Yala aw labɛnnen lo ka dɔnkili la Jehova ye an ka lajɛnw na wa?

¹ K’i yɛrɛ labɛn walisa k’i daa don lajɛnw na o kɔrɔ ko fana k’i yɛrɛ labɛn ka tandoli dɔnkiliw la. A’ ye ladili nunu lajɛ:

² Dɔnkili kumaw kɔrɔ faamu: Dɔnkili barokun basiginen be vɛrise min kan ani vɛrise minw sɛbɛra dɔnkili laban na, u bɛɛ b’a yira ka gwɛ o dɔnkili basiginen be Bibulu ka miiriya min kan.

³ Aw k’u degi: Lɔgɔkun o lɔgɔkun, batoli kɛtɔ gwa kɔnɔ, aw be se ka wagati dɔ ta k’o dɔnkili kuraw degi k’u lɔn. Dɔnkili minw bena na la lajɛnw na i k’u degi i kɛtɔ ka tugu fɔlikan kɔ. Aw be se ka dɔnkili kura dɔw ka dɔnkilikan n’u dɔnkilikumaw degi aw kɛtɔ k’u lamɛn Chantons à Jéhovah — Version chantée, CD fɔlɔ kan.

⁴ Aw ka kafo mana a daminɛ ka dɔnkili la gafe kura Chantons à Jéhovah kɔnɔ, yala aw labɛnnen bena sɔrɔ wa? Aw labɛnnen bena sɔrɔ n’aw ye wagati ta k’o dɔnkiliw kɔrɔ faamu ani k’u lacogo degi.