To ka muɲuli kɛ ka Ala ka loon makɔnɔ ni ninsɔndiya ye

Kabi tuma juman i be kɔnɔni kɛra ko Ala ka Masaya ka na? Yala i be muɲuli kɛra ni ninsɔndiya ye gwɛlɛyaw bɛɛ n’a ta wa? (Ɔrɔm. 8:25). U be kerecɛn dɔw kɔniya, k’u tɔɔrɔ, k’u don kaso la wala u yɛrɛ be ɲini k’u faga. Gwɛlɛya be dɔ wɛrɛw fana kan i n’a fɔ bana jugu wala kɔrɔya.

Mun lo bena an dɛmɛ ka gwɛlɛya sifa bɛɛ muɲu ni ninsɔndiya ye? An ka kan ka an ka limaniya barika bonya an kɛtɔ ka Bibulu kalan loon o loon ani ka miiri o kan koɲuman. An ka kan k’an ka jigiya koo to an hakili la (2 Kor. 4:16-18; Eburuw 12:2). An ka kan ka Jehova deli a ka hakili senu di an ma (Luka 11:10, 13; Eburuw 5:7). An sankolola Faa kanutigi be se k’an dɛmɛ ka “muɲu ni ninsɔndiya ye.”—Kɔlɔs. 1:11.

VIDEWO NIN FILƐ: AN KA KAN KA “BOLI NI JIJALI YE”: AN KA LA A LA KO AN BE SE K’A SARA SƆRƆ. O KƆ, ƝININGALI NUNU JAABI:

• 

  “Barinako” jumanw lo be se ka mɔgɔ sɔrɔ? (Waaj. 9:11).

• 

  Delili b’an dɛmɛ cogo di ni gwɛlɛyaw b’an kan?

• 

  N’an tɛ sera ka bɛrɛ kɛ Jehova ka baara la i ko fɔlɔ la, an bele be sera ka min kɛ, mun na an ka ɲi ka banba o la?

• 

  Mun lo b’i dɛmɛ ka la a la ko i be se ka sara sɔrɔ?