N’i b’a fɛ ka gafew sɔrɔ kaan wɛrɛ la joona

Tuma dɔw la an be mɔgɔ dɔw sɔrɔ minw be an ka gafew fɛ kaan wɛrɛ la nka o gafew tɛ sɔrɔ an ka kafo kɔnɔ. Yala i b’a lɔn ko ni ɛntɛrɛnɛti be i ka mara la ani ɔridinatɛri ka sɛbɛrimansi be yen, i be se ka gafew sɔrɔ kaan 400 ɲɔgɔn na wa? O kɛcogo filɛ nin ye:

• Taga an ka site Web dagannen yɔrɔ la, www.watchtower.org.

• Ɲɛɛ fɔlɔ min bena yɛlɛ, a filɛ i kinibolo fan fɛ, kaan damanin tɔgɔw sɛbɛra yen. Dugukolo jaa dɔ be yen. Digi ale kan k’a filɛ kaan minw bɛɛ be yen.

• I be kaan min fɛ, ale sugandi. Ɲɛɛ dɔ bena yɛlɛ k’a yira i be se ka gafe minw ta i n’a fɔ sɛbɛninw, kitabuninw ani gafe wɛrɛw. Hali n’i tɛ gafew tɔgɔw lɔn o kaan na, o tɛ basi ye.

• Gafe dɔ sugandi dɔrɔn. A kɔnɔ bena yɛlɛ i ka ɔridinatɛri kan i ɲɛɛ fɛ ani i be se k’a to sɛbɛrimansi k’o sɛbɛ.

Gafe sifa damanin dɔrɔn lo be sɔrɔ an ka site Web kan. Minw tɛ sɔrɔ yen, i be se k’u komandi kɛ kafo kɔnɔ. N’i sera k’an ka gafew nege don a tigi la, a ka ɲi i ka tɛmɛ kafo fɛ ka gafe wɛrɛw komandi kɛ.