Hakilijigi lajɛn ka hakilijigikow

Ɲinan ka Hakilijigi lajɛn be bɛn awirilikalo tile 12nan ma, arabalon. Diinan mɔgɔkɔrɔw ka kan k’u janto koo ninw na:

◼ Lajɛn wagati sigitɔ, a’ ye aw janto ko tagamasiɲɛw tɛna tɛmɛ ni tile ma ben fɔlɔ.

◼ Lajɛn lɛri n’a kɛyɔrɔ tigitigi ka kan ka fɔ bɛɛ kelen-kelen ye, ani kalan dibaga fana ye.

◼ Buru ni diwɛn minw dagalen lo, u ka kan ka labɛn ka bila.—A filɛ saan 2003, La Tour de Garde ɲɛɛ 14-15nan kɔnɔ, feburukalo tile 15nan ta.

◼ Tasaw, vɛriw, tabali ɲuman ani tabali fani ka kan ka kɔn ka labɛn.

◼ Masaya Boon, wala lajɛn kɛyɔrɔ wɛrɛ ka kan ka saniya koɲuman ka kɔn wagati ɲɛ.

◼ A’ ye kɔn ka mɔgɔ kunbɛnbagaw ani tagamasiɲɛw latɛmɛbagaw sugandi, k’u ka baaraw ni koow kɛcogo ɲuman yira u la. U ka fani doncogo n’u kuun masiricogo ka kan ka bɛn.

◼ Ni mɔlen dɔ ye namara ye, ani a tɛ se ka na lajɛn na, labɛn ka kan ka kɛ walisa ka tagamasiɲɛw lase a ma.

◼ Ni kafo caaman ka lajɛn be kɛ Masaya Boon kelen kɔnɔ, u ka kan ka koow labɛn koɲuman walisa mɔgɔw kana ɲɔgɔnw degun gwansan donda la, siradaw la, ani bolifɛnw lɔyɔrɔw la.