Les merveilles de la création révèlent la gloire de Dieu

A ka di mɔgɔ caaman ye ka Ala ka danfɛnw lajɛ. Nka, u caaman t’a lɔn ko danfɛnw be koo caaman yira an na an Danbagaba ka miiriyaw n’a dusukunnataw koo la (Rom. 1:20). Galen, Dawuda ye koo caaman kalan Jehova koo la a ka Kuma senuman sababu fɛ. Nka, danfɛnw fana y’a dɛmɛ ka Jehova “ye” ani k’a magwɛrɛ a la (Zab. 8:4, 5). Videwo min kuun ko Les merveilles de la création révèlent la gloire de Dieu, o be se k’an yɛrɛ, an deenw n’an ka Bibulu kalandenw dɛmɛ an ka Jehova ka danfɛnw lajɛ ka ɲɛ. O la, an be Danbagaba ka jogow faamu ani an b’an magwɛrɛ a la. O videwo filɛnin kɔ, a ɲini ka ɲiningali nunu jaabi:

1) Duniɲa bonya hakɛ n’a labɛncogo ɲuman be mun lo yira i la Jehova koo la? (Es. 40:26). 2) N’an be jii cogoya filɛ ka ɲɛ, an be mun lo faamu Danbaga koo la? (Jir. 14:7). 3) Dugukolo bonya ani dugukolo ni tile furancɛ be Jehova ka hakilitigiya yira cogo di? 4) Kalo ka baara ye mun lo ye? (Zab. 89:38). 5) Jehova ye adamadenw dan cogo di walisa u ka se ka ɲɛnamaya diya bɔ? 6) ADN ye mun lo ye? (Zab. 139:16). 7) Mun lo be adamadenw kɛ dan na ni Jehova ka danfɛn tɔɔw bɛɛ ye dugukolo kan? (Jen. 1:26). 8) Mun lo bena diya i ye ka tɛmɛ fɛɛn bɛɛ kan duniɲa kura kɔnɔ?

Videwo kɔnɔfɛn wɛrɛw: 9) Kulɛriw be sɔrɔ cogo di? 10) Jii be yɛlɛ cogo di ka se yiriw kuncɛ la? 11) Jii be baara juman lo kɛ an fari la? 12) Ɲɛyirali dɔw fɔ k’a yira danfɛn ɲɛnamaw be ɲɔgɔn mako ɲɛ cogo min na. 13) Danfɛnw b’a lɔn cogo di ko u mako be ɲɔgɔn na? 14) “Nɔnkɔn dafanin” (“angle d’or” ) ye mun lo ye, ani a be ye cogo di danfɛnw na?

Jehova ka danfɛnw filɛ ka ɲɛ: Yesu b’an jija ko an ka “sanfɛ kɔnɔw filɛ” ka ɲɛ ani ko an ka “miiri kungo kɔnɔ bagaw fɛɛrɛbɔ cogo la.” (Mat. 6:26, 28). N’an b’o kɛ, dɔ bena fara an ka limaniya barika kan, an bena an jigi la koɲuman Danbaga kan ani an bena Jehova waleɲuman lɔn kosɔbɛ a ka hakilitigiya kosɔn ani a ka kisili fanga n’a ka kanuya kosɔn. Sanni an k’a to duniɲa nin ka fɛɛnw k’an lafili, an ka wagati ta ani k’an jija ka Jehova ka danfɛn kabakomanw lajɛ ani k’a filɛ u be kalan min di an ma an Danbagaba koo la.—Zab. 19:2.