KALANSEN 08
I be se ka teriya kɛ ni Jehova ye
Jehova b’a fɛ i k’ale lɔn ka ɲɛ. Mun na do? A jigi b’a la ko n’i tora ka dɔ lɔn a ka jogow koo la, a ka kokɛcogo ani a ka laɲinita koo la, a bena diya i ye ka kɛ a teri ye. I lanin b’a la ko mɔgɔ be se ka kɛ Ala teri ye wa? (Zaburuw 25:14 kalan). I be se ka mun lo kɛ walisa ka kɛ a teri ye? O ɲiningaliw jaabili be sɔrɔ Bibulu kɔnɔ. Bibulu b’a yira fana ko nɛɛmaba lo ka teriya kɛ ni Jehova ye. O teriya ɲɔgɔn tɛ yen.
1. Jehova b’a ɲini i fɛ i ka mun lo kɛ?
“Aw ye gwɛrɛ Ala la, ale fana bena gwɛrɛ aw la.” (Zaki 4:8). O kuma kɔrɔ ko di? Jehova b’a ɲini i fɛ i ka kɛ ale teri ye. A ka gwɛlɛ dɔw ma ka la a la ko u be se ka kɛ Ala teri ye sabu u tɛ se k’a ye. Nka, an mako b’a la ka fɛɛn o fɛɛn lɔn Jehova koo la walisa ka se k’an magwɛrɛ a la, Jehova y’o yira an na a ka Kuma kɔnɔ, o min ye Bibulu ye. N’an tora ka Ala ka Kuma kalan, teriya min be an n’ale cɛ, o barika bena bonya hali n’an tɛ se k’a ye.
2. I tɛ se ka Jehova ɲɔgɔnna teri sɔbɛ sɔrɔ. Mun na do?
Mɔgɔ si tɛ i kanu ka se Jehova ma. A b’a fɛ i ka ninsɔndiya ani i ka kuma a fɛ n’i mako be dɛmɛ na tuma o tuma. I be se k’i ‘ka haminankow bɛɛ to a bolo, bari a be janto i la.’ (1 Piyɛri 5:7). Jehova labilanin lo tuma bɛɛ k’a teriw dɛmɛ, k’u dusu saalo ani k’u lamɛn.—Zaburuw 94:18, 19 kalan.
3. Jehova be mun lo ɲini a teriw fɛ?
Jehova be mɔgɔw bɛɛ kanu, “nga a be mɔgɔɲumanw [lo] kɛ a teriw ye.” (Talenw 3:32). Jehova be min jati koo ɲuman ye, a b’a ɲini a teriw fɛ u ka banba k’o lo kɛ, ani a be min jati koo jugu ye, u kana o kɛ. Jehova ye sariya minw sigi ɲuman ani juguman koo la, dɔw b’a miiri k’u tɛna se k’o sariyaw labato a ɲɛɛ ma ka ye. Nka Jehova dusu man gwɛlɛ, a b’an faamu. Mɔgɔ o mɔgɔ b’a kanu sɔbɛ la, ani a b’a seko bɛɛ kɛ k’a koo diya a ye, a be sɔn ka teriya kɛ n’o tigi ye.—Zaburuw 147:11; Kɛwaliw 10:34, 35.
A ƝINI KA DƆ LƆN TUGUN
A ɲini k’a lɔn i be se ka kɛ Jehova teri ye cogo min na ani fɛɛn min kama a ka teriya ɲɔgɔn tɛ yen.
4. Ibrayima tun ye Jehova teri ye
Ka teriya kɛ ni Ala ye, o kɔrɔ ko di? Ibrayima (wala Abramu) ka maana b’an dɛmɛ k’o faamu. Min fɔra Ibrayima koo la Zɛnɛzi 12:1-4 na, o kalan. O kɔ, a’ ye ɲiningali nunu kɛ ani ka baro kɛ u kan:
Jehova y’a fɔ Ibrayima ye ko a ka mun lo kɛ?
Jehova y’a daa di a ma ko a bena mun lo kɛ a ye?
O cikanw sɔrɔnin kɔ, Ibrayima ye mun lo kɛ?
5. Jehova b’a fɛ a teriw ka mun lo kɛ?
An ka teli ka koo dɔw ɲini an teriw fɛ.
A bena diya i ye i teriw ka mun lo kɛ i ye?
Vɛrise nin kalan: 1 Zan 5:3. O kɔ, a’ ye ɲiningali nin kɛ ani ka baro kɛ o kan:
Jehova be mun lo ɲini a teriw fɛ?
N’an b’a fɛ ka mɛnni kɛ Jehova fɛ, n’a sɔrɔ an ka ɲi ka yɛlɛmani don an tagamacogo wala an sɔɔn na. Ezayi 48:17, 18 kalan. O kɔ, a’ ye ɲiningali nin kɛ ani ka baro kɛ o kan:
Mun na Jehova b’a ɲini a teriw fɛ u ka yɛlɛmaniw kɛ?
Koo minw be se k’i latanga ani k’i nafa, teri sɔbɛ b’i jija k’o lo kɛ. Jehova b’o kelen lo kɛ.
6. Jehova be mun lo kɛ a teriw ye?
Jehova b’a teriw dɛmɛ u ka see sɔrɔ u ka gwɛlɛyaw kan. A’ ye VIDEWO filɛ. O kɔ, a’ ye ɲiningali nin kɛ ani ka baro kɛ o kan:
Muso min kofɔra videwo nin kɔnɔ, Jehova y’a dɛmɛ cogo di ka see sɔrɔ a ka miiriya juguw n’a ka haminankow kan?
Ezayi 41:10, 13 kalan. O kɔ, a’ ye ɲiningali nunu kɛ ani ka baro kɛ u kan:
Jehova y’a daa di ko a bena mun lo kɛ a teriw bɛɛ ye?
E ka miiri la, Jehova bena kɛ teri sɔbɛ ye i fɛ wa? Mun na i ko ten?
Teri sɔbɛw b’i dɛmɛ n’i mako be dɛmɛ na. Jehova bena i dɛmɛ fana.
7. Walisa ka teriya kɛ ni Jehova ye, an ka ɲi ka kuma n’a ye ani k’a lamɛn
Ni teriw be kuma ɲɔgɔn fɛ, u ka teriya be barika sɔrɔ. Zaburuw 86:6, 11 kalan. O kɔ, a’ ye ɲiningali nunu kɛ ani ka baro kɛ u kan:
An be se ka kuma Jehova fɛ cogo di?
Jehova be kuma an fɛ cogo di?
An be kuma Jehova fɛ delili sababu fɛ ani ale be kuma an fɛ Bibulu sababu fɛ.
NI MƆGƆ DƆ Y’A FƆ I YE KO: “Adamaden tɛ se ka teriya kɛ ni Ala ye.”
I be se ka baara kɛ ni vɛrise juman lo ye walisa k’a yira ko an be se ka teriya kɛ ni Ala ye?
MIIRIYA JƆNJƆN
Jehova b’a fɛ i ka kɛ a teri ye, ani a bena i dɛmɛ i k’i magwɛrɛ a la.
I ye mun lo faamu?
Jehova b’a teriw dɛmɛ cogo di?
Mun na Jehova b’a ɲini a teriw fɛ u ka yɛlɛmani dɔw kɛ?
Ka kɛ Jehova teri ye, e ka miiri la o ka gwɛlɛ kojugu wa? Mun na i ko ten?
NUNU LAJƐ FANA
Ka teriya kɛ ni Ala ye, o be se k’i nafa cogo di?
“Jéhovah : un Dieu qui mérite d’être connu” (Saan 2003, feburukalo tile 15 ka Kɔrɔsili Sangaso)
A ɲini k’a lɔn i be se ka teriya kɛ ni Ala ye cogo min na.
Muso dɔ lanin b’a la ko a be teriya min kɛra ni Jehova ye, o y’a niin kisi. A filɛ fɛɛn min kama a lanin b’o la.
“Je ne voulais pas mourir!” (Saan 2017 ka Kɔrɔsili Sangaso No 1)
Kanbelew ni sunguru dɔw b’a lakali u be teriya min kɛra ni Jehova ye.