Hinɛ

Yezu y’a kɛ cogo min na

VIDEWO: Jama hinɛ donna Yezu la

1. VIDEWO filɛ wala Mariki 6:30-34 kalan. O kɔ, ɲiningali nunu jaabi:

1. Mun na Yezu n’a ka kalandenw tun b’a fɛ ka taga u “danna yɔrɔ dɔ la”?

2. Mun lo ye Yezu lasun k’o jama kalan?

An be kalan min sɔrɔ Yezu fɛ

2. Hinɛ b’an lasun ka mɔgɔw dɛmɛ, an t’a ɲini k’u waaju dɔrɔn.

Yezu ladegi

3. Lamɛnni kɛ koɲuman. A to a tigi k’a kɔnɔkow fɔ, kana kuma tigɛ a daa. N’a b’a dusukunnakow n’a ka haminankow lakalila i ye, n’i b’a lamɛn koɲuman, o bena diya a ye. I b’a yira o cogo la le ko i b’i janto a dusukunnakow la.

4. Miiri o makodonmɔgɔ koo la. Baro kɛnin kɔ n’a ye, i yɛrɛ ɲininga ko:

1. “Mun na a mako b’a la ka kibaro diiman mɛn?”

2. “Bibulukalan be se k’a ka ɲɛnamaya kɛcogo fisaya cogo di ani k’a dɛmɛ ka siniɲasigi ɲuman sɔrɔ?”

5. A mako be min na, baro kɛ o kan. N’i ye sababu sɔrɔ dɔrɔn, a yira a la ko a be se k’a ka ɲiningaliw jaabiliw ani ladili ɲumanw sɔrɔ bibulukalan sababu fɛ.