An bena Masaya kibarow no 38 jɛnsɛn novanburu kalo la!

1. Mɔgɔw b’u yɛrɛ ɲininga mun lo la mɔgɔ salenw koo la? U bena jaabili sɔrɔ cogo di novanburu kalo la?

¹ Saya ye adamadenw bɛɛ jugu ye, u ka lannakow mana kɛ min o min ye (1 Kor. 15:26). Mɔgɔ caaman b’u yɛrɛ ɲininga ko: mɔgɔ salenw be min? Yala an bena se k’u ye tugun wa? O kama, duniɲa kuru bɛɛ kɔnɔ, kafow bena Masaya kibarow n^o 38 jɛnsɛn kalo kuru bɛɛ kɔnɔ. A barokun ko: “Suuw be se ka kunu tiɲɛn tiɲɛn na wa?” O kanpaɲi kɛrɛnkɛrɛnnin bena daminɛ novanburu tile fɔlɔ la. Kanpaɲi bannin kɔ, waajuli be se ka kɛ ni Masaya kibarow n^o 38 ye i n’a fɔ sɛbɛnin tɔɔw.

2. Masaya kibarow n^o 38 labɛnna cogo di?

² A labɛnna cogo min na: An be se k’a kuru cogo dɔ la walisa mɔgɔw ka se k’a barokun diiman ye a sanfɛla la ani ka kuma nunu ye fana: “Ele fɛ . . u be se ka kunu; u tɛ se ka kunu; n’a sɔrɔ u be se ka kunu.” Kalanbaga mana a dayɛlɛ, a bena a ye Bibulu be Masaya Kibarow ka barokun jaabi cogo min na, ani ale be se ka nafa min sɔrɔ Bibulu ka layidu kumaw na. A fana bena a ye fɛɛn minw kama ale be se ka la Bibulu ka fɔta la. Ɲiningali diiman min be sɔrɔ a ɲɛɛ laban na, o be kalanbaga lasun a ka miiri ani a k’a ɲini ka dɔ lɔn tugun.

3. An bena Masaya kibarow n^o 38 jɛnsɛn cogo di?

³ An bena a jɛnsɛn cogo min na: An bena a jɛnsɛn i ko an be to ka Krista saya Hakilijigi ani tile saba lajɛnba ka welelisɛbɛw jɛnsɛn cogo min na. Ka kɛɲɛ ni saan 2013, awirili tile fɔlɔ ka bataki ye, diinan mɔgɔkɔrɔw bena a yira cogo min na an ka ɲi k’o sɛbɛ jɛnsɛn kafo ka kiinw bɛɛ kɔnɔ. Kafo minw ka kiinw man ca, u be se k’u gɛrɛfɛ kafo dɔw dɛmɛ n’olu ka kiinw ka ca. N’i be Masaya kibarow n^o 38 tara Masaya Boon kɔnɔ, i be se ka hakɛ min jɛnsɛn lɔgɔkun kelen kɔnɔ, i k’o dɔrɔn ta. Kanpaɲi tuma na, ni aw y’a jɛnsɛn ka ban soo ni soo kiinw bɛɛ kɔnɔ, aw be se k’a di mɔgɔw ma foroba yɔrɔw la fana. Nka n’a banna aw bolo k’a sɔrɔ novanburu kalo ma ban fɔlɔ, baara be kɛ ni gafe min ye novanburu la, a’ y’o yira mɔgɔw la. Samedi fɔlɔ la, sanni an k’a ɲini ka bibulukalanw daminɛ ni mɔgɔw ye, Masaya kibarow n^o 38 jɛnsɛnni lo bena kɛ an ɲɛnako fɔlɔ ye. Wikɛniw na, n’a bɛnnin lo, an ka zurunaliw fara Masaya kibarow kan k’u di mɔgɔw ma. Yala i be labɛn kɛra walisa k’i seen don bɛrɛbɛrɛ o kanpaɲi kɛrɛnkɛrɛnnin na wa?