Fɛɛn min kama an be balimaw ka jɛkulu bɛɛ kanu

Bi duniɲa kɔnɔ kanuya tɛ yen. An be se k’a to ka kanuya barikaman yira an balima dannabagaw la cogo di (1 Piɛre 2:17)? Cogo juman na an be se k’a yira mɔgɔ wɛrɛw la ko duniɲa kuru bɛɛ kɔnɔ an ka balimaya lakika ye tiɲɛnko ye (Mat. 23:8)? Kasɛti videwo nin sababu fɛ: Toute la communauté de nos frères. A b’a yira fɛɛn min kama an be ɲɔgɔn kanu. A filɛ n’i be se ka ɲiningali ninw jaabi:

(1) An be jɛn ka baara saba juman kɛ n’an balimaw ka jɛkulu ye duniɲa kɔnɔ? (2) Cogo juman na an balimaw b’a yira k’u cɛsirinen be ka waajuli kɛ: (a) Alaska ka kongojan kɔnɔ, (b) tubabu jamana ka batow lalɔ yɔrɔbaw la, ani (c) Peru ka tuuba kɔnɔ? (3) Fɛɛn juman kɔni sɔrɔla ka kɛ baarakɛminan barikaman ye waajuli la? (4) Mun na an man kan k’a miiri abada ko waajuli ye baara gwansan ye? (5) Ɲɛyirali dɔw di, minw b’a yira cogo min na Jehova Seerew ye ɲɔgɔn dusu saalo ani u ye ɲɔgɔn dɛmɛ ɲani wagati la: dugukoloyɛrɛyɛrɛw, fɔɲɔbaw, ni jamana kɛlɛ wagatiw la (Takao ka lakalitaw lajɛ Réveillez-vous ! ɲɛɛ 23nan kɔnɔ, saan 1995 utikalo tile 22nan ta. Kotoyo ka lakalitaw fana lajɛ Réveillez-vous ! ɲɛɛ 20nan kɔnɔ, saan 1996 ɔkutɔburukalo tile 22nan ta.) (6) Tagamasiɲɛba min be an balimaw ka jɛkulu faranfasi ka yira, an bɛɛ be se k’o yira kɛnɛ kan cogo nɔgɔman juman na? (7) An ka ɲi ka kafo ka lajɛnw nafa jate cogo di? (8) Masaya Boon tun tɛ dɔw fɛ fɔlɔ la. U ye dɔ sɔrɔ tuma min na, o ye nɔɔ juman to u kan? (9) An balimaw kisira cogo juman na hakilimaya ta fan fɛ tuma min na bali sigira u kan Irisi ani tubabu jamana koron fan fɛ? (10) Hali bi, balima caaman be jijali kabakoman juman kɛ walisa ka taga lajɛnbaw la, ani mun kama? O ye i jagwɛlɛya cogo di? (11) I cɛsirinen be cogo di ka batoli kɛ ni tɔɔw ye kelenya na, ka mɔgɔ wɛrɛw dɛmɛ wagati gwɛlɛn na, ani ka waajuli kɛ ni kantigiya ye tuma bɛɛ ani cogoya bɛɛ la n’i be se? (12) Mun na a ka ɲi i k’i tɔgɔla kasɛti videwo nin sɔrɔ, ani i k’a yira makodon mɔgɔ caamanba la?