Hɔɔrɔnyali nata: Ala ni Krista barika la

Yala i ka ɲi ka bondori kɛ i ka gwɛlɛyaw kosɔn loon o loon wa? Yala i ye denbaya kuntigi ye ani i ka kunkanbaaraw ka ca wa? Yala i kelen n’i kelen lo be jijali kɛra k’i deenw lamɔ wa? Yala i ye kanbele wala sunguru ye, ani i ka lakɔli filankuruw b’i tɔɔrɔla wa? Yala i ka kɛnɛyako wala kɔrɔya b’i sɛgɛnna wa? Gwɛlɛya b’an kelen kelen bɛɛ kan. Gwɛlɛya caaman cunna wagati kelen na an balima caaman kan. Nka an b’a lɔn ko yanni dɔɔni, o gwɛlɛyaw bɛɛ bena ban.—2 Kor. 4:16-18.

Sanni o cɛ, k’a lɔn ko Jehova b’an ka gwɛlɛyaw faamu, ko an be kantigiya ni muɲuli min kɛra o ka di a ye, ani ko a bena an duga o kosɔn, o b’an dusu saalo (Zer. 29:11, 12). Yezu fana b’a mako don an na. Yezu y’an hakili sigi ko a ‘bena to n’an ye’ tuma min na an b’an ka kunkanbaaraw dafara (Mat. 28:20). Ala ka Masaya bena an hɔɔrɔnya cogo min na sini ma, n’an be wagati ta ka miiri o la, o b’an ka jigiya barika bonya, ani o b’an jija an ka to k’an ka gwɛlɛyaw muɲu.—Ɔrɔm. 8:19-21.

VIDEWO NIN FILƐ: K’A TO DUNIƝA LABAN BE SURUNYANA, I ƝƐƐ LƆNIN TO YEZU KAN: MASAYA KA DUGA NATAW. O KƆ, ƝININGALI NUNU JAABI:

• Adamadenw yɔrɔ janyana Ala la cogo di? Ani mun lo sɔrɔla o la?

• Minw be kantigiya kɛ Jehova ye, olu bena duga jumanw lo sɔrɔ sini ma?

• Mun lo bena kɛ o dugaw sababu ye?

• Ele kɔrɔtɔnin lo Ala ka layidu jumanw lo ka dafa duniɲa kura kɔnɔ?