Yala i b’a kɔrɔsi Jehova b’i ka deliliw jaabi cogo min na wa?

Jehova ye delili minw jaabi, u ɲɔgɔnna caaman kofɔra Bibulu kɔnɔ. Jehova sagokɛlaw tun mana a ye ko a b’u ka haminankow lamɛn ani k’u dɛmɛ, siga t’a la, o tun b’u ka limaniya barika bonya. O kama, n’an be Jehova delila, an mako be min na tigitigi, a ka ɲi an k’o fɔ a ye ani ka kɔrɔsili kɛ k’a filɛ a bena an jaabi cogo min na. An k’a to an hakili la ko Jehova bena an jaabi cogo min na, o be se ka kɛ daan na ni an tun be min miirila, wala o be se ka tɛmɛ o kan yɛrɛ (2 Kor. 12:7-9; Efɛz. 3:20). An ka delili jaabili be se ka kɛ mun lo ye? Jehova be se ka . . .

• fanga, hakilisigi, wala limaniya di an ma ka gwɛlɛya dɔ muɲu.—Filip. 4:13

• hakilitigiya di an ma walisa an ka desizɔn ɲuman ta.—Zaki 1:5

• koo dɔ kɛlɔgɔ n’a kɛ see di an ma.—Filip. 2:13

• dususuman di an ma ni hami b’an kan.—Filip. 4:6, 7

• tɛmɛ tɔɔw fɛ k’an jija ani k’an dusu saalo.—1 Zan 3:17, 18

• dɛmɛ lase mɔgɔ dɔ ma an ye delili kɛ min ye.—Kɛw. 12:5, 11

VIDEWO NIN FILƐ: JEHOVA ‘BE DELILIW MƐN.’ O KƆ, ƝININGALI NUNU JAABI:

• N’an tɛ sera ka bɛrɛ kɛ an ka kɛnɛyako kosɔn, balimacɛ Shimizu ka koo be se k’an jija cogo di?

• An be se ka balimacɛ Shimizu ladegi cogo di?