmɛnin ka hakilinataw la. Waajuliko lajɛn tɛna mɛɛn miniti 35 tugun, a bena kɛ miniti 30 kɔnɔ. Wagati dɔ tɛna labila kunnafoniw dama kama tugun. Nka, kunnafoniw ka kan ka di waajuliko lajɛn ka kalan fɔlɔ daminɛ na. Tuma caaman na, kunnafoni bɛrɛ wala kunnafoni foyi yɛrɛ man kan ka di ani kuun t’a la k’a fɔ kalan minw bena kɛ o lajɛn na. Kunnafoni minw ɲɛsinna waajuli baara koo ma, Masaya Boon saniyaniko ni foliw ma, olu man kan ka di (km 10/08 ɲɛɛ 1, § 4). Ni kunnafoni jan dɔ be yen k’a lase kafodenw ma, a ka ɲi kalankɛlaw k’o lɔn joona walisa u k’u ka kalan lasurunya.