“Siya wɛrɛw ka joo minw be aw fɛ, aw k’o bɛɛ fili”

Jehova tun ma sariya si sigi fɔlɔ ka ɲɛsin boliw batoli koo ma. O bɛɛ n’a ta, Yakuba tun b’a lɔn ko Jehova kelenpe lo ka kan ni batoli ye (Ɛkiz. 20:3-5). O la, tuma min na Jehova y’a fɔ a ye ko a ka kɔsegi Betɛli, Yakuba y’a fɔ a somɔgɔw bɛɛ ye ko u k’u ka joow di. O kɔ, Yakuba y’o joow ta, hali joo minw tun b’u tulow la, ani a y’u fili (Zɛnɛzi 35:1-4). Siga t’a la, Yakuba ye min kɛ, o diyara Jehova ye.

Bi, an be se k’a yira cogo di ko an be Jehova kelenpe lo bato? Fɛɛn o fɛɛn ɲɛsinna josɔn ni jinamoriya n’a ɲɔgɔnnakow ma, a kɔrɔtanin lo an k’an mabɔ u la. An ka ɲi k’an ka ɲɛnagwɛkow fana sɛgɛsɛgɛ koɲuman. Ɲɛyirali fɛ, i k’i yɛrɛ ɲininga ko: “Yala n’ be n’ yɛrɛ ɲɛnagwɛ ni gafew wala ni filimuw ye minw ɲɛsinna sujaw ni jinaw ka kabakow ma wa? N’ be ɲɛnagwɛ ni fɛɛn minw ye, yala u b’a yira ko farati tɛ jinamoriyakow wala subagayakow la wa?” Jehova be koo o koo kɔniya, an ka ɲi k’an yɔrɔ janya u la kosɔbɛ!​—Zab. 97:10.

VIDEWO NIN FILƐ: LƆ KELEN KAN KA SUTANA KƐLƐ. O KƆ, ƝININGALI NUNU JAABI:

• 

  Gwɛlɛya juman lo ye Bibulu kalanden dɔ sɔrɔ min tɔgɔ ko Palesa?

• 

  N’i ele, i lɔnbaga wala i ka Bibulu kalanden dɔ seen be jinamoriyakow la, mun na hakilitigiyako lo ka dɛmɛ ɲini diinan mɔgɔkɔrɔw fɛ?

• 

  Minw b’a fɛ Jehova k’u latanga, olu ka kan k’u mabɔ pewu koo jumanw lo la?

• Palesa y’a cɛsiri ka mun lo kɛ?

• I ka mara la, fɛɛrɛ jumanw lo be se k’i dɛmɛ i k’i yɛrɛ tanga jinakow ma?