“Masaba [Jehova] ka ɲumanya saan koo fɔ”

“Masaba [Jehova] ka ɲumanya saan” tɛ saan yɛrɛ yɛrɛ ye

61:1, 2

• O ye wagati ye min kɔnɔ Jehova be sababu di mɔgɔ majigininw ma u ka sɔn a ka kibaro la ani ka hɔɔrɔnya.

• Saan kɛmɛkulu fɔlɔ la, ɲumanya saan daminɛna tuma min na Yezu y’a ka waajulibaara daminɛ, saan 29 Krista tile la. A mɛɛnna fɔɔ Jehova mɔnɛbɔ loon na, Zeruzalɛmu halaki tuma na saan 70 Krista tile la.

• An ka wagati la, ɲumanya saan daminɛna tuma min na Yezu sigira Masaya la sankolo la saan 1914. O bena ban tɔɔrɔba wagati la.

Jehova b’a ka mɔgɔw duga ni tilennenya yirisunw ye

61:3, 4

• Tuma caaman na, yiriw bɛɛ la jamanjanw be falen ɲɔgɔn fɛ tuuba kɔnɔ ani u be ɲɔgɔn dɛmɛ.

• U ka lili jamanjanw be se ka meleke ɲɔgɔn na. O cogo la, fɔɲɔbaw tɛ se k’u ben.

• Yirijanw be suma di yiri wulitɔ kuraw ma. U fulaburu minw be ben, u be kɛ nɔgɔ ye ka dugukolo nafa.

Tilennenya yirisunw ye kerecɛn mɔlenw ye minw bele be dugukolo kan. U be kerecɛnw bɛɛ dɛmɛ ani k’u latanga.